December Urdu Hindi Shair

December Jab Bhi Laot'ta Hi
Mere Khamosh Kamre Mein

Mere Bistar Pay Bikhri Hui
Kitabian Bheeeg Jati Hain__!!


____________________________




Yeh December K Jis Mein Kari Dhoop Bhi Methi Lagnay Lagay
Tum Nahi To December Sulagta Raha ___Chaand Jalta Raha ___!!


____________________________




Thandi Hawaaen Kia Chalien Mere Sheher Mein
Har Taraf Yaadon Ka December Bikhar Gaya____!!


 ____________________________




Guzar Jata Hai Sara Saal Yun Toh
Nahi Katta Magar Tanha December__!!


____________________________




Teri Yaad, Tanhai, Khamoshi, Aur Behty Aansu
Pehli Subha December ki kya kya Tohfy Lai hai!


____________________________




December Main Kaha Tha Na K Wapis Laut Aao Ge
Abhi Tak Tum Nahi Lautay December Laut Aaya Hai___!!


____________________________




Ye Saal Bhi Udaas Raha Rooth Kar Gaya
Tujh Se Milay Bagair December Guzar Gaya____!!

____________________________

Udaasiyan Day Kar Jo Sitamgar Guzar Gaya
Ab Tum Bhi Bus Karo K December Guzar Gaya___!!




Read More..

Read More

Last Day Night December Urdu Hindi Poetry

Aakhri Chand Din December K

Aakhri Chand Din December ke
Har Baras Hi Garaan Guzartay Hain
Khuwahishoon k Nigar Khanay Se
Kaisy Kaisy Gumaan Guzartay Hain
Raftigaan k Bikhray Sayoo Ki
Ik Mehfil Si Dil Mein Sajti Hay
Phone Ki Diary k Safhoon Se
Kitny Number Pukarty Hain Mujhy
Jin Se Marboot Be-Nawa Ghantii
Ab Faqat Mere Dil Mein Bajti Hay
Kis Qadar Pyary Pyary Namoon Par
Reengti Bad-Numa Lakeerein Si
Meri Aankhon Mein Phail Jati Hain
Dheeyan Ki Seerhiyon Pay Kaya Kaya Aks
Dard Ki Mash'alain Jalaati Hain
Naam Jo Kat Gaye Hain
Un k Harf
Aisy Kaghaz Par Phail Jatay Hain
Hadsay k Muqam Par Jaisy
Khoon k Sookhay Nishanoon Par
Chaak Se Liney Lagaty Hain


Phir December K Aakhri Din Hain
Har Baras Ki Tarah Ab k bhi
Diary Ik Sawal Karti Hay

Kya Khabar Iss Baras K Akhir Tak
Mere In Be-Charagh Safhoon Se
Kitnay Number Bikhar Kar Rastoon Mein
Gard Mazi Se Att Gaye Hon Ge
Khaak k Dhairoon k Daman Mein
Kitnay Toofan Simat Gaye Hon Ge


Har December Mein Sochta Hoon
Aik Din Aisa Bhi Hona Hai
Rung Ko Roshni Mein Khona Hay
Apnay Apnay Gharoon Mein Rakhi Hoyi
Diary Dost Dekhty Hon Ge
Un Ki Aankhoon k Khaak-Danoo Mein
Ek Sehra Sa Phailta Hoga
Aur Kuch Be Nishan Safhoon Se
Naam Mera bhi Katt Gaya Ho Ga…!!!
__________________________

Saal Ka Aakhri Din Hai

Saal Ka Aakhri Din Hai
Abhi Kuch Dhoop Hai Leikin
Zara See Dair Ko Tay Hai Kay Akhir Shaam Hona Hai
Haqiqat Ya Kahani Jo Bhee Hai Anjam Hona Hai
Chaloo Mil Baith Kay Apnay Khasaray Bant Letay Hain
Sab He Rang Aur jugnoo Aur Sitaray Bant Letay Hain
Zara See Dair Ko Tay Hai key Akhir Shaam Hona Hai
Haqiqat Ya Kahani Jo Bhee Hai Anjam Hona Hai_____!!

Too kyon Naa Kuch Shaam Say Pehlay
Jo Kuch Ghariyan Muyasir Hain
Unhee Mein Zindagi Kar Lain,
Kisi Ahsaas Kee Shama Jala Kar
Inn Andheron Main
Koyee Daam Roshni Kar Lain
Chaloo Hum Dosti Kar Lain
Zara See Dair ko Tay Hai Kay Akhir Shaam Hona Hai
Haqiqat Ya Kahani Jo Bhee Hai Anjam Hona Hai______!!
__________________________

