All Poetry Of Adeem Hashmi

Raaz-E-Dil Aam Kar Gaye Aansu

Raaz-E-Dil aam Kar Gaye Aans
GhaM Ko BadnaaM Kar Gaye Aansu

Aaj Usne Bhi Haal Puchh Liya
Aaj To KaaM Kar Gaye Aansu

Log Phoolon Ke Sath Pahuche The
Aur HuM ThaaM Kar Gaye Aansu

HuM Kisike Na The Magar HuMko
Aap Ke NaaM Kar Gaye Aansu

Har Kisi Ne Lagaya DaaM
GaM Ko NilaaM Kar Gaye Aansu

Dhund Si Chha Gayi Hai Aankhon Mein
Har Taraf ShaaM Kar Gaye Aansu

Baat Mein Bhi Bahut Asar Tha
Aur Kuch KaaM Kar Gaye Aansu

Shayri Sirf Shayri Thi
Usko IlzaaM Kar Gaye Aansu____!!
___________________________

Khaak Par Jab Bikhar Gaye Ansoo

Khaak Par Jab Bikhar Gaye Ansoo
Ye Laga Jaise Mar Gaye Aansoo

Aaj Palko Ki Baarr Phandd Gaye
Aaj Had Sy Guzar Gaye Ansoo

Aasmaan Bhar Gaya Sitaro Sy
Ghum Ki Jholi Main Bhar Gaye Ansoo

Dil Ki Gathri Main Bandh Rakhe Thy
Jane Kaise Bikhar Gaye Ansoo

Apne Ghum Ki Kasafatain B Boht
Usk Ghum Sy Nikhar Gaye Ansoo

Aaj To Ghum Boht Ziada Hai
Aaj Jaane Kidhar Gaye Aansoo

Zabt Sy Ahd Bandh Rakha Hy
Or Phr B Bikhar Gaye Ansoo

Seel E Darya To Kuch Nai Tha
Apne Tofan Sy Darr Gaye Ansoo

Dil Kar'ra To Boht Kia Tha "Adeem"
Waqt E Rukhsat Bikhar Gaye Aansoo________!!
___________________________

Dard Hotey Hain Kayi Dil Main Chupaney K Liye

Dard hote hain kai, dil main chhupane ke liye
Saare aashu nahi hote hain, bahaane ke liye

Umar tanha kaat di wada nibhane ke liye
Ahad bandha tha koi aazmane ke liye

Kuch diye diwar pe rakhe tere intezar main
Kuch diye laya hu palko pe sajaane ke liye

Wo musafir to  mile the ek lamhe ke liye
Umar sari kat di unko bhulane ke liye

Koi gam ho koi dukh ho dard ho koi
Muskrana pad hi jata hai jamaane ke liye_____!!
___________________________

Zindagi Sirf  Isi Dhun Main Guzarey Jayen

Zindagi sirf issi dhun main guzarey jayen
Bass tera naam, tera naam pukarey jayen

Jab yeh tay hai ke yahan koi nahin aye ga
Kis ki khatir dar-o-deewar sanwarey jayen

Aik tujh tak na pohanch paye mere dard ki aanch
Aasman tak to mere gham ke sharaarey jayen

Jab mulaqat na thi tab to koi baat na thi
Ab yeh tanhai ke din kese guzarey jayen

Yahan ghamkhawaar nahin hai wahan azaar nahin
Kiss jahan mein yeh tere dard ke maarey jayen

Main andheron mein nahin main to wahan jaon ga
Woh jahan sath mere chaand sitarey jayen

Jeet kar to kahin le jaye musalsal hum ko
Aur hum roz teri chaah mein haarey jayen

Marg-e-jaan na sahi, marg-e-mohabbat hi sahi
Zindagi kuch to tera qarzz utarey jayen

Fasilon se na hua josh-e-mohabbat ka ilaaj
Yeh to kuch aur bhi jazbon ko ubhaarey jayen

Bazm-e-ehbaab to tasveer ka ik rukh hai Adeem
Is mein dushman bhi to do chaar hamarey jayen

Wassl ke baad mohabbat ki sazaa theek Adeem
Maarey jayen bhi to kyon muft main maarey jayen____!!

Read More..

