Mohsin Naqvi Urdu Poetry

Wo Humsafar Tha Magar Us Sey Hum Nawayi Na Thi

"Wo Humsafar Tha Magar Us Sey Hum Nawayi Na Thi
K Dhoop Cchao'on Ka Aalam Raha Judai Na Thi"

"Adawatein Thi, Taghaful Tha ,Ranjishen Thi,Magar
Bicharne Wale Main Sab Kuch Tha Be_Wafai Na Thi"

"Bicharte Waqt Un Aankhon Main Thi Hamari Ghazal
Ghazal Bhi Wo Jo Kabhi Kisi Ko Sunayi Na Thi"

"Kisay Pukaar Raha tha Wo Doobte Huey Din
Sada To Ayi Thi Lakin Koi Duhaayi Na Thi"

"Kabhi Ye Haal K Dono Main Yak-Dili Thi Mohsin
Kabhi Ye Marhala Jaise K Aashnayi Na Thi"
______________________________________________

Hon Gay Juda Hum Is Tarah, Imkan To Na Tha

"Hon gay juda hum es tarah, imkan tu na tha
Ye dil kabhi bhi es tarah, weraan tu na tha"

"Jesay howa hai ab k wo, halaat say mray
Pehlay kabhi wo es tarah, anjaan tu na tha"

"Wo shehr se gia hai tu, ronaq bhi lay gia
Ye shehr es tarah kabhi, sunsaan tu na tha"

"Ek Pyar ki jageer ka, maalik tha mein kabhi
Pehlay se yonhi be-sar-o-samaan tu na tha"

"Mohsin hum ne Ishq mein,paya naffa Bohat
Es kaarobaar mein koi, nuqsan tu na tha"

______________________________________________

Junon_E_Ishq Ki Rasmen Ajeeb Kya Kehna

"Junon_E_Ishq Ki Rasmen Ajeeb Kya Kehna
Main Un Se Door Wo Mere Qareeb Kya Jehna"

"Ye Tairgi Musalsal Mein Aik Waqfa Noor
Ye Zindagi Ka Tilsam Ajeeb Kya Kehna"

"Jo Tum Ho Barq Nasheman To Main Nasheman Barq
Ulajh Pare Hein Hamare Naseeb Kya Kehna"

"Laraz Gayee Teri Lau Mere Dagmagane Sy
Charag Gosha Koye Habib Kya Kehna"

______________________________________________

Wo Larki Bhi Aik Ajeeb Paheli Thi

"Wo Larki Bhi Aik Ajeeb Paheli Thi

Payase Hont Ankh Samandar Jesi Thi"

"Soraj Us Ko Dekh K Pela Perhta Tha

Wo Surma Ki Dhoop Mein Dhul Ker Nakalti Thi"

"Us Ko Apne Saye Se Dar Lagta Tha

Soch K Saye Mein Wo Tanha Hirni Thi"

"Ate Jate Mousam Us Ko Daste Thay

Hanste Hanste Palko Se Ro Perhti Thi"

"Adhi Raat Ganwa Deti Thi Chup Reh Ker

Adhi Raat K Chand Se Batain Kerti Thi"

"Dard K Ujray Mandar Jesa Ghar Uska

Wo Apne Ghar Mein Akloti Devi Thi"

"Moum Se Nazuk Jism Sehar Ko Dukhta Tha

Diye Jala Ker Shab Bhar Aap Pighalti Thi"

"Tayz Hawa Ko Rook Ker Apne Anchal Per

Sokhay Phool Ikathay Kerti Phirti Thi"

"Sub Per Zahir Ker Deti Thi Bhed Apna

Sub Se Ik Taseer Chupaye Rakhti Thi"

"Kal Shab Chikna Choor Howa Tha Dil Uska

Ya Phir Pehli Baar Wo Khul Ker Roi Thi"

"Mohsin Kaya Jane Kiyn Dhoom Se Be Perwa

Wo Apne Ghar Ki Dehleez Per Bethi Thi"

