Her Ek Charag Ki Lo Aisi Soi Soi Thi

Her Ek Charag Ki Lo Aisi Soi Soi Thi
Woh Sham Kisi Say Bichar K Roi Thi

Naha Gaya Tha Mein Kal Jugno'on Ki Barish Mein
Wo Meray Kandhay Pay Sir Rakh K Khob Roi Thi__!!

Read More

Kahin Chand Rahon Main Kho Gaya

Kahin Chand Rahon Main Kho Gaya

Kahin chand rahon main kho gaya Aur chandni bhi bhatak gai
Main chiragh wo bhi bujha hoa Meri raat kaisay chamak gai

Meri dastaan ka urooj than Teri narm palkon ki chaon main
Meray sath than tumhain jagna Teri aankh kaisay jhapak gai

Bhala hum milay bhi to kya mila Wohi duriyan wohi faslay
Na kabhi hamaray qadam barhay Na kabhi tumhari jhijak gai

Tujhay bhool janay ki koshishain Kabhi kamyab na ho sakin
Teri yaad shakh-e-gulab hai Jo hawa chali to mehak gai____!!

Read More

Pagal Si Ek Larki Nay Shayar Bana Diya

Pagal Si Ek Larki Nay Shayar Bana Diya
Yeh Shayari Bhi Hai Usi Pagal Ki Orhni__!!

Read More

Raat Aankhon Mein Dhali Palkon Pey Jugnoo Aaye

Raat Aankhon Mein Dhali Palkon Pey Jugnoo Aaye

Raat aankhon mein dhali palkon pey jugnoo aaye
Hum hawaon ki tarah jaa key isse choo aaye

Is ka dil nahi pathar ka kaleja ho ga
Jis ko phoolon ka hunar aansoo ka jadoo aaye

Khoobsurat hein bohot duniya keah jhootey waaday
Phool kaghaz key liye kaanch kay bazoo aaye

Is ney choo ker mujhe pathar se insaan kiya
Muddaton baad meri aankhon mein aansoo aaye____!!

Bus Gayi Hai Meray Ehsas Mein Yeh Kesi Mehak
Koi Khushbu Mein Lgaon Teri Khusbhu Aaye___!!

Read More

Wo Shakh Hai Na Phool Agar Titliyan Na Hon

Wo Shakh Hai Na Phool Agar Titliyan Na Hon 

Wo Shakh Hai Na Phool Agar Titliyan Na Hon
Wo Ghr Bhi Koi Ghr Nai Jahan Bachiyan Na Hon

Palkon Say Ansuon Ki Mahak Ani Chahiay
Khali Hai Asman Agar Badliyan Na Hon

Dushman Ko Bhi Khuda Aisa Makaan Na Day
Taza Hawa Ki Kahin Jis Main Khirki Na Ho

Main Pochta Hun Wo Mairi Gali Main Aye Q
Jis Dakiay K Pas Teri Chithiyan Na Hun____!!  

Read More

Khush Rahay Ya Bohat Udaas Rahay

Khush Rahay Ya Bohat Udaas Rahay

Khush rahe ya bahut udaas rahe
Zindagi tere aspaas rahe

Chaand in badliyon se niklega
Koi aayega dil ko aas rahe

Ham mohabbat key phool hein shayad
Koi kanta bhi aaspas rahe

Mere seene mein is tarah bas ja
Meri sanson mein teri baas rahe

Aaj ham sab ke saath khub hanse
Aur phir der tak udaas rahe_________!!

Read More

Meray Baaz'on Mein Thaki Thaki Abhi Mehv_E_Khawab Hai Chandni

Meray Baaz'on Mein Thaki Thaki Abhi Mehv_E_Khawab Hai Chandni 
Na Uthay Sitaaron Ki Paalki,Abhi Aahaton Ka Guzar Na Ho_______!!