Read More

Best Poetry Of Adeem Hashmi

Gham Ke Her Ek Rang Se Mujh Ko Shanasa Ker Gaya

Gham Ke Her Ek Rang Se Mujh Ko Shanasa Ker Gaya
Wo Mera Mohsin Mujhe Pathar Se Heera Ker Gaya

Ghoorta Tha Main Faza Main To Sajee Theen Mehfilain
Mera Aankhon Ka Jhapakna Mujh Ko Tanha Ker Gaya

Her Taraf Urnay Laga Tareek Saayon Ka Ghubaar
Shaam Ka Jhonka Chamakta Sheher Maila Ker Gaya

Chaat Li Kirno'n Ne Meray Jism Ki Saari Mithaas
Main Samander Tha Wo Suraj Mujh Ko Sehra Ker Gaya

Aik Lamhay Main Bharay Bazaar Soonay Ho Gaye
Aik Chehra Sab Puranay Zakhm Taaza Ker Gaya

Main Usi Ke Raabtay Main Jis Tarha Malboos Tha
Yuun Wo Daaman Kheech Ker Mujh Ko Bareh'na Ker Gaya

Raat Bhar Hum Roshni Ki Aas Main Jaagay Adeem
Aur Din Aaya To Aankhon Main Andhera Ker Gaya____!!
____________________________

Isay Paana Tha Uss Ko Khona Tha

Isay Paana Tha Uss Ko Khona Tha
Ye Bhi Hona Tha Wo Bhi Hona Tha

Kitni Dair Aur Uss Ko Rona Tha
Wo Jo Hona Tha, Wo To Hona Tha

Shaayad Iss Waastay Mili Aankhen
Bojh Kuch Aansu'on Ka Dhona Tha

Shab-E-Mehtaab, Aaftaab-E-Shaam
Aik Chandi Thi Aik Sona Tha

Kia Ghazab Ker Lia Hai Aankhon Ne
Mujhe To Tujh Se Chhup Ke Rona Tha

Hum Ne Moti Samajh Leay Thay Adeem
Warna Daaman Kisay Bhigona Tha _______!!
____________________________

Jab Usay Chaha To Chaha Her Tarah Ke Haal Main

Jab Usay Chaha To Chaha Her Tarah Ke Haal Main
Her Tarah Ka Husn Dekha Uss Ke Khad-O-Khaal Main

Chal Rahi Hai Ye Zameen Zandaa'n Ki Chakki Ki Tarah
Piss Rahay Hain Log Kia Kia Iss Ke Maah-O-Saal Main

Misl-E-Maahi Waqt Ke Haathon Se Phisli To Buhat
Phans Gai Aaker Jawani Jhurrion Ke Jaal Main

Inteha'on Per Rahay Hum Darmiaan Thehray Nahi
Aasmaan Ki Auj Per Ya Gir Gaye Pataal Main

Ye Bhi Kia Insaaf Hai Ay Munsif-E-Wasl-O-Firaaq
Uss Ki Aadhi Bhi Jhalak Dekhi Na Pooray Saal Main

Ibtida Se Hashr Tak Sab Teen Pinj'ron Main Hain Qaid
Koi Maazi, Koi Mustaqbil Main, Koi Haal Main

Teen Sau PainsaTh (365) Dareechay Waqf Sooraj Ke Leay
Chaand Ki Khatir Bani Baara'dari Her Saal Main

Mainay Socha Tha Kisi Ko Main Dhoka Doon Adeem
Shakl Apni He Nazar Aai Sabhi Ashkaal Main____!!
____________________________

Koi Pathar Koi Gohar Kion Hai

Koi Pathar Koi Gohar Kion Hai
Farq Logon Main Iss Qadar Kion Hai

Tuu Mila Hai To Ye Khayaal Aaya
Zindagi Itni Mukhtasar Kion Hai

Jab Tujhe Laut Ker Nahi Aana
Muntzair Meri Chashm-E-Terr Kion Hai

Uss Ki Aankhain Kaheen Sadaf To Nahi
Uss Ka Her Ashk He Gohar Kion Hai

Raat Pehle He Kion Nahi Dhalti
Teergi Shab Ki Ta sahar Kion Hai

Ye Bhi Kesa Azaab De Daala
Hai Muhabbat To Is Qadar Kion Hai

Tuu Nahi Hai to Roz-O-Shab Kese
Shaam Kion Agai Sahar Kion Hai

Kion Rawana Hai Her Ghari Dunya
Zindagi Mustaqil Safar Kion Hai

Main To Ek Mustaqil Musafir Hoon
Tuu Bhala Mera Hamsafar Kion Hai

Tujh ko Milna Nahi Kisi Se Adeem
Phir Bichhernay Ka Tujh Ko Darr Kion Hai_____!!
____________________________

Kyun Udaas Hain Shajar Ay Adeem Hashmi

Kyun udaas hain shajar, aye Adeem Hashmi?
Kon le gaya samar, aye Adeem Hashmi?