______________________________________________

Abhii Kyaa Kahe.N Abhii Kyaa Sunaayen

"Abhii Kyaa Kahe.N Abhii Kyaa Sunaayen

Ke Sar-E-Fasiil-E-Sukuut-E-Jaa.N"

"Kuf-E-Roz-O-Shab Pe Sharar Numaa

Vo Jo Harf Jarf CharaaG Thaa"

"Use Kis Havaa Ne Bujhaa Diyaa

Kabhii Lab Hile.Nge To Puuchhanaa"

"Sar-E-Sahar-E-Ahad-E-Visaal-E-Dil

Vo Jo Nikahato.N Kaa Hujuum Thaa"

"Use Dast-E-Mauj-E-Firaaq Ne

Tah-E-Khaak Kab Se Milaa Diyaa"

"Kabhii Gul Khile.Nge To Puuchhanaa

Abhii Kyaa Kahe.N Abhii Kyaa Sunaaye.N"

"Yuu.N Hii Khvaahisho.N Ke Fishaar Me.N

Kabhii Be-Sabab Kabhii BeKhalal"

"Kahaa.N Kaun Kis Se Bichha.D Gayaa

Kise Kis Ne Kaise Ga.Nvaa Diyaa"

"Kabhii Phir Mile.Nge To Puuchhanaa"

______________________________________________

Hamaaraa Kyaa Hai Ke Ham To ChiraaG-E-Shab Kii Tarah

"Hamaaraa Kyaa Hai Ke Ham To ChiraaG-E-Shab Kii Tarah

Agar Jale Bhii To Bas Itanii Raushanii Hogii"

"Ke Jaise Tund Andhero.N Kii Raah Me.N Juganuu

Zaraa Sii Der Ko Chamake Chamak Ke Kho Jaaye"

"Phir Is Ke Baad Kisii Ko Na Kuchh Sujhaa_ii De

Na Shab KaTe Na SuraaG-E-Sahar Dikhaa_ii De"

"Hamaaraa Kyaa Hai Ke Ham To Pas-E-Gubaar-E-Safar

Agar Chale Bhii To Bas Itanii Raah Tay Hogii"

"Ke Tez Havaao.N Kii Zard Maa_il Naqsh-E-Qadam

Zaraa Sii Der Ko Ubhare Ubhar Ke Mit Jaaye"

"Phir Us Ke Baad Na Raastaa Na Rah_guzar Mile

Hadd-E-Nigaah Talak Dasht-E-Bekinar Mile"

"Hamaarii Simt Na Dekho Ke Ko_ii Der Me.N Ham

Qabiilaa-E-Dil-O-Jaan Judaa Hone Vaale Hai.N"

"Base Basaaye Huye Shahar Apanii Aa.Nkho.N Ke

Misal-E-Khaanaa-E-Viiraan Uja.Dane Vaale Hai.N"

"Havaa Kaa Shor Ye Hii Hai To Dekhate Rahanaa

Hamaarii Umar Ke Kheme.N Ukha.Dane Vaale Hai.N"

______________________________________________

Aaj Gum Sum Hai Jo Barbaad Jazeeron Jaisi

"Aaj Gum Sum Hai Jo Barbaad Jazeeron Jaisi

Us Ki Aankhon Mein Chamak Thi Kabhi Heeron Jaisi"

"Kitne Maghroor Pahaaron Ke Badan Chaak Huey

Taiz Kirnon Ki Jo Baarish Hui Teeron Jaisi"

"Jis Ki Yaadon Se Khayaalon Ke Khazaanay Dekhay

Uski Soorat Bhi Lagi Aaj Faqeeron Jaisi"

"Chahatain Lub Pe Machalti Hui Larki Ki Tarah

Hasratain Aankh Mein Zindaan Ke Aseeron Jaisi"

"Hum Anaa Mast, Tahi Dast Bohat Hain MOHSIN

Ye Alag Baat Ke Aadat Hai Ameeron Jaisi"