December Mujhay Raas Aata Nahi 

Kayii Saal Guzrey
Kayii Saal Beetey
Shab-o-Roz Ki Gardishon Ka Tasalsul
Dil-o-Jaan Mein Saanson Ki Partein Ultatey Hue
Zalzalon Ki Tarah Haanpta Hay!
Cheekhtey Hue Khuwab
Aankhon Ki Nazuk Ragein Cheeltey Hain
Magar Main Har Ik Saal Ki Goud Mein
Jagti Subah Ko
Bey Karaan Chahton Se Atti Zindagi Ki Dua Dey Kar
Ab Tak Vohi Justaju Kar Raha Hoon
Safar Zindagi Hay
Safar Aagahi Hay
Safar Aabla Payii Ki Dastan Hay
Safar,Umer Bhar Ki Sulagti Hui Khuwahishon Ka Dhuwan Hay
Kayii Saal Guzrey
Kayii Saal Beetey
Musalsal Safar k Kham-o-Paich Mein
Saans Leti Hui Zindagi Thak Gayii Hay
k Jazbon Ki Geeli Zameenoo Mein
Boye Hue Roz-o-Shab Ki Har Ik Fasal Ab Pakk Gayii Hay
Guzarta Hua Saal b Aakhrii Hichkiyaan Ley Raha Hay
Mery Paish-o-Pass
Khauf, Dehshat, Ajal,Barood Ki Mouj
Aabadian Noch Kar Apney Jabrron Mein Jhakrri Hui Zindagi Ko
Darindoo Ki Surat
Nigalney Ki Mashqon Mein Masroof Tar Hain
Har Ik Rasta, Maut Ki Rahguzar Hay
Guzarta Hua Saal Jaisy b Guzra
Magar Saal k Aakhri Din
Nihayet Kathin Hain
Har Ik Simt Laashon k Anbaar
Zakhmi Janazon Ki Lambii Qitarein
Kahan Tak Koi Dekh Paye?
Hawaon Mein Barood Ki Baas
Khud Aman Ki Noha Khuwan Hay
Koi Chara Gar, Asr-e-Hazir Ka Koi Maseeha Kahan Hay?
Mery Milney Walon!
Naye Saal Ki Muskuratii Subah Gar Haath Aye
To Milna!!
k Jatay Hue Saal Ki Saaton Mein
Yeh Bujhta Hua Dil
Dharakta To Hay
Muskurata Nahi
December Mujhay Raas Aata Nahi_____!!
__________________________

Woh Mohabbat Ka Aakhri December

Chalo Khatam Hui Aj Say Dastaan-E-Mohabbat
Ab Hum Tareekh-E-Wafa Main Tera Naam Kanda Krtey Hain
Chalo Aaj Say Hum Chahat K Zanda'n Main Muqeed Hue
Teri Yaad K Sehra Main Dard-E-Maazi Ki Wa'eeed Hue__!!

Chalo Ab Kitaab-E-Zeest Say Auraq-E-Wafa Palat'te Hain
K Ab Hum "Wafa" Ko Jafa Likhain Gay , Saza Likhain Gay
K Ab Hum Apni Bheegi January Ki Shuru'aat
Tere Bakhse Hue Azaab-E-Tanhaai Say Kartey Hain_____!!

Chalo Ab Teri Mohabbat Ki Umar Qaid Muqaddar Hui
K Hum Ko Wafa Nibhaaney Ki Saza To Milni Thi
Chalo Ab Hum Apnay Haathon Ki Lakeero'n Say
Tera Aks-E-jaa'n Mita Dain Gey____!!

Qalb-E-Jaa'n Main Saji Tasveer-E-Mohabbat
Shab Ki Tanhaai Main Chupkay Say Hata Dain Gay____!!

Is Par Bhi Sehar Koi Ghum Nahi Hota
K Hum Ko Zamane Main Teri Ruwai Manzoor Nahi
Shayad Isi Liye Yeh Lehja Ghum Nahi Hota
Magar Jab Faseel-E-Jaa'n Say Saans Ukharti Hai To
Aisey Main Hum Aseer-E-Mohabbat
Phir Say Ehed-E-Wafa Dohraaney Lagtey Hain
Itne Zakham Kha Kr Bhi , Nishtar Jaan Ko Teri Ankhon Ka
Surmai Sumandar Yaad Aata Hai
Aise Main Hum Dair Tak Mazar-E-Mohabbat Par
Noha Giri Kartey Hain , Aaahain Bhartey Hain_____!!

Aise Main Yaad-E-Maazi Ki Har Yaad
Nakhl-E-Yadaa'n Say Mehav Ho Jaati Hai_____!!

Aise Main Bus December Ki
Siskiyan Lieti Hui Sard Tareek Yaad Ka
Alvidai Manzar Yaad Aata Hai
Aisey Main Humain Tu Bhi Nahi Teri Chahat Bhi Nahi
Bus Woh Mohabbat Ka Aakhri December Yad Aata Hai_____!!

