Duniyaa Mein Hun Duniya Ka Talabgar Nahin Hun
Duniyaa mein hun duniyaa kaa talab_gaar nahin hun
Baazaar se guzaraa hun Kharidar nahin hun
Zinda hun magar zeest ki lazzat nahin baqi
Har chand k huN hosh mein hoshiyar nahin hun
Is Khaanaa-e-hastii se guzar jaun gaa be_laos
Saayaa hun faqat naqsh-e-diivaar nahin hun
Afasurdaa hun ibarat se davaa kii nahin haajat
Gam ka mujhe ye zauf hai biimaar nahin hun
Wo gul hun Khizan ne jise bar_baad kiya hai
Uljhun kisii daaman se main vo Khaar nahin hun
Yaa Rab mujhe mehfooz rakh us but ke sitam sey
Main us kii inaayat kaa talab_gaar nahin hun
Afasurdagii-o-jaur ki kuchh had nahin "Akbar"
Kaafir ke muqaabil mein bhii deen_daar nahiN hun____!!
Hungama Hai Kyon Barpa Thodi Si Jo Pii Lii Hai
Hungama Hai Kyon Barpa, Thodi Si Jo Pii Lii Hai
Daakaa Toh Nahin Daalaa Chori Toh Nahi Kii Hai
Naa Tajurbakaari Se Vaais Kii Ye Baatein Hai
Is Rang Ko Kyaa Jaane Puchho Toh Kabhi Pii Hai
Us Mai Se Nahi Matlab, Dil Jis se Hai Begaanaa
Maqasudd Hai Us Mai Se Dil Hii Mein Jo Khinchati Hai
Vaa Dil Mein Ki Sadame Do Yaa Jee Mein Ke Sab Sah Lo
Unkaa Bhi Ajab Dil Hai Mera Bhi Ajab Jee Hai
Har Zarra Chamaktaa Hai Anwaar-e-Ilaahi Se
Har Saans Ye Kehati Hai Hum Hai To Khuda Bhi Hai
Suraj Mein Lage Dhabba Fitrat ke Karishme hain
But Hum ko Kahein Kaafir Allah Ki Marzi Hai_____!!
Ankhein Mujhe Talvon Say Wo Malaane Nahin Detey
Ankhein Mujhe Talvon Say Wo Malaane Nahin Detey
Armaan Mere Dil Ka Nikalaney Nahin Detey
Khatir Say Terii Yaad Ko Talane Nahin Detey
sach Hai K Hum He Dil Ko Sanbhalaney Nahin Detey
Kis Naaz Say Kehtey Hain Wo Jhunjhala K Shab-E-Wasl
Tum To Humein KaravaT Bhi Badalane Nahin Detey
Paravaanon Ney Faanoos Ko Dekhaa To Ye Boley
Kyun Hum Ko Jalaatey Ho K Jalaney Nahin Detey
Hairaan Hun Kis Tarah Karun Arz-E-Tamana
Dushman Ko To Pehlu Say Wo Talaney Nahin Detey
Dil Wo Hai K Fariyaad Say Lab_Rez Hai Har Waqt
Hum Wo Hain K Kuch Munh Say Nikalaney Nahin Detey
Garmi-E-Mohabbat Mein Wo Hai Aah Say Maaney
Pankha Nafas-E-Sard Ka Jhalaney Nahin Detey___!!
Shoq E Nazaara Kabhi Dil Say Nikalta Hi Nahi
Shoq e nazara kabhi dil se nikalta hi nahi
Jee hamara hai tery dekhy bina bhealta hi nahi
chain se ho bethna q kr naseeb ay Kam nasheen
Hosh wehshat se mizaaj apna sambhalta hi nahi
Wasal ke ayyam mai kya kya dikhae inqilaab
Hijar mai rang e falak ab to badalna hi nahi
Kis ghazab ka hai MAAZ ALLAH taul e hijr
Hashar mujh pr hogaya laikin ye dhakta hi nahi
Hr qadam pr dil bary hen hasrat e pamal mai
Ab zameen pr paon rakh kr paar chalna hi nahi
Chand roz aya tha meri qabr pe wo shola ro
Ab to muddat se chiragh e gor chalta hi nahi
Soorat e parwana jal kr khaak bhi hogaya
Dil tera ay shama ro laikin pighalta hi nahi_______!!
Dil Mera Jis Say Behalata Koi Aisa Na Mila
Dil meraa jis se bahalataa ko_ii aisaa na milaa
But ke bande to mile allaah kaa bandaa na milaa
Bazm-e-yaaraa.N se phirii baad-e-bahaarii maayuus
Ek sar bhii use aamaadaa-e-saudaa na milaa
Gul ke Khvaahaa.N to nazar aaye bahut itr_farosh
Taalib-e-zamzam-e-bulbul-e-shaidaa na milaa
Waah kyaa raah dikhaa_ii hame.n murshad ne
Kar diyaa kaabe ko gum aur kalisaa na milaa
Sayyad uTThe jo gazaT le ke to laakho.n laaye
ShaiKh quraan dikhaataa phiraa paisaa na milaa____!!
Sans Letey Hue Bhii Darta Hun
Sans lete huye bhii Darataa huu.N
Ye na samajhe.n ki aah karataa huu.N
Bahar-e-hastii me.n huu.N misaal-e-hubaab
MiT hii jaataa huu.N jab ubharataa huu.N
Itnii aazaadii bhii Ganimat hai
Saa.Ns letaa huu.N baat karataa huu.N
SheKh saahab Khudaa se Darate ho
Mai.n to angrezo.n hii se Darataa huu.N
Aap kyaa puuchhate hai.n meraa mizaaj
Shukr allaah kaa hai marataa huu.N
Ye bara aib mujh me.n hai Akbar
Dil me.n jo aaye kah guzarataa huu.N___!!
0 comments:
Post a Comment