Taish, aur is qadar?! aye Adeem Hashmi?
Kuch Khuda ka khauf kar! aye Adeem Hashmi

Jab woh jaa chuka kahin, jab woh aayega nahin
Kyun khula hua hai dar?! aye Adeem Hashmi

Teri sab musaaften, kis ke kaam aayengi?
Kya hua woh hamsafar, aye Adeem Hashmi?

Jis ko chor hi diya, us ka zikr kya Adeem?
Aur koii baat kar! aye Adeem Hashmi________!!
____________________________

Pehle To Dil Wafa Se Bhi Agay Nikal Gaya

Pehle To Dil Wafa Se Bhi Agay Nikal Gaya
Phir Dil Iss Inteha Se Bhi Agay Nikal Gaya

Awaz De Ker Uss Ko Bulaon Main Kis Tarah
Wo To Hadd-E-Sada Se Bhi Agay Nikal Gaya

Nikli Hai Rooh Noor Ki Raftaar Se Bhi Taiz
Pal Main Koi Khala Se Bhi Agay Nikal Gaya

Kion Dar'ba'dar Ura'ay Phiray Khaak Ko Hawa
Abb To Badan Fanaa Se Bhi Agay Nikal Gaya

Ik Teer Tha Kamaan-E-Takhayyul Main Dair Se
Nikla To Wo Khuda Se Bhi Agay Nikal Gaya

Saansain Adeem Aakhri Lamhay Main Dhoondta
Main Koocha-E-Hawa Se Bhi Agay Nikal Gaya

Tuu Le Ker Aa Gaya Hai Dawa Kis Leay Adeem
Bemaar To Dawa Se Bhi Agay Nikal Gaya___!!
____________________________

Rakht-E-Safar Yunhi To Na Bekaar Le Chalo

Rakht-E-Safar Yunhi To Na Bekaar Le Chalo
Rasta Hai Dhoop Ka, Koi Dewaar Le Chalo

Taaqat Nahi Zubaan Main To Likh Loon Dil Ki Baat
Koi To Saath Soorat-E-Izhaar Le Chalo

Dekhoon To Badal Ke Wo Bhala Kesa Ho Gaya
Mujh Ko Bhi Uss Ke Saamnay Ek Baar Le Chalo

Kab Tak Nadi Ki Teh Main Utaaro Ge Kashtiaan
Abb Ke To Haath Main Koi Patwaar Le Chalo

Parti Hain Dil Pe Gham Ki Ager Silwatain To Kia
Chehray Pe To Khushi Ke Kuch Aasaar Le Chalo

Jitney Bhanwar Kaho Ge Pehen Loonga Jism Per
Ek Baar To Nadi Ke Mujhe Paar Le Chalo

Kuch Bhi Nahi Ager To Hatheli Pe Jaan Sahi
Tohfa Koi To Uss Ke Leay Yaar Le Chalo

Jungle Main Aye Ga Koi Gaahak Kahan Adeem
Bikna Hai Ger To Saath Khareedaar Le Chalo
____________________________

Saray Jahan Ko Adeem Waqif-E-Haal Kar Diya

Saray jahan ko Adeem. Waqif-e-haal kardiya
Tohfa zara sa tha, magar us ne uchaal kar dia

Uski nazar ko daad do jis ne ye haal kardiya
Mera kamal kuch nahi us ne kamal kardiya

Ik nigah ka asar zarf ba zarf mukhtalif
Isko nidhaal kardiya, Usko nihaal kardiya

Ye toa hua hatheliyaan gunbad-e-surkh ban gaiin
Hathon ki oat ne magar rakha sambhal kar diaaa

Koi toa iski qadar kar, koi toa us ko ajar day
Us ne Adeem tujhko dil, kitno ko taal kar diya

Baat sukhan ki chal pari, us ne Adeem maan li
Main ne firaaq kaat kar usko Wisaal kardiya_____!!