Haan Bus Woh Aakhri December _________!!
__________________________

Yeh Jaatay Baras K Aakhri Lamhay

Yeh Jaatay Baras K Aakhri Lamhay
Guzarti Saa'atoo K Dhundelkay
Aur
Palkoon Pat Yadoon K Sitaaray
Pal Bhar Ko Youn Laga Jaisay
Unhi Yaadon, Unhi Kahaaniyoon K Beech
Waqt Tham Sa Gaya Ho Jaisay
Woh Jo Chiraag Jala Thaa Roshni K Liye
Madham Ho Gaya Ho Jaisay
Aur Jo Dariya Mohabbatoon Ka Tha
Ab Utar Gaya Ho Jaisay
Aakhri Shaam Ka Doobta SoOoraj
Kuch Keh Raha Ho Jaisay
Un Chaahatoon Ka SoOoraj Bhi
Doob Raha Ho Jaisay__________!!

Magar Ab Dil Mein Yaadoon K Siwa
Aur Aankh Mein Aanso'oon K Siwa
Aur Bacha Hi Kya Hai_________!!
Jo Ab Aakhri Saa'atoon K Naam Karoon
Woh Sab Chaahatain Aur Sab Mohabbatein
Aur Un Mohabbatoon Ki Saari Shiddattein
Sab Kuch To Usi K Naam Kar Diya Thaa_____!!


Haan, Magar Ab Tak Yaad Hai
Us Waqt Bhi SoOoraj Youn Hi Doob Raha Thaa
Aur________Woh Bhi
December Ki Aakhri Sard Shaam Thee_______!!
Jab Us Nay Dheeray Say Kaha Thaa
Naya Saal Mubarak__________________!!
__________________________

December Last Night

Raat Bhar Neend Na Aanay Ka Sabab To

Maloom Nahi

Haan Mager

December Ki Guzarti Hoii

Aankhri Adhori Shab

Meri Zindagi Ki Adhori

Kahani See Lagi__________!!
__________________________

Ye Saal Bhi Chala Gaya Har Saal Ki Tarha

Ye Saal Bhi Chala Gaya Har Saal Ki Tarha
Ye Saal Bhi Chala Gaya Har Saal Ki Tarhan
Mujh Se Bichhar Gaya Jo Gaye Saal Ki Tarhan

 Is Ka Bhi Haal Hoga Mere Haal Ki Tarha
Aaya Nhi Wo, Reh Gaye Raste Sajey Sajaye
Ye Saal Bhi Chala Gaya Har Saal Ki Tarha
__________________________

December Ke Mahine Mein

December Ke Mahine Mein
Saal E Nau Ki Aahat Par__

Mera Dil Chonk Uttha Hai
Kia Koi Bichhraa Aan Mile Ga

Ya Phir_____!!

Koi Hum Se Judaa Ho Jaae Ga_______!!
__________________________

Koi Haar Gaya Koi Jeet Gaya

Koi Haar Gaya, Koi Jeet Gaya
Ye Saal Bhi Aakhir Beet Gaya

 Kabhi Sapne Sajae Aankho Mei
Kabhi Beet Gae Pal Baato Mei

 Kuch Talkh Se Lamhaat Bhi Thy
Kuch Haadse Aur Sadmaat Bhi Thy________!!


Read More..

Read More

Urdu Hindi Romantic December Poetry

 Tum Ko Kaisi Lagti Hai Chandni December Ki

Raat Uss Na Poocha Tha
Tum Ko Kaisi Lagti Hai
Chandni December Ki
Barishain December Ki???

Main Nay Kehna Chaha Tha
Saal-O-Maah K Baray Main
Guftagu K Kiya Maani ??

Chahay Koi Manzer Ho
Dasht Ho , Samander Ho
June Ho , December Ho

Dharkano Ka Her Naghma
Manzaro Pay Bhaari Hai
Saath Jab Tumhara Ho
Dil Ko Ek Sahara Ho
Aisa Lagta Hai Jaisay
Ek Nasha Sa Taari Hai__!!

Lakin Uss Ki Qurbat Main
Kuch Nahi Kaha Main Nay
Takti Reh Gayee Mujh Ko
Chandni December Ki
Barishain December Ki___!!

Ab K Ehad Kia Hai

Ab K Ehad Kia Hai

Ess Saal Ki Aakhri Dhalti Shaam K Saath
Teri Yaadon K SoOoraj Ko Bhi Alwida Kar Dun Ga____!!

Ab K Baad Rat-Jagoon Ka Yeh Safar
Chaand Ko Tanha Hi Tay Karna Ho Ga_____!!

Mein Terey Jhootey Sachey Lafzoon Say Banney
Kachey Pakkey Rishtoon Ki Kamzoor Dori Ko
K Jis Say Jurtey Jurtey Khud Toot Gya Hoon
Us Say Khud Hi Torr Daaloon Ga_____!!
K Bohat Jheel Lia Dard
Teri Majboorion K Hijaboon Ka
Kisi Kitab Mein Rakh K
Bhooley Huvay Murjhaye Gulaboon Ka____!!