Read More

Kabhi Youn Bhi A Meri Ankh Mein K Meri Nazar Ko Bhi Khabar Na Ho

Kabhi Youn Bhi A Meri Ankh Mein K Meri Nazar Ko Bhi Khabar Na Ho

Kabhi yun bhi aa meri aankh mein ke meri nazar ko khabar na ho
Mujhe ek raat navaaz de magar uske baad sahar na ho

Vo bada raheem-o-kareem hai mujhe ye sifat bhi ataa kare
Tujhe bhulane ki duaa karun to duaa mein meri asar na ho

Mere baazuon mein thaki thaki , abhi mahav-e-khvaab hai chandni
Na uthe sitaron ki paalaki, abhi aahaton kaa guzar na ho

Ye Gazal ki jaise hiran ki aankhon mein pichhali raat ki chandni
Na bujhe kharabe kii roshani, kabhi becharaag ye ghar na ho

Vo firaaq ho yaa visaal ho, teri yaad mahakegi ek din
Vo gulab ban ke khilega kyaa, jo chirag ban ke jalaa na ho

Kabhi dhoop de, kabhi badaliyan, dil-o-jaan se donon qubul hain
Magar us nagar mein na qaid kar jahan zindagi ki havaa na ho

Kabhi din ki dhoop mein jhoom ke kabhi shab ke phool ko chuum ke
Yun hi saath saath chalein sadaa kabhi khatm apnaa safar na ho

Mere paas mere habib aa zara aur dil ke qareeb aa
Tujhe dhadkanon mein basaa lun main ke bichadne ka kabhi darr na ho____!!

Read More

Bashir Badar Poetry Book Aahat

Har Janam Main Usi Ki Chahat They Hum

"Har Janam Mein Usi Ki Chaahat They
Ham Kisi Aur Ki Amanat They"

"Uski Ankhon Main Jhalmalati Hui
Hum Gazal Ki Koi Alaamat They"

"Teri Chaadar Mein Tan Sameit Liya
Hum Kahan K Daraaz Qaamat They"

"Jaisey Jangal Mein Aag Lag Jaaye
Ham Kabhi Itney Khubsoorat They"

"Paas Reh Kr Bhi Door Door Rahay
Ham Naye Daur Ki Mohabbat They"

"Is Khushi Mein Mujhe Khyal Aaya
Gham K Din Kitne Khubsoorat They"

"Din Main In Jugnu Say Kya Laina
Yeh Diye Raat Ji Zarorat They"
________________________________

Gaon Mit Jayein Gay Shehat Jal Jayein Gay

"Gaon Mit Jayein Gay Shehr Jal Jayein Gay
Zindagi Tera Chehra Badal Jaye Ga"

"Hum Gareebon Ki Is Bheerr Main Tum Kahan
 Yeh Kalaf-Daar Kurta Masal Jaye Ga"

"Aag Par Raqs Karny Main Yakta Hai Tou
Baraf Par Paon Tera Phisal Jaye Ga"

"Main Isi Fikr Main Raat Bhar Soya Nahi
Chaand Taaron Ko Sooraj Nigal Jaye Ga"

"Ab Usi Din Likhu Ga Dukhon Ki Gazal
Jab Mera Hath Aahan Main Dhal Jaye Ga"

"Kuch Likh Marsiya,Masanvi Ya Gazal
Koi Kagaz Ho Paani Main Ghul Jaye Ga"

"Main Agar Muskura K Inhain Daikh Lu
Qatilon Ka Irada Badal Jaye Ga"
________________________________

TaalaabBe-Chamak Hain, Jahaan NacChliyan Na Hon

"TaalaabBe-Chamak Hain, Jahaan NacChliyan Na Hon
Akhbaar Be-Maza Hai Agar Surkhiyaan Na Hon"

"Maain Puchata Hun Meri Gali May Wo Aaye Kyon
Jis Daakiye K Paas Teri Chithiyaan Na Hon"

"Ham Ko Baday Khuloos Say Mar Jaana Chaahiye
Jab Zindagi May Thodi Bhi Dushwaariyaan Na Hon"

"Iss Aag Ko Khuda Meri Jhuggi Say Door Rakh
Jis Aag May Mehakti Hui Rotiyaan Na Hon"

"Aansuu Bohat Eham Hain In Aakhon K Waastay
Wo Aasamaan Nahi Hai, Jahaan Badliyaan Na Hon"

"Ladkay Hain Apnay Baap Ki Jaageer K Raqeeb
Wo Bhi Koii Ghar Hai Jahaan Ladkiyaan Na Hon"
________________________________

Read More

Bashir Badar Poetry Book Aahat

Us Dar Ka Darban Bna Da Ya ALLAH

"Us Dar Ka Darban Bna Da Ya ALLAH
Mujhko B Sultan Bna Day Ya ALLAH"

"In Ankhon Say Tery Naam Ki Barish Ho
Pathar Hun Insan Bna Day Ya ALLAH"

"Sehma Dil,Tooti Kashti,Charhta Darya
Her Mushkal Aasan Bna Day Ya ALLAH"