Read More..

Read More

Adeem Hashmi Poetry

Koi Pathar Koi Gohar Kion Hai

Koi Pathar Koi Gohar Kion Hai
Farq Logon Main Iss Qadar Kion Hai

Tuu Mila Hai To Ye Khayaal Aaya
Zindagi Itni Mukhtasar Kion Hai

Jab Tujhe Laut Ker Nahi Aana
Muntzair Meri Chashm-E-Terr Kion Hai

Uss Ki Aankhain Kaheen Sadaf To Nahi
Uss Ka Her Ashk He Gohar Kion Hai

Raat Pehle He Kion Nahi Dhalti
Teergi Shab Ki Ta sahar Kion Hai

Ye Bhi Kesa Azaab De Daala
Hai Muhabbat To Is Qadar Kion Hai

Tuu Nahi Hai to Roz-O-Shab Kese
Shaam Kion Agai Sahar Kion Hai

Kion Rawana Hai Her Ghari Dunya
Zindagi Mustaqil Safar Kion Hai

Main To Ek Mustaqil Musafir Hoon
Tuu Bhala Mera Hamsafar Kion Hai

Tujh ko Milna Nahi Kisi Se Adeem
Phir Bichhernay Ka Tujh Ko Darr Kion Hai_______!!
______________________________

I Know We Sometimes Argue

I know we sometimes argue, and
I sometimes blow my lid.
But I still love you very much:
I’m only just a kid.

Sometimes I need to push against
The fences you erect,
Even though I know they’re there
To shelter and protect.
I know you want the best for me
And to keep me from all harm.
I just want you to know I couldn’t
Have a better mom_________!
______________________________

Jab Bayaan Karo Ge Tum Hum Bayaan Main Niklain Ge

Jab Bayaan Karo Ge Tum Hum Bayaan Main Niklain Ge
Hum He Dastaan Ban Ker Dastaan Main Niklain Ge

Ishq Ho Muhabbat Ho Pyaar Ho K Chaahat Ho
Hum To Her Samander Ke Dermiaan Main Niklain Ge

Raat Ka Andhera He Raat Main Nahi Hota
Chaand Aur Sitaaray Bhi Aasmaan Main Niklain Ge

Dekh To Kabhi Shab Ko Kaarwaan Sitaron Ka
Noor Ke Kaee Mehmil Kehkashaan Main Niklain Ge

Boliaan Zamanay Ki Mukhtalif To Hoti Hain
Lafz Pyaar Ke Lekin Her Zubaan Main Niklain Ge

Kaat Ker Badan Saara Qaash Qaash Main Jhaankain
Aap Ke Heole He Qalb-O-Jaan Main Niklain Ge

Khaak Ka Samander Bhi Kia Ajab Samander Hai
Iss Jahaan Main Doobain Ge Uss Jahaan Main Niklain Ge

Qissa-E-Sukhan'goii Jab Adeem Aye Ga
Hum Bhi Waaqia Ban Ker Dastaan Main Niklain Ge

Sirf Sabz Pattay He Pe'rr Per Nahi Hotay
Kuch Na Kuch Parinday Bhi Aashiaan Main Niklain Ge_____!!
______________________________

Karvaan Badlo Zara Mehmil Badal Ker Dekh Lo

Karvaan Badlo Zara Mehmil Badal Ker Dekh Lo
Aik Manzil To Nahi Manzil Badal Ker Dekh Lo

Kia Hui Mehfil Tumhain Pal Main Pata Chal Jaye Ga
Aik Lamhay Ke Leay Mehfil Badal Ker Dekh Lo

Ye Muhabbat Ka Shajar Hai Ye Yaheen Lag Jaye Ga
Tum Bajaye Nakhl, Aab-O-Gil Badal Ker Dekh Lo

Kion Dubotay Ja Rahay Ho Kashtion Per Kashtian
Duur Hai Saahil To Phir Saahil Badal Ker Dekh Lo

Kaun Kitna Chahta Hai Sab Pata Chal Jaye Ga
Tum Hamaray Sath Apna Dil Badal Ker Dekh Lo

Sirf Do Nuqto'n Main Hai Dunya Ki Saari Roshni
Warna Jo Aankhon Main hai Wo Til Badal Ker Dekh Lo