Yaqeeen Aur Be_Yaqeeni Ki
Aankh Machooli Say Bantay
Taptay Huvay Siraboon Ka_____!!

Teri Wapsi Ki Raah Takti
Pathrayee Hui Aankhoon Ki Palkoon Par
Bikhrey Huvay Chand Khawaboon Ka
Na Khatam Hoonay Walay Azaaboon Ka_____!!

Ab Ki Baar Khushion Ki Pehli Kiran
Merey Dil Mein Phootey Gi
Aur Naye Saal Ki Pehli Sehar
Merey Andar K Sab Aansoo Nikaaal Kar
Dharti Ki Goad Shabnam Say Bhar Day Gi_______!!

Jab Bhi Sochoon Tujhe Dard Apna Barha Leta Hoon 

Jab Bhi Sochoon Tujhe Dard Apna Barha Leta Hoon
Phir Har Naye Saal Ka SoOoraj Deikh Kar Muskura Leta Hoon

Mah_E_December Ki Sard Raatoon K Waaday Yaad Kar K
Thoray Thoray Ashk Ankhoon Say Apni Baha Lieta Hoon

Kabhi Jo Ankhoon Main Terey Ashk Dekhoon
Khawab Ban K Woh Tamam Ashk Chura Leta Hoon

Yeh Aadat To Husn'O Wafa K Qayal Jante Hain Mairi
K Piyar Miley Jahan Bhi Sir Apna Jhuka Leita Hoon

Jab Bhi Koi Ghazal Terey Naam Likhoon__________
Batein Likhta Hoon Tamam Magar Tera Naam Chupa Leita Hoon

Na Samjha Tou Nay Mujhey Aur Na Hi Mayri Mohabbat Ko A Dost
Naya Saal Mubarak Khush Rehney Ki Tujhe Dua Deita Hoon_____!!

Suna Hai Nayaa Saal Phir Aa Raha Hai

Suna Hai Nayaa Saal Phir Aa Raha Hai
Khushian Bhi Hon Gi , Baharain Bhi Hon Gi
Mager Hum To Guzray December Ki Sochoon Mein Gum Hain
K Jab Tou Meray Pass Thi
Hath Tera Meray Hath Mein Thaa
Aur Khushian Char Soo Hamaray Sath Theen
Mager Ab Akeilay Tumhain Sochtay Hain
Yahee Khoof Daman Say Lipta Hua Hai
K Aisa Na Ho Is Baras Bhi December
Tumharay Bina He Kaheen Beet Jaye
December To Har Saal Ata Rahay Ga
Mager Tum Na Ho Gay To Kuch Bhi Na Ho Ga_____!!

December K Haseen Din They

Murree ki yakh fizaon mein
Humhare chaar haathon nay

Mujasma ek banaya tha
Kaha tha ek dooje ko

Nishani pyar ki apni
Bari he khoobsoorat hai

Mujhe ab yaad aata hai
Mujasma barf ka tha wo

Usse aakhir pighalna tha
Usse to mitt he jana tha___!!

Her Saal Jaunary

Her Saal Jaunary
Humain Kuch Sapnay Dikhata Aai
Jis Ko Poora Karnay Main
December Aa Pohanchta Hai
Zindagi Aur Akheeeer Bhi Maaano
Umer K January Aur December Hain
Zindagi Ki January Bhi Jo Khwab Dikhati Hai
Admi Umar Bhar Un Ko Poora Karta Rehta Hai
Aur Umar Ka December Aan Pohanchta Hai
Aur Saal Ki Tarha
Saans Bhi Khatam Ho Jati Hai________!!

Read More..

Read More

December Urdu Hindi Shayari

Bheega Bheega Sa Yeh December Hai

Bheega Bheega Sa Yeh December Hai
Bheegi Bheegi Si________Tanhai Hai
In Kitaabon Main Jee Nahin Lagta
Hum Ko Sajni Ki Yaaaaaad Aai Hai
Bheega Bheega Sa December Hai___!!

Shaam Ki Kaali Aankhain Jab Palkon Ko Chapkaati Hain
Kissi Pair Kay Neechay Kuch Yaadain Gungunaati Hain
Kuch Pyar Kay Aadhay Nagmay
Aadhi Pyar Ki Kahaani
Aik Shehar Ka Raja
Aur Ek Gaon Ki Rani
Donon Baray Premi Thay
Ban Main Aaya Kartay Thay
Unkay Pyar Kay Meethay Nagmay
Panchi Gaaya Kartay Thay
Ab Na Premi Hain
Na Woh Baatain Hain
Aur Yaadain Hi Apni Kamai Hai__
In Kitaabon Main Jee Nahin Lagta
Hum Ko Sajni Ki Yaaaad Aaaai Hai___!!