______________________________________________

Marhalay Shoq Ke Dushwar Howa Kartay Hain

"Marhalay Shoq Ke Dushwar Howa Kartay Hain

Saaye Bhi Raah ki Dewaar Howa Kartay Hain"

"Wo Jo Sach Boltay Rehnay Ki Kasam Khaatay Hain

Wo Adalat Mein Gunaah-gaar Howa Kartay Hain"

"Sirf Haathon Ko Na Dekho Kabi Aakhen Bhi Parho

Kuch Sawaali Barray Khud-daar Howa Kartay Hain"

"Wo Jo Pathar Yunhi Rastay Mein Paray Rehtay Hain

Un Ke Seenay Mein Bhi Shaah-kaar Howa Kartay Hain"

"Subaah Ki Pehli Kiran Jin Ko Rula Deti Hai

Wo Sitaaron Ke Azadaar Howa Kartay Hain"

"Jin Ki Aankhon Mein Sadaa Pyaar Ke Sehra Chamkain

Dar Haqiqat Wohi Fankaar Howa Kartay Hain"

"Sharam Aati Hai Dushman Kisay Samjhain Mohsin

Dushmani Ke Bhi Kuch Mayaar Howa Kartay Hain"

______________________________________________

Kahan Itni Sazaen Thi Bhala Is Zindgani Mein

"Kahan itni saza’en thi bhala is zindgani mein

Hazaron ghar huwe roshan jab mera dil jala MOHSIN"

"Faqat ik lafz “MOHABBAT” ki hum ne bheek mangi thi

Taras gaye khushi ko hum mili hai ye saza MOHSIN"

"Sukoon e zindagi chora ik teri zaat ki khatir

Magar phir bhi meri chahat se tum ko hai gila MOHSIN"

"Toota huwa ye dil le kar main kis k paas jaonga

Hai kaun wo karay ga jo mere dil ki dawa MOHSIN"

"Teri ankhain teri sansain tera chehra teri dharkan

Main kaise bhool paön ga teri har ik adaa MOHSIN"

"Kisi ko kya khabar mujh par har pal kya guzarti hai

Meri saari kahani ka hai tu hi aashna MOHSIN"

"Nahi qaabil tere lekin munasib jo agar samjho

Yaad rakhna duaon mein yehi hai ilteja MOHSIN"

______________________________________________

Kahaan Tha Itna Azaab Ashna Maira Chehra

"Kahaan Tha Itna Azaab Ashna Maira Chehra

Jallay Chiraagh tu Bujhnay Laga, Maira Chehra"

"Woh Tairay Hijar Kay Din woh Safeer Sadiyon Kay

Tu Un Dinoon mein Kabhi Daikhta Maira Chehra"

"Judaiyoon Kay Safar Mein Rahay Hain Saath

SadaTairi Talaash,Zamanay, Hawa, Maira Chehra"

"Mairay Siwa Koi Itna udaas Bhi Tu Na Tha

Khizaan Kay Chand Ko Achaa Laga Maira Chehra"

"Kitaab Khool Raha Tha Woh Apnay Maazi Ke

Warq Warq Pay Bikharta Gaya Maira Chehra"

"Sehar Kay Noor Say Dhulti Hoe Tairi Ankhain

Safar Ke Gard Mein Lipta Howa Maira Chehra"

"Hawa Ka Akhri Boosa Tha Ya Qayamat Thi ?

Badan Ke Shaakh Say Phir Gir Para Maira Chehra"

"Jissay Bujha Kay Hawa Soogwar Phirti Hai

Woh Shama e Shaam e Safar Thi Keh Maira Chehra"

"Yeah Loug Kiyon Mujhay Pehchantay Nahi "Mohsin"

Mein Sochta Hoon Kahaan Reh Gaya Maira Chehra ?"