Sung To Jazbaat Ko Mehsus Ker Sakta Nahi
Wo Jo Seenay Main Dhari Hai Sil Badal Ker Dekh Lo

Itna Naazuk Ayena Rakhna Zaruri To Nahi
Toot'ta Rehta Hai Dil To Dil Badal Ker Dekh Lo

Dooriaan, Dushwariaan Sab Samnay Ajayen Gi
Hum Se Ek Pal Ke Leay Manzil Badal Ker Dekh Lo

Saari Dunya Aik Jesi To Nahi Hoti Adeem
Adal Hai Darkaar To Aadil Badal Ker Dekh Lo

Rehem Aata Jaye Ga Uss Ko Sada Tum Per Adeem
Qatl Hona Chaho to Qaatil Badal Ker Dekh Lo____!!
______________________________

Ker Ke Wafa Palat Ke Wafa Mangnay Laga

Ker Ke Wafa Palat Ke Wafa Mangnay Laga
Kia Zarf Tha Ghari Main Sila Mangnay Laga

Ye Qeht-E-Husn Tha Ke Nihayat Thi Husn Ki
Her Shakhs Uss Haseen Ka Pata Mangnay Laga

Uss Ki Hathelion Pe Khilay Phool Dekh Ker
Her Meh'jabeen Ka Haath Hina Mangnay Laga

Jab Se Usay Azeez Hui Meri Zindagi
Main Apni Zindagi Ki Duaa Mangnay Laga

Seenay Se Aah Aankh Se Aansu Talab Keay
Gham Ka Shajar Bhi Aab-O-Hawa Mangnay Laga

Hamdardiaan Wo Baad-E-Saza Uss Ne Keen Adeem
Jo Be'khata Tha Wo Bhi Saza Mangnay Laga

Halaat Iss Qadar Thay Diger'goon Zameen Ke
Aaker Zameen Pe Bheek Khuda Mangnay Laga_____!!
______________________________

Ager Poocha Ke Mujh Se Kaam Kia Hai Kaya Kahun Ga Mein

Ager Poocha Ke Mujh Se Kaam Kia Hai Kia Kahoonga Main
Kaha Iss Kaam Ka Anjaam Kia Hai Kia Kahoonga Main

Mujhe Pehchaan'nay Se Uss Ne Ger Inkaar Ker Daala
Ager Poocha Ke Tera Naam Kia Hai Kia Kahoonga Main

Payaami Ban Ke Jaon Main Bichharnay Ka, To Kia Boloon
Ager Poocha Tera Paighaam Kia Hai Kia Kahoonga Main

Khushi Ka Din Kisay Kehtay Hain Main Ye To Bata Doonga
Ager Poocha Ghamon Ki Shaam Kia Hai Kia Kahoonga Main

Main Uss Ke Muun Pe Us Ko Bewafa Kehnay Ko To Keh doo'n
Ager Poocha Tera Anjaam Kia Hai Kia Kahoonga Main

Adeem Uss Ko Bura Kehna Mujhe Acha Nahi Lagta
Ager Poocha Tera Ilzaam Kia Hai Kia Kahoonga Main_____!!
______________________________

Dil Ajab Gumbad K Jis Main

Dil ajab gumbad k jis main ik kabutar bhi nahin
Itna viran to murdaron ka muqaddar bhi nahin

Dabati jati hain mitti main badan ki kashtiyan
Dekhane main ye zamin koi samandar bhi nahin

Jitney hangame the sukhi tahaniyon se jhar gaye
Par par phal bhi nahin angan main patthar bhi nahin

Khushk tahani par parinda hai ki patta hai ‘Adeem'
Ashiyana bhi nahin jis ka koi par bhi nahin

Jitni pyari hain meri dharati jo zanjirain ‘Adeem'
Itana pyara to kisi dulhan ko zevar bhi nahin_____!!

Read More..