Is Kamray Ki Khirki Baarish Ka Shor Sunati Hai
Aur Tumhari Aahat Hum Ko Yeh Rog Lagaati Hai.
Ab Kay Saal December Main Jab Ban Main Mein Jaoon Ga
Neeli Jheel Darakhton Kay Saayay Aur Sookhay Pattay
Saaray Tera Poochain Gain
Kahan Hai Tera Poochain Gain
Tera Premi Yaar Kahan Hai
Saaray Tera Poochain Gain
Kia Bataoon Ga?
Kia Kahaani Hai?
Ab To Qismat Main Apni Judai Hai
In Kitaabon Main Jee Nahin Lagta
Hum Ko Sajni Ki Yaaaad Aai Hai_____!!

Shaam Dhallay Jab Panchi
Apnay Apnay Ghar Jaatay Hain
Koi Mujhay Batlayay
Mujhko Yeh Kiyoon Tarpaatay Hain
Mainay Bhi Ek Sapna Dekha Tha Apnay Ghar Ka________
Kho Na Jaye Mera Panchi
Lekin Mujhko Darr Tha
Mera Yeh Afsaana Hai_______
Saara Yeh Afsaana Hai_______
Mera Panchi Rasta Bhoola
Pagal Hai Anjaana Hai
Tu Gaya Hai To
Mainay Jaana Hai
Mera Dil Ab Bhi Tera Deewana Hai
In Kitaabon Main Jee Nahin Lagta
Hum Ko Sajni Ki Yaaaad Aai Hai_____!!

Bheega Bheega Sa Yeh December Hai
Bheegi Bheegi Si____ Tanhaai Hai
In Kitaabon Main Jee Nahin Lagta
Hum Ko Sajni Ki Yaad Aai Hai___!!
____________________________

Tum Meri Aankh Ke Teiwar Na Bhula Paao Gay

Tum Meri Aankh Ke Tewar Na Bhula Paao Gay
Ankahi Baat Ko Samjho Gi To Yaad Aaoun Ga__!!

Hum Ne Khushiyon Ki Tarah Dukh Bhi Akhatte Dekhe Hain
Safah_E_Zeesat Ko Palto Gi To Yaad Aaaoun Ga__!!

Isi Andaaz Main Hote Thay Mukhaatib Mujh Se
Khat Kisi Aur Ko Likho Gi To Yaad Aaaoun Ga__!!

Sard Raaton Ke Mahakte Huye Sanaaton Main
Jub Kisi Phool Ko Choomo Gi To Yaad Aaaoun Ga__!!

Ab Talak To Tere Ashk Main Honton Se Chura Leta Hoon
Haath Se Inhein Khud Poncho Gi To Yaad Aaaoun Ga__!!

Shaal Pehnaaye Ga Ab Kaun December Main Tumhein
Baarishon Main Bheego Gi To Yaad Aaaoun Ga__!!

Aaj Tum Mehfil_E_Yaaraan Pe Ho Magroor Bohot
Jub Kabhi Toot Ke Bikhro Gi To Yaad Aaaoun Ga__!!

Haadse Aayein Ge Jeewan Main To Tum Ho Ke Nidhaal
Kisi Deewar Ko Thaamo Gi To Yaad Aaaoun Ga__!!

Is Main Shaamil Hai Meri Bakht Ki Taareeki Bhi
Tum Siyaah Rang Jo Pehno Gi To Yaad Aaaoun Ga__!!
____________________________

December Ja Raha Hai

Use kehna December ja raha hai!!
December kay guzarte hi,
bars aik aor maazi ki jafaun main doob jaye ga,

Use Kehna!!
December kay guzernay say zara pehle,
Muhabbat ki kahani ko koi takmeel dey jana,

Usey Kehna!!
December ka Maheena jaisay guzre ga,
Umeedain Doob jayein gi,
Wo Sapnay toot jayein gay,

Usey Kehna!!!
December kay guzarnay say zara pehley
Mohabbat ko koi tabeer day jaye,

Usey Kehna!!
Mukadar ko hamaray doob janay say bacha lena,

Usey Kehna!!
Decemebr Ja raha hai!!!
____________________________

December Mujh Say Bola Tha

December mujh say bola tha
Ab k jab main aongaa
Tujhay phir say pukaronga
Ussay main sath laonga
Jo tujh ko bhool baitha hai
K jis k hijr ka lawaa
Tera tan man jalata hai
K jis ki yaad ki jheelon main
Aksar doob jatay ho
K jis k wastay baithay
Yahan tum geet gatay ho___!!

December mujh say bola tha
Suno tum bhool na jana
Jo yadain uss nay sonpi hain
Jo lamhay uss nay bakhshay hain
Chahay yeh zakhm saray
Rohh ka nasoor ban jayen
Inhain bharnay nahi daina
Inhain marnay nahi daina
K in zakhmon pay marham
Aik din uss nay he rakhna hai___!!

December agaya lekin
December woh nahi aya
K jiss nay mujh say bola tha
Ussay woh sath layega
Mujhay phir say pukarega____!!