______________________________________________

Maqrooz Ke Bigray Howay Khayaalaat Ki Maanind

"Maqrooz Ke Bigray Howay Khayaalaat Ki Maanind

Majboor Ke Honton Pe Sawaalaat Ki Maanind"

"Dil Ka Teri Chaahat Mein Ajab Haal Howa Hai

Sailaab Se Barbaad Makaanaat Ki Maanind"

"Mein Un Mein Bhatkay Howay Jugnu Ki Tarah Hun

Os Shakhs Ki Aankhain Hain Kisi Raat Ki Maanind"

"Dil Roz Sajaata Hun Mein Dulhan Ki Tarah

Gham Roz Chalay Aatay Hain Baaraat Ki Maanind"

"Ab Ye Bhi Nahi Yaad Ke Kia Naam Tha Os Ka

Jis Shakhs Ko Maanga Tha Manaajaat Ki Maanind"

"Kis Darja Muqaddas Hai Tere Qurb Ki Khwaahish

Maasoom Se Bachay Ke Khayaalaat Ki Maanind"

"Os Shakhs Se Milna “Mohsin” Mera Mumkin Hee Nahi

Mein Pyaas Ka Sehra Hun Wo Barsaat Ki Maanind"

______________________________________________

Mere Qaatil Ko Pukaro Kay Main Zinda Hoon Abhi

"Mere Qaatil Ko Pukaro Kay Main Zinda Hoon Abhi

Phir Say Maqtal Ko Sanwaro Kay Main Zinda Hoon Abhi"

"Yeh Shab-e-Hijar To Sathi Hai Meri Barson Say

Jao So Jao Sitaro Kay Main Zinda Hoon Abhi"

"Yeh Pareshaan Say Gaisu Daikhay Nahi Jatay

Apni Zulfun Ko Sanwaro Kay Main Zinda Hoon Abhi"

"Laakh Moujon Main Ghira Hun, Abi Dooba Tou Nahi

Mujh Ko Sahil Say Pukaro Kay Main Zinda Hoon Abhi"

"Qabr Say Aaj Bhi “Mohsin” Ki Aati Hai Sadaa

Tum Kahan Ho Meray Yaroo Kay Main Zinda Hoon Abhi"

______________________________________________

Ankho Mein Koi Khawab Utarne Nahi Deta

"Ankho Mein Koi Khawab Utarne Nahi Deta

Ye Dil K Muje Chain Se Marne Nahi Deta"

"Bicharay To Ajeeb Payar Jatata Hai Khato Mein

Mil Jaye Tu Phir Had Se Guzarne Nahi Deta"

"Wo Shakas Khiza Rut Mein Bhi Muhtat Rahay Kitna

Sokhay Hoye Pholo Ko Bikharne Nahi Deta"

"Ik Roz Teri Payas Khariday Ga Wo Ghabro

Pani Tuje Panghat Se Jo Bharne Nahi Deta"

"Wo Dil Mein Tabasam Ki Kiran Gholne Wala

Rothay To Roto Ko Bhi Sanwarne Nahi Deta"

"Mein Us Ko Manao K Gham E Dehar Se Uljhon

Mohsin Wo Koi Kaam Bhi Kerne Nahi Deta"

______________________________________________

Bharkaye Meri Payas Ko Aksar Teri Ankhain

"Bharkaye Meri Payas Ko Aksar Teri Ankhain

Sehra Mera Chehra Hai Smandar Teri Ankhain"

"Phir Kon Bhal Dad E Tabasm Unhain Day Ga

Royen Gi Bohat Muj Se Bichar Ker Teri Ankhain"

"Bhojal Nazar Ati Hein Bazahir Muje Lakin

Khilti Hein Bohat Dil Mein Uter Ker Teri Ankhain"

"Ab Tak Meri Yaado Se Mitaye Nahi Mitna

Beghi Hoi Ik Shaam Ka Manzar Teri Ankhain"

"Mumkin Ho To Ik Taza Ghazal Our Bhi Keh Lon

Phir Urh Na Lain Khawab Ki Chadar Teri Ankhain"

"Youn Dekhte Rehna Usay Acha Nahi Mohsin

Wo Kaanch Ka Paykar Hai To Pathar Teri Ankhain"
______________________________________________