"Main Jab Chahu Jhaank K Tujhy Daikh Saku
Dil Ko Roshan Dan Bna Day Ya ALLAH"

"Mera Bacha Sada Kagaz Jaisa Hai
Ik Harf-E-Emaan Bna Day Ya ALLAH"
________________________________

Jub Raat Ki Tanhayi Dil Ban Ke Dharakti Hai

"Jub Raat Ki Tanhayi Dil Ban Ke Dharakti Hai
Yaadon Ke Jharokon Mein Chilman Si Sirakti Hai"

"Lobaan Mein Chingaari Jaisay Koi Rakh Jaaye
Yun Yaad Teri Shab Bhar SeenayMein Sulagti Hai"

"Yun Pyaar Nahi Chhupta Palkon Ke Jhukaanay Se
Aankhon Ke Lifaafon Mein Tehreer Chamakti Hai"

"Khush Rang Parindon Ke Lout Aanay Ke Din Aaye
Bichray Howay Miltay Hain Jab Barf Pighalti Hai"

"Shohrat Ki Bulandi Bhi Pal Bhar Ka Tamasha Hai
Jis Daal Pe Bethay Ho Wo Toot Bhi Sakti Hai"
________________________________

Sun Li Jo KHUDA Ne Dua Wo Tum To Nahi Ho

"Sun Li Jo KHUDA Ne Dua Wo Tum To Nahi Ho
Darwaze Pe Dastak Ki Sada Tum To Nahi Ho"

"Simti Hui Sharmayi Hui Raat Ki Raani
Soyi Hui Kaliyon Ki Ada Tum To Nahi Ho"

"Mehsoos Kiya Tumko To Geeli Hui Palkein
Bheege Hue Mausam Ki Ada Tum To Nahi Ho"

"In Ajnabee Raahon Mein Nahi Koi Bhi Mera
Kisne Mujhe Yun Apna Kaha Tum To Nahi Ho"
________________________________

Pass Reh Kr Juda Si Lagti Hai

"Pass Reh Kr Juda Si lagti Hai
Zindagi Aab bewafa Si Lgti Hai"

"Mein Tumhare Beghair Hi Jee Loon Ga
Ye Dua Bad,Dua Si Lagti Hai"

"Naam Is Ka Likha Hai Ankhon Par
Aansoon Ki Khata Si lagti Hai"

"Woh Abhi Is Taraf Se Guzra Hai
Ye Zameen Aasman Si Lgti Hai"

"PYAAR Karna Hi Jurm Hai Shaid
Aaj DUNYA Khafa Si Lagti Hai"

"Zindagi Pay Aik Khauf Sa Taari Hai
Teri Yadoon Ka Aik Azaab Sa Jari Hai"

"Bhullana Tujhay Iss Qadar Nahi Hai Aasan
Aik Umer Tere Naam Pay Guzaari Hai"

"Thak Kar Betha Hai Yahan Kaun Bhaala
Khwahishon Ka Safar Abhi Jaari Hai"

"Lagg Kar Deewar Say Nidhal Sa Betha Hai
Woh Jiss Nay Ro Ro Kar Raat Sari Guzari Hai"

"Ye Sab Teri Mohabbat Ka Kasoor Hai
Sab Khoo K B Dil Teri Yaad Main Tari Hai"
________________________________

Ye khala Ha Arsh-E-Bareen Nahi

"Ye Khala Hai Arsh-e-Bareen Nahi Kahan Paon Rakhon, Zameen Nahi
Tery Dr Pay Sajdy Ka Shoq Hai Jo Yahan Nahi To Kaheen Nahi"

"Kisi Butt Trash Nay Shehar Main Mujhay Aaj Kitna Badal Diya"
Mera Chehra Mera Nahi Raha Yeh Jabeen B Meri Jabeen Nahi"

"Hai Zaroor Is Main B Maslihat Voh Jo Pochain Hans K Hai Kheriat"
K Mohabbton Main Garaz Na Ho, Nahi Aisa Pyar Kahein Nahi"

"Wahein Dar_O_Ghum Ka Gulab Hai,Jahan Koi Khana Khrab Nahi
Jisay Jhuk K Chand Na Choom Lay Voh Mohabton Ki Zameen Nahi"

"Teri Zulaf Zulaf Sjaon Kya Tujhy Khwab Khwab Dikhaon Kya
Main Safar Say Laot Kr Aaon Mujy Khud B Iska Yaqeen Nahi"
________________________________

Kisi Ki Yaad Mein Palkein Zara Bhigo Lete

"Kisi Ki Yaad Mein Palkein Zara Bhigo Lete
Udaas Raat Ki Tanhai Mein Ro Lete"

"Dukhon Ka Bojh Akele Nahi SaMbhalta Hai
Kahin Wo Milte To Usse Lipat Kar Ro Lete."

