Apaney Khvaabon Mein Tujhey Jis Ney Bhi Dekhaa Ho Ga
Apane Khvaabon mein tujhe jis ne bhii dekhaa ho gaa
Aankh khulate hii tujhe DhuNdhane nikala ho gaa
Zindagi sirf tere naam se mansuub rahe
Jaane kitane hii dimaagon ney ye sochaa ho gaa
Dost ham us ko hii paiGaam-e-karam samajhen gey
Terii furqat kaa jo jalataa huaa lamhaa ho gaa
Daaman-e-ziist mein ab kuchh bhi nahin hai baaqi
Moat aai to yaqiinan usey dhokaa hogaa
Roshni jis sey utar aai lahuu mein merey
Ay masiihaa vo meraa zaKhm-e-tamannaa ho gaa_____!!
0 comments:
Post a Comment