Nazar Ka Husn Bhi Husn-e-Butaan Se Kam To Na Tha

"Nazar Ka Husn Bhi Husn-e-Butaan Se Kam To Na Tha

Mera Yaqeen Bhi Tumhaare Gumaan Se Kam To Na Tha"

"Mizaaj-e-Azmat-e-Adam Ki Baat Hai, Warna

Zameen ka Zulm Tere Asmaan Se Kam To Na Tha"

"Guzar Raha Tha Jahaan Se Main Sang Dil Ban Kar

Woh Mor Sheesha Garon Ki Dukaan Se Kam To Na Tha"

"Na Jaane Kiyoon Teri Aankhen Khamosh Thien, Warna

Dil-e-Ghareeb Ka Naghmaa Faghaan Se Kam To Na Tha"

"Rah-e-Januu Kay Nasheb-o-Faraaz Mein “Mohsin”

Khird Ka Phool Bhi Sang-e-Giraan Se Kam To Na Tha"

______________________________________________

Dasht Mein Piyas Bujhaty Howe Mar Jaate Hain

"Dasht Mein Piyas Bujhaty Howe Mar Jaate Hain

Hum Parinde kahein Jatay Howe Mar Jaate Hain"

"Hum Hain Sookhay Howy Talaab Pe Baithe Howe Hans

Jo Taaluq ko Nibhaatae Howe Mar Jaate Hain"

"Un Kay Bhi Qatal Ka Elzam Hamare sar Hai

Jo Hamain Zaher Pilatay Howe Mar Jaate Hain"

"Yeh Mohabat ki kahani Nahi Marti Lekin

Log kirdar Nibhate Howe Mar Jaate Hain"

"Hum Hain Woh Tooti Howi kashtiyon Waale “Mohsin”

Jo kinaaron ko Milaatay Howe Mar Jaate Hain"

______________________________________________

Bazaahir Log Kitne Mehrbaan The

"Bazaahir log kitne mehrbaaN the

Magar dukh banTne wale kahaan the"

"LaboN per muskurahat ki dhanak thi

Lahoo lathre sukhan zer E zubaN the"

"Jo manzil aashna the wo musafir

Pus e khak e ghubaar e karvaaN the"

"Mai aise shahr ka baasi bana hooN  

MakiN patther the, shishe k makaN the"

"Jala jab aashyaaN to hum ne jana  

K tinke bhi hawa ke raazdaaN the"

"Kisi ne haal tak puchha na ‘Mohsin’

Hum ahl e dil bhi kitne rayegaaN the"

______________________________________________

Kabhi Jo Ccher Gayee Yaad-E-Raftagaan Mohsin

"Kabhi jo cheR gayee yaad-E-raftagaaN Mohsin

Bikhar gayee haiN nigaaheN kahaaN kahaaN Mohsin"

"Hawa ne raakh urraaii to dil ko yaad aayaa

K jal bujheeN mere khaabon ki bastiyaaN Mohsin"

"Kuch aaise ghar bhi miley jin meN ghooNgatoN k iwaz

Hui haiN dafn dopattoN meN larrkiyaaN Mohsin"

"KhaNdar hai ahd-E-guzishta na chhu na chheR isay

KhuleN to band na hoN is ki khirrkiyaaN Mohsin"

"Bujha hai kaun sitaaraa k apni aankh k saath

Huey haiN saare manaazir dhuaaN dhuaaN Mohsin"

"Nahi k us ne ganwaaye haiN maah O saal apne

Tamaam umr kaTi yuun bhi raaegaaN Mohsin"

"Mila to aur bhi taqseem kar gaya mujh ko

SameiTna theeN jisay meri kirchiyaaN Mohsin"

"KahiN se us ne bhi toRa hai khud se rabt-E-wafa

Kahin se bhool gaya maiN bhi daastaaN Mohsin"

______________________________________________

Aahat Si Howi Thi Naa Koi Barg Hilaa Tha

"Aahat Si Howi Thi, Naa Koi Barg Hilaa Tha

Main Khud Hi Sar-e-Manzil-e-Shab Cheekh Para Tha"