"Agar Safar Me HaMara Bhi HuMsafar Hota
Badi Khushi Se Inhi Pathro Par So Lete"

"Tumhari Rah Me Shakhon Pe Phool Sokh Gae
Kabhi Hawa Ki Tarha Is Tarf Bhi Ho Lete"

"Yeh Kya Ke Roz Wohi Chandni Ka Bistar Ho
Kabhi Dhoop Ki Chadar Bacha Kar So Lete"
________________________________

Azad Kr Day Apna Giraftar Main He Hun

"Azaad Kr Day Apna Giraftar Main He Hun
Sir Pay Latak Rahi Hai Jo Talwar Main He Hun"

"Hindustan Ka Sacha Wafadar Main He Hun
Qabron Say Poch Asal Zameen Dar Main He Hun"

"Darya K Sath Woh To Sumandar Main Beh Gya
Mati Main Mil K Mati Ka Haqdar Main He Hun"

"Apni Gazal Say Kis Ka Kaleija Nikaal Lu
Nagmo'on Ki Dhaar Shair Ki Talwaar Main He Hun"

"Us Beesviin Sadi Main They Faiz Fraq B
Is Beesvin Sadi Ka Adakar Main He Hun"

"Apnay Siwa Kisi Say Mohabbat Nahi Mujhay
Gaalib Bohat Shareef They, Makaar Main He Hun"

"Kya Wasta Gazal Ko Puranay Arooz Say
Andhay Tatool Mujhy K Fankaar Main He Hun"

"Voh Aish Kr Raha Hai Bohat Kaafiron K Sath
Mola Ki Rehmaton Ka Talabgar Main He Hun"

"Ab So Karorr Log Sambhalain Gay Raaj Paat
Urdu Gazal Ka Aakhri Darbar Main He Hun"

"Ik Meer Tha So Aaj B kaghaz Main Qaid Hai
Hindi Gazal Ka Doosra Autaar Main He Hun"

"Kalma Parhaaya Phir Usay Hindi Bna Diya
Mulk-E-Sukhan Ka Paak Gunehgar Main He Hun"

"Chola Badal K Phir Main Satta Main Aaon Ga
Jo Girny Wali Hai Voh Sarkar Main He Hun"

"Main Larty Larty Toot Gya Apny Aap Say
Rawan Ka Roop Raam Ka Autaar Main He Hun"

"Meri Zameen Nayi Hai, Mera Asman Hai Aur
Subh_E_Adab Hun Sham Ka Akhbaar Main He Hun"

"Apna Qasida Bheju Ga Apny Hazoor Main
Sooraj Hun Apni Doop Ka Darbar Main He Hun"
________________________________

Jo Apny Dukh Sukh Baant Saky Hum Usko Aurat Kehty Hain

"Jo Apny Dukh Sukh Baant Saky Hum Usko Aurat Kehty Hain
Warna Her AcChi Soorat Ko Pathar Ki Moorat Kehty Hain"

"Yeh Raam Janam Bhoomi Ka Lahu, Yeh Baabri Masjad K Shaheed
Tum Inko Mazhab Kehty Ho,Hum WehshiSiyasat Kehty Hain"

"Is Mulak Main Hindu Muslim Sikh Sub Pagal Hoty Jaaty Hain
Mulla, Pandat, Naita Isko ALLAH Ki Rehmat Kehty Hain"

"Duniya K Ujly Kurty Say Hum Nay To Jooty PoncCh Liye
Voh Shayar Hain Jo Ruswayi Ko Apni Shohrat Kejty Hain"
________________________________

Shehr-E-Dil Dhoondh Rahi Hain Galiyan

"Shehr-E-Dil Dhoondh Rahi Hain Galiyan
Zulaf Ki Chaal Chali Hain Galiyan"

"Band Darwazy,Mjalad, Naawal
Daastanon Say Bhari Hain Galiyan"

"Kamray Darwazay Dareechy Khamosh
Chilmanain Taak Rahi Hain Galiyan"

"Kaali Mohron Say Bhara Khat Pa Kar
Siskiyan Bharti Rahi Hain Galiyan"

"Aik Lamhay Ko Thehra Jaany Do
Mujhko Pehchan Rahi Hain Galiyan"