December! ghor say sun lo
Ussay bhi tum bata daina
Yeh sansain machli baithi hain
Ab rukhsat pay janay ko
Yeh ankhain bhi barasti hain
Ussay wapis bulanay ko
Magar yeh jantay hain hum
Hamain wo bhool baitha hai____!!

December ayay jo ab ho
To itna yaad rakh laina
December aur he tha woh
K jiss nay mujh say bola tha
Mujhay ummedain bakhshi thin
Mujhay jeena sikhaya tha
Bohat masoom thay hum to
Jo itna bhi nahi samjhay
December to december hai
Sub he ko rulata hai
Hamesha dair karta hai
Sanam k taur rakhta hai
Sada akhir me ata hai____!!

December uss say keh daina
Mujhay jitna bhi tarpalay
K tujh say haar maani hai
Ab hum nay yeh he thaani hai
Youn uss say dour jana hai
Kabhi wapis na anaa hai____!!

Chalo choro ab janay do
December kuch bhi na kehna
Koi shikwa nahi karna
K jis say yeh guman guzray
Ussay hum yaad kartay hain
Ussi ki rah taktay hain
K apni zindagani ka
Iss sari kahani ka
Yeh manzar akkhri hoga__!!

December Aakhri Ho Ga
December Aakhri Ho Ga__!!

Read More..

Read More

Urdu Hindi Sad December Poetry

Ajab Pagal Si Larki  Hai

Ajab Pagal Si Larki Hai
Mujhe Har Khat Main Likhti Hai
Tumhain Main Yaad Aati Hun?
Mujhe Tum Yaad Kartay Ho?
Meri Baatain Satati Hain?
Meri Neendain Jagateen Hain?
Meri Aankhain Rulaati Hain?
DECEMBER Ki Sunehri Dhoop Main Ab Bhi  Tehaltay Ho?
Kisi Khamosh Raastey Say Koi Awaz Aati Hai?
Thatharti Sard Ratoon Main Tum Ab Bhi Cchat Pay Jatay Ho?
Kitaboon Say Tumhari Ishq Main Koi Kami Aayi?
Ya Meri Yaad Ki Shidat Sa Ankhon Main Nami Aayei?

Ajab Pagal Si Larki Hai_____
Mujhey Har Khat Main Likhti Hai_____!!

Jawaban Usko Likhta Hoon________

Meri Masroofiat To Daikho Suba Say Shaam Office Main
Chiraag-E-Umar Jalta Hai
Phir Uskay Baad
Kayii Majbooriyan Paoon Main Bairri Daal Rakhti Hain
Mujhay Bay-Fikar, Chahat Say Bara Sapna Nahi Dikhta
Tehalnay,Jagnay,Sonay Ki Mohalat Hee Nahi Milti
Sitaroon Say Milay Arsa Hua_________Naraaz Hain Shayad
Kitaboon Say Shaghaf Ab Bhi Qayam Hai
Faraq Itna Para Hai Ab Unhain Arsay Main Parhta Hoon
Tumahain Kis Nay Kaha PAGLI
Tumhain Main Yaad Karta Hoon
K Main Khud Ko Bhulana Ki Justujoo Main Hoon
Tumhari Na Yaad Anay Ki Justujoo Main Hoon__!!

"Magar Ye Justujoo Meri Bohat Nakam Rehti Hai
Meri Din Raat Main Ab Bhi Tumhari Shaam Rehti Hai
Meray Lafzoon Ki Har Mala Tumharay Naam Rehti Hai
Tumhain Kis Nay Kaha Pagli
Tumhain Main Yaad Karta Hoon
Purani Baat Hai Jo Aksar Log Gungunatey Hain
Unhain Hum Yaad Kartay Hain Jinhain Hum Bhool Jatay Hain__!!

Ajab Pagal Si Larki Hai
Meri Masrofiat To Daikho
Tumhain Dil Say Bhulaoon ToTumhari Yaad Na Aye
Tumhain Dil Say Bhulanay Ki Mujhay Fursat Nahi Milti
Aur Is Masroof Jeewan Main
Tumharay Khat Ka Ek Jumla
Tumhain Main Yaad Aati Hoon?
Meri Chahat Ki Shiddat Main Kami Honay Nahi Deta
Agli Baar Khat Main Ye Jumla Nahi Likhna____!!