"Lamhon Ki Faseelein Bhi Mere Gird Khari Thien

Main Phir Bhi Tujhe Shaher Mein Awaara Laga Tha"

"Tune Jo Pukaara Hai Tou Bol Uthaa Hoon, Warna

Main Fikar Ki Dehleez Pe Chup Chaap Khara Tha"

"Phaili Thi Bhare Shaher Mein Tanhai Ki Baaten

Shayad Koi Deewar Kay Peeche Bhi Khara Tha"

"Ab Is Kay Siwaa Yaad Nahi Jashn-e-Mulaqaat

Ek Maatmi Jugnu Meri Palkon Pe Sajaa Tha"

"Ya Barish-e-Sang Ab Kay Musalsal Na Howi Thi

Ya Phir Main Tere Shaher Ki Raah Bhool Gaya Tha"

"Ek Jalwa-e-Mehboob Se Roshan Tha Mera Zehn

Wajdaan Yeh Kehta Hai Wohi Mera Khuda Tha"

"Weraan Na Ho Is Darja Koi Mosam-e-Gul Bhi

Kehte Hain Kisi Shakh Pe Ek Phool Khila Tha"

"Ek Tu Kay Gurezaan Hi Raha Mujh Se Beher Tor

Ek Main Kay Tere Naqsh-e-Qadam Choom Raha Tha"

"Dekha Na Kisi Ne Bhi Meri Simt Palat Kar

“Mohsin” Main Bikharte Howe Sheeshon Ki Sadaa Tha"
______________________________________________

Karray Safar Mein Agar Raasta Badalna Tha

"Karray Safar Mein Agar Raasta Badalna Tha

Tou Ibtedaa Mein Mere Saath Hee Na Chalna Tha"

"Kuch Is Lye Bhee Tou Sooraj Zameen Pe Utraa Hai

Pahaarion Per Jami Barf Ko Pighalna Tha"

"Utar Ke Dil Mein Lahuu Zeher Kar Gaya Aakhir

Wo Saanp Jis Ko Meri Aastee.n Mein Palnaa Tha"

"Ye Kia Ke Tohmatain Aatish-Fishaan Ke Sar Aayein

Zameen Ko Yun Bhee Khazaana Kubhi Ugalna Tha"

"Mein Lagzishon Se Atay Raaston Pe Chal Nikla

Tujhe Ganwa Ke Mujhe Phir Kahan Sambhalna Tha?"

"Ajab Naseeb Tha “Mohsin” Ke Baad-e-Marg Mujhe

Charaagh Ban Ke Khud Apni Lehad Pe Jalna Tha"

______________________________________________

Rait Par Likh K Mera Nam Mitaya Na Karo

"Rait Par Likh K Mera Nam Mitaya Na Karo 

Ankhen Sach Bolti Hain Pyar Cchupaya Na Laro"

"Log Har Bat Ka Afsana Bana Letey Hain 

Sab Ko Halaat Ki Rudad Sunaya Na Karo"

"Ye Zaruri Nahi Har Shakhs Masiha Hi Ho 

Pyar K Zakhm Amanat Hain Dikhaya Na karo" 

Shahar-E-Ehsas Main Patthar Bohat Hain 'Mohsin'

Dil Lo Shishe Ke Kharonko'on Main Sajaya Na Karo" 

______________________________________________

Saltanat Dil Mein Hee Nahi Oski

"Saltanat Dil Mein Hee Nahi Oski

Aasmaan Tak Hai Sar-Zameen Oski"

"Phir Paharon Pe Barf Pighli Hai

Phir Damaknay Lagi Jabeen Oski"

"Dehaan Rakhna Har Ik Aahat Per

Shaayad Ubhray Sadaa Kaheen Oski"

"Ab Bhi Roshan Hai Zindagi Os Se

Ab Bhi Soorat Hai Dil-Nasheen Oski"

"Hijr Ki Rut Azaab Hai Mohsin

Aadatain Sab Badal Gayin Oski"

Read More..