"Rat Shabnam Giri Kuch Had Say Siwa
Ya Bohat Roti Rahi Hain Galiyan"

"Kon Aata Hain Yahan Kis K Liye
Subko Pehchan Gayi Hain Galiyan"

"Mery Hathon Ki Lakeeron Ki Tarha
Asman Par B Bichi Hain Galiyan"

"Behty Ansu Tery Daman Ki Taraf
Shehr Ki Simat Chali Hain Galiyan"

"In Main Mil Jayein Bhoolay Bichray
Dil Main Aisi B Kayi Hain Galiyan"

"~Badar~ Tareekh K Safhon Main Nahi
Mery Dil MaiN Basi Hain Galiyan"
________________________________

Tha Meer Jinko Shair Ka Aazaar Mar Gaye

"Tha ~Meer~ Jinko Shair Ka Aazaar Mar Gaye
Galib Tumhary Saary Tarafdar Mar Gaye"

"Jazbon Ki Voh Sadaqtain Marhoom Ho Gayi
Ehsas K Naye Naye Izhar Mar Gaye"

"Tashbe-O-Ista'ara-O-Maz-O-Knaya Kaya
Paikar Trash Shair K Fankar Mar Gaye"

"Saqi Teri Shrab Bara Kaam Kar Gayi
Kuch Rasty Main, Kuch Pas-E-Dewar Mar Gaye"

"Taqdes Dil Ki Assiya Nigari Kahan Gayi
Shayad Gazal K Saary Gunehgar Mar Gaye"

"Shairon Main Ab Jahaad Hai,Roza Nmaz Hai
Urdu Gazal Main Tany They Kuffaar Mar Gaye"

"Akhbaar Ho Rahi Hai Gazal Ki Zuban Ab
Apny Shaheed Aath (8) Idhr Chaar(4) Mar Gaye"

"Misro'on Ko Hum Nay Nara-E-Takber Kr Diya
Geeton K Pukhta-Kaar Gulu-Kaar Mar Gaye"

"Aslob Tehat Itna Garaj-Daar Ho Gya
~Mehdi Hasan~ K Hasiya Bardaar Mar Gaye"

"Tanqedi Istilahoon K Mushtaq She-H-Swaar
Ghorron Pay Dorray Aaye Sardaar Mar Gaye"

"Naz-O-Ada Say MacChliyan Ab Hain Ghazal Sara'an
Tehmad Pakar K Saaheb-E-Dastaar Mar Gaye"

"Ya Rab Talism-E-Hosh Raha Hai Musha'ira
Jink Ko Nahi Bulaya Voh Gum-Khvar Mar Gaye"
________________________________

Seeeny Main Khanjar Ki Nook Chaboti Hain

"Seeeny Main Khanjar Ki Nook Chaboti Hain
Kuch Yadain B Kitni Zalim Hoti Hain"

"Bachpan Main Yeh Baat Mujhy Maloom Na Thi
Main Jab Hansta Hun Yeh Ankhain Roti Hain"

"Dil Main A Kar Tum Mat Gin'nay Lagna
Mery Andar Kitni Qabrain Soti Hain"

"Mera Haal Khuda He Behtar Jany
Mujh Par Din Hansta Hai Ratain Roti Hain"

"Jitny Taary Aasman Par Sab Tery
 Bol Sumandar Tery Andar Kitny Moti Hain"

"Tum Cchat Par Jab B Zulfain Bikhraty Ho
Baal Baal Main Ratain Os Parti Hain"

"Sab Ko MainTera In-Aam Samjhta Hun
Raahon Main Jo B Takleefain Hoti Hain"
________________________________

Kainat KiChilmaniyon Say Koi Jhankta B Ho

"Kainat KiChilmaniyon Say Koi Jhankta B Ho
Is Kainat Main Koi Manzar Naya B Ho"

"Itni Siyah Raat Main Kisko Sadayain Du
Aisa Chirag Day Jo Kabhi Bolta B Ho"

"Main Kis Tarha Yeh Maan Lu Fasl-E-Bahaar Hai
Ik Phool To Khilay Koi Pata Hara B Ho"

"Voh Mery Sath Chal Saky Is Dhoop Cchaon Main'
Meboob Khush Mizaj Ho Ghum Aashna B Ho"

 "Duniya Badal Gayi Hai Aur Badlay Gi
Kaisay Kahun K Aankh Main Sharm-O-Haya B Ho"