Read More

Poetry Of Adeem Hashmi

Kaha Saray Gharon Main Konsa Ghar Sab Se Aala Hai

Kaha, Saray Gharon Main Konsa Ghar Sab Se Aala Hai
Jawab Aaya Ke Ehl-E-Bait Ka Ghar Sab Se Aala Hai

Kaha, Pakeezgi Main Koi Parda Jo Misali Ho
Kaha, Bint-E-Nabi Ke Sirr Ki Chaadar Sab Se Aala Hai

Kaha, Mairaaj Sirr Katnay Ki Jangon Main Koi Dekhi
Jawab Aaya Jo Sajday Main Kataa Sirr Sab Se Aala Hai

Kaha, Itni Safain Ek Simt, Chand Afraad Ek Jaanib
Kaha, Tadaad Main Jo Kam Hai Lashkar Sab Se Aala Hai

Kaha, Qurbaanion Main Sab Se Arfaa Hai Adad Koi
To Ek Pal Main Jawaab Aya Bahattar (72) Sab Se Aala Hai

Kaha, Sajday Main Ek Sirr Ek Taraf, Ek Simt Ek Lashkar
Kaha Iss Jung Ka Yehi To Manzar Sab Se Aala Hai___!!
____________________________

Faasley Aise Bhi Honge Yeh Kabhi Socha Na Tha

Faasle Aise Bhi Honge Yeh Kabhi Socha Na Tha
Saamne Betha Tha Mere Aur Woh Mera Na Tha

Woh Ke Khusboo Ki Tarah! Pehhla Tha Mere Chaar Soo
Mai Use Mehsoos Kar Sakta Tha Chu! Sakta Na Tha

Aks Tho Mojood Tha Par Aks Tanhaee Ke The
Aainaa Tho Tha Magar Use Mai Tera Chehra Na Tha

Aaj Us Ne Dard Bhi Apne Alaida Kar Diye
Aaj Mai Roya Tho Mere Saath Woh Roya Na Tha

Yaad Kar Ke Aur Bhi Takleef Hoti Hai Adeem
Bhool Jaane Ke Siwa Ab Koi Aur Chara Na Tha___!!
____________________________

Faisla Ye To Karo Waqt-E-Safar Sey Pehle

Faisla Ye To Karo Waqt-e-Safar Se Pehle
Aao Ge Shaam Se Pehle Keh Sehar Se Pehle

Husn Taqseem Kia Jaye Kidher Se Pehle
Her Taraf Se Ye Sadaa Aaee Idher Se Pehle

Teray Qadmo’n K Nishaan Hain Meri Chahat Pe Faqat
Koi Guzra Na Tha Iss Raah’guzar Se Pehle

Mujh Pe Ilzaam-e-Wafa Theek Per Ay Wajh-e-Wafa
Kis Nay Dekha Tha Muhabbat Ki Nazar Se Pehle

Husn Maujood To Tha Apne Sarapay Main Adeem
Husn Maloom Na Tha Husn-e-Nazar Se Pehle

Uss Ki Surat Bhi To Ek Subha Ki Surat Hai Adeem
Dekh Li Hum Ne Sehar Waqt-e-Sehar Se Pehle_______!!
____________________________

Ab Usay Chaha To Chaha Her Tarah Ke Haal Main

Ab Usay Chaha To Chaha Her Tarah Ke Haal Main
Her Tarah Ka Husn Dekha Uss Ke Khad-O-Khaal Main

Chal Rahi Hai Ye Zameen Zandaa'n Ki Chakki Ki Tarah
Piss Rahay Hain Log Kia Kia Iss Ke Maah-O-Saal Main

Misl-E-Maahi Waqt Ke Haathon Se Phisli To Buhat
Phans Gai Aaker Jawani Jhurrion Ke Jaal Main

Inteha'on Per Rahay Hum Darmiaan Thehray Nahi
Aasmaan Ki Auj Per Ya Gir Gaye Pataal Main

Ye Bhi Kia Insaaf Hai Ay Munsif-E-Wasl-O-Firaaq
Uss Ki Aadhi Bhi Jhalak Dekhi Na Pooray Saal Main

Ibtida Se Hashr Tak Sab Teen Pinj'ron Main Hain Qaid
Koi Maazi, Koi Mustaqbil Main, Koi Haal Main

Teen Sau PainsaTh (365) Dareechay Waqf Sooraj Ke Leay
Chaand Ki Khatir Bani Baara'dari Her Saal Main

Mainay Socha Tha Kisi Ko Main Dhoka Doon Adeem
Shakl Apni He Nazar Aai Sabhi Ashkaal Main_______!!
____________________________