Ajab Pagal Si Larki Hai
Mujhay Phir Bhi Vooh Likhti Hai
Mujhe Tum Yaad Kartay Ho??
Tumhain Main Yaad Aati Hooo??
_____________________________

December Yaad Aata Hai

Hawa Ka Sard Jhonka Jab Mujhy Chhoo K Guzarta Hy
Meri Socho’N K Darpan Men
December Ki Chatakhti Dhoop
Ek Chehra Banati Hy
Thithertey Sard Mausam Mein
Saba Jab Gungunati Hy
Hawa Seeti Bajati Hy
Rag’Go’N Mein Sar-Sarati Hy
Tou Yun Lagta Hy
College Ki Canteen Mein Bethi
Wo Phir Se Muskurati Ho
Meri Coffee Ki Piyaali Se
Dhuwe’N K Garam Badal Ne
Koi Surat Banai Ho
Koi Khushbuu Ki Suurat Baat
Nihaan Thi Jo Mere Dil Mein
Meri Aankho’N Se Parh Ker
Wo Zara Sa Muskurai Ho
Bas Ek Wo Khwaab Sa Lamha
Hy Rakht-E-Zindigani Jo
December Ki Khunk Raato’N Mein
Aksar Yaad Aata Hy
Nahi Bhuula Jisey Ab Tak
Wo Manzar Yaad Aata Hy

December Yaad Aata Hy_______!!
_____________________________

Suno December Tum Mat Aaya Karo

Suno K

Jab Bhi Tum Aate Ho

Udasiyon Ki Un_Deikhi

BARISHON MEIN DIL KO BHIGHO DEITE HO

Tum Aatey Ho To______!!

Barfeeli Si Tanhaiyon Ki

Sard Hawa Kantton Ki Tarha

Rag-E-Jaan Mein Chubhne Lagti Hai

Aur Akailey_Pan Mein

Dukh Jaag Kar

Neendon Ko Nigal Jate Hein

Aur Jo Apne_________!!

Judaai Ki Dhund Mein____ Kho Gaye Hein

Hum Say Bohat Door Ho Gaye Hein

Unki Yaad_____Phir Say Aaney Lagti Hai

"Suno December" Tum Mat Aaya Karo_____!!
_____________________________

Ab K December Main

Ab K December Main
Main Nay Bhi Kuch Khawab
Sajaye Hain_______!!

Aapni Sard Aankhon Main
Par Dar Lagta Hai__!!

Kaheen Yeh Meray Khwaab
Pigal Na Jaayein
Dhoop Pehnay Par_______!!
_____________________________

December Ki Udass Rut

December Ki Udass Rut
Laot Aayi Hai Nami Ankhon Mein Liye

Aur Keh Rahi Hai Mujhey
K Terey Wastay Ab Ki Baar Bhi

Merey Daman Mein Sirf Tanhaayi Hai__!!

_____________________________

December Aaj Bhi

December Aaj Bhi

Apne

Assasey Saath Layaa

Hai_________________!!


Wohi Teiwar

Wohi Afsurdagi________

Aur

Sard Sa Lehjaa________!!
_____________________________

Tuj Say Judai Ka Dukh

Tuj Say Judai Ka Dukh
Tere Hijr Ka Karb____________!!

Dekh! Phir Say Aa Gai Hain
December Ki Sard Ratain______!!

Azab Ratein_________________

Tere Kurb Main Doobi
Khwab-Nak Ratain___________!!

Teri Wo Pur Noor Ratain_______!!
_____________________________

Suno December Usay Pukaaro

Suno December
Ussay Pukaaro
Ussay Bulaaoo
Suno December _____ Ussay Mila Do
Ab Is Say Pehlay K Saans Niklay
Ab Is Say Pehlay K Saal Guzray
Wohi Lakeerain Wohi Sitaara
Meri Lakeeroon Mein Qaid Kr Do
Ya Aakhri Shab K Aakhri Pal
Koi Bara Ikhtitaam Kar Do_____!!
Yeh Zindagi Bhi Tamaam Kar Do

Suno December____Ussay Mila Do____!!
_____________________________

Tujhe Kia Khabar

Tujhe Kia Khabar
December Ki Sard Ratoon Main____!!

Tere Sung Beeti Sardion Ki
Khoshgawar Khobsurat Shamoon Ko Yaad Kerta Hoon

Is Mohoom Si Tamana K Sahare
Teri Talash Main
Sarkoon Per Awara Phirth Hoon______!!

Read More..

Read More

All December Urdu Poetry

December Ab K Aao To

December Ab K Aao To
Tum Us Shehar_E_Tamanna Ki Khabar Laanaa
Keh Jis Mein Jugnuon Ki Kehkashaan Jhilmilaati Hai
Jahan Titlee K Rangoon Say Fizaain Muskarati Hain
Wahan Charon Taraf Khushboo Wafa Ki Hai
Aur us ko jo bhi pooron say
Nazar Say Choo Gaya Pal Bhar
Mehak Utha___!!

December Ab K Aao To
Tum Us Shehar_E_Tamanna Ki Khabar Laanaa
Jahan Par Rait K Zarray Sitaray Hain
Gul_O_Bulbul, Mah_O_Anjum Wafa K Ista’aray Hain
Jahan Dil Woh Samandar Hai Jis K Kayi Kinaray Hain__!!