"Voh Chand To Nahi Hai Magar Chand Ki Tarha
In Pathron Ki Oat Say Ab Jhankta B Ho"
________________________________

Meri Aankho Main Tery Pyar Ka Ansu Aaye

"Meri Aankho Main Tery Pyar Ka Ansu Aaye
Koi Khusbu Main Lgaon Teri Khusbu Aaye"

"Waqt-E-Rukhsat Kahein Taary Kaheen Jugnu Aaye
Haar Pehnany Mujhy Phool Say Baazu Aaye"

"Mainy Din Raat Khuda Say Yeh Dua Maangi Thi
Koi Aahat Na Ho Dar Pay Mery Jab Tou Aaye"

"In Dinon Aapka Aalam B Ajeeb Aalam Hai
Teer Khaya Hua Jaisay Koi Aahu Aaye"

"Uski Baatain K Gul-O-Lala Pay Shabnam Barsay
Sab Ko Apna Bnany Ka Us Shokh Ko Jadu Aaye"

"Us Nay Cchu Kr Mujyhy Pathar Say Insan Kiya
Mudaton Bad Meri Aankhon Main Aansu Aaye"
________________________________

Zmana Kuch Nahi Badla Mohabat Ab B Baqi Hai

"Zmana Kuch Nahi Badla Mohabat Ab B Baqi Hai
Mohabbat Zindagi K Bagon Main Pholon Ki Tehni Hai"

"Mohabbat K Irady Mo'jazon Say Kam Nahi Hoty
Sumandar Par krny K Liye Kagaz Ki Kashti Hai"

"Kabhi Socha Khuda K Samny Ik Roz Jata Hun
Tera Mazhab Gazal Hai Aur Gazal But Parasti Hai"

"Kabhi Bolon To Shehron K Maka'an B Bat Karty Hain
Tumhary Zehan Main To Sirf Qasbay Ki Haveili Hai"

"Agar Beti Ki Shadi Ho To Phir Koi Nahi Dushman
Meri Basti Ki Yeh Mukhlis Kahawat Ab B Sachi Hai"

"Tery Sooraj Nikalny Say Mera Mosam Nahi Badla
Wohi Gehri Udasi Thi Wohi Gehri Udasi Hai"
________________________________

Teer Hai Aur Na Talwar insan Hai

"Teer Hai Aur Na Talwar insan Hai
Pyar Kr, Pyar He Pyar Insan Hai"

"Jo Mohabbat Say Lay Usi K Liye
Jaan Dainy Ko Tyar Insan Hai"

"Ik Ghar Kitny Hiso'on Main Taqseem Hai
Apni Raahon Ki Dewaar Insan Hai"

"Yeh Zameen Aasman Ko Cchooti Hui
Aur Majbur Lachaar Insan Hai"

"Apni Zanjeer  Main Khud He Jakra Hua
Aap Apna Giraftaar Insan Hai"

"Tum B Baazar Ho Hum B Bazaar Hain
Aaj Apna Khridar Insan Hai"

"Dushmano Say Bara Apna Dushman Bana
Apni Gardan Pay Talwar Insan Hai"

"Doosron K Diyon Ko Bhujata Hua
Roshni Ka Talabgar Insan Hai"
________________________________

Khon-E-Dil Khud Dra Say Tehreer Krain Gay

"Khon-E-Dil Khud Dara Say Tehreer Krain Gay
Hum Halaq Bareeda He Say Taqreer Karain Gay"

"Mumtaz Doob Gayi Hai Aab-E-Rawa'an Main
Hum Taj Mehal Pani Main Ta'ameer Karain Gay"

"Aqleem Sukhan Par To Hakoomat  Hai Hamari
Taqseem Gareebon Main Yeh Jaagerain Krain Gay"

"Taabeer Badalny Ka Hunar Seekh Liya Hai
Ab Hum B Tmhain Khawab Main Tasveer Karain Gay"

"Voh Fakhar Karay Ga K Mujhy Daikh Chuka Hai
Is Tarha Say Mulaqat Ki Tadbeer Karain Gay"

"Hum Apk Waris Hain Musaahib To Nahi
Hum Apki Taqreer Pay Taqreer Karain Gay"

"Ab 'Laa' Ka Safr Khatam Hua Aa Galay Lag Ja
Tou Khawab Hai Hum Khawab Ko Taabeer Karain Gay"

"Paani Ki Jaga Hum Nay Sada Zehar Piya Hai
Mar Jaaye Ga Hum Jisko Bagal-Geer Karain Gay"
________________________________

Read More