Kat Hi Gai Judai Bhi Yeh Kab Hua K Mar Gaye

Kat Hi Gai Judai Bhi Ye Kab Huwa Key Mar Gae
Tere Bhi Din Guzar Gae Mere Bhi Din guzar Gae

To Bhi Kuch Aur Aur Hey Hum Bhi Kuch Aur Aur Hen
Jane Wo To Kidhar Gaya Jane Wo Hum Kidhar Gae

Rahon Men Hi Mile They Hum Rahen Naseeb Bun gain
To bhi Na Apne Ghar Gaya hum Bhi Na Apne Ghar Gae

Wo Bhi Gubar-e-Khaaq Tha Hum Bhi Gubar-e-Khaaq They
Wo Bhi Kahin Bikhar Gaya Hum Bhi Kahin Bikhar Gae

Koi Kinar-e-Aab Betha Jo Hua Hey Sarungo'n
Kashti Kidher Chali Gae Jane Kidhar Bahnwar gae

Tere Liye Chale They hum Tere Liye Teher Gae
To ney Kaha to Jee Uthey To Ney Kaha To Mar Gae

Waqt Hi Kuch Judai Ka Itna Taweel Ho Gaya
Dil Men Tere Firaaq Key Jitne Zakham They Bhar gae

Barish-e-Wisl Wo Huwi Sara Gubaar Dhul Gaya
Wo Bhi Nikhar Nikhar Gaya hum Bhi Nikhar Nikhar Gae

Itney Qareeb Ho Gae Itney Raqeeb Ho Gae
Wo Bhi "Adeem" Dar Gaya hum Bhi "Adeem" Dar Gae____!!
____________________________

Khaak Per Jab Bikher Gaye Aansu

Khaak Per Jab Bikher Gaye Aansu
Ye Laga Jese Merr Gaye Aansu

Aaj Palko'n Ki Baar Phaand Gaye
Aaj Hadd Se Guzar Gaye Aansu

Aasmaan Bhar Gaya Sitaron Se
Gham Ki Jholi Main Bhar Gaye Aansu

Dil Ki Gathri Main Baandh Rakhay Thay
Janay Kese Bikher Gaye Aansu

Apne Gham Ki Kasafatain Theen Buhat
Uss Ke Gham Se Nikhar Gaye Aansu

Aaj To Gham Buhat Zyada Hai
Aaj Janay Kidher Gaye Aansu

Zabt Se Ehed Baandh Rakha Tha
Aur Phir Bhi Bikher Gaye Aansu

Sail-E-Darya To Kuch Nahi Tha Adeem
Apne Toofa'n Se Darr Gaye Aansu

Dil Kara To Buhat Kia Tha Adeem
Waqt-E-Rukhsat Bikher Gaye Aansu_______!!
____________________________

Darya Se Koh'saar Se Pehle Ki Baat Hai

Darya Se Koh'saar Se Pehle Ki Baat Hai
Insaan Her Aitbaar Se Pehle Ki Baat Hai

Nafrat Se Aur Pyar Se Pehle Ki Baat Hai
Ye Tujh Pe Aitbaar Se Pehle Ki Baat Hai

Jumbish Thi Aankh Main Bhi Badan Main Bhi Rooh Thi
Ye Baat Intezaar Se Pehle Ki Baat Hai

Dil Meray Ikhtiaar Main Hota To Tha Magar
Ye Teray Ikhtiaar Se Pehle Ki Baat Hai

Jab Dil Pe n Eel Ban Ke Dikhi Theen Na Khuahishain
Ye Tujh Sitam Shuaar Se Pehle Ki Baat Hai

Kuch Saar'baan Thay Aur Jaras Ki Sadaa Bhi Thi
Ye Baad-e-Reigzaar Se Pehle Ki Baat Hai

Ek Kaarwaan Aur Aik Tha Mehmil Bhi Darmiaan
Ye Raah Ke Ghubaar Se Pehle Ki Baat Hai

Wo Aah-E-Dil'shagaaf Adeem Aur Wo Tarap
Ye Dard Ke Khumaar Se Pehle Ki Baat Hai

Ek Dard Tha Kisi Ki Nishani Dia Hua
Lekin Ye Teray Pyaar Se Pehle Ki Baat Hai

Ek Aashiaan Tha Uss Main Parinday Bhi Thay Adeem
Ye Mausam-e-Bahaar Se Pehle Ki Baat Hai _____!!

Read More..

Read More