December Hum Say Na Poocho Hamaray Shehar Ki Baabat
Yahan Aankhon Mein Guzray Karwan Ki Gard Thehri Hai
Muhabbat Barf Jaisay Hai Yahan
Yahan Dil K Lahoo Mein
Apni Palkon Ko Dabo Kr Hum
Sunehray Khawb Buntay Hain
Phir Unhi Khawbon Mein Jeetay Hain
Unhi Khawbon Pay Martay Hain
Dareeda Rooh Ko Lafzon Say Seena Gou Nahee Mumkin
Magar Phir Bhi__!!
December Ab K Aaou To
Tum Us Shehar_E_Tamanna Ki Khabar Laanaa__!!
_______________________________

Lambi Sarak Aur Ye DECEMBER

Lambi sarak or ye DECEMBER
Gum sum shamain sunehri ratain or ye DECEMBER
Bheigay din madham suraj halkey badal or ye DECEMBER
Behti nadiya gaatey panchi urti dhund or ye DECEMBER
Cofee,bister teri Mohabat or ye DECEMBER
Tanha main tanha chand mera kamra or yeh DECEMBER
Meri ankhain, meri neend, tere khuwab or ye "DECEMBER_____!!
_______________________________

Abhi Hijar Ka Qayaam Hai Aur December Aan Pohancha Hai

Abhi hijr ka qayaam hai aur December aan pohancha hai
Ye khabr shahar mein aam hai December aan pahuncha hai_____!!

Aangan mein utar aayi hai manoos si khushboo
Yadon ka azdahaam hai December aan pahuncha hai__________!!

Khamoshiyon ka raaj hai khizaan taak mein hai
Udasi bhi bahot aam hai December aan pahuncha hai_________!!

Tere aanay ki ummid bhi ho chuki maadoom
Naye saal ka ahtamaam hai December aan pahuncha hai_______!!

Khunak rut mein udasi bhi chaukhat pe khadi ahi
Jaday ki udaas shaam hai December aan pahuncha hai________!!

Tum aao tou mere mausamon ki bhi takmeel ho jaye
Nayi rut tou sar e baam hai December aan pahuncha hai_______!!
_______________________________

Kia Hi Urtay Hain Teray Hijar K Shararay Mujh Mein

Kia hi urhtay hain teray hijr ke shararay mujh mein
Taiz hawaoo’n mein jhoolay shakh-e-shajar jaisay___!

Baat uthay jo meray fusoo’n ki namakdani ki
Aankh roti hai phir samandaro’n k pani ki______!!

Aa k jaan meri ab bhi simat jati hai
Garm baho’n mein koi roh pighal jati hai____!!

Aa jana’n ke ab jism ka rua’n rua’n
Tery nargasi lams ko tarasta hai___!!

Narm baho’n ki hiddat ko maira badan
Sard raton mein phir misl-e-sahama jalta hai___!!

Toot jatay hain bazoo us hawalay say
Halq-e-ja’n mein aaya wo taira paikr-e-gull__!!

Ja’n se roh talak aa gie taseer-e-damak
Us hiddat ko mairee rag-o-pe machalti hai___!!

Rok le khama ke sagar baat badhti hai
Sard mausum ki ab jub rut badalti hai____!!

Tairee qurbat ko mere jaan youn machalti hai
Jaisay parawanay ko shama se koi door kerday__!!
Jaisay machlee ko pani se koi juda kerday______!!
_______________________________

December Ab Bhi Tera Muntazir Hai

December _____
Ab bhi Tera muntazir Hay __!!

Woh Lamhay______
Soch Ki Dahleez Pay Tehray Hoy Hain_____! !

December K Mahenay Main
Hazaroon Saal Pahlay Jab_______

Teray Waday K Hathoon Ney_______
Meri Ankhoon Say Behtee Zindagi K Haath Choomay Thay____!

Meri Bayrang Batoon K Kinaray
Tum Nay Kwabon K_____
Sahary Aur Ashkon K Sitaray Rakh Diye Thay___!!

Aur ___________

Hawa Ko apni Chahat Ki
Hifazat Kaa Ishara Kar Diya Thaa_________!!

Hawa Ki Khunkiyon Main Ab Bhi Teri Naram Batain
Aahatoon Kaa Jaal Buntee Hian_________!!

Sama'at_________Ab Bhee Teray
Qahqahon Kaa Shoor Sunti Hay________!!

Khayal Ab Tak Tumhari Ungliyon Say
Meray Dil K Surkh Ansoo Pochta Hay_______!!

Nigahain Baraf K Phelay
Chamaktay Kenwas Par Jaa-Bajaa
Teri Rifaqat Ki Zarorat Paint Karti Hay_______!!

Tehtartay Paniyon K Tan Pay Bikhri Dhoop
Tera Bagair rooti Hay
Kahan Hota Hay Too__________!!
Muhabat Ki Sulagtei Raahguzar K Kinaray Pay____!!

December __________
Ab Bhe Tera Muntazir Hay_________!!
_______________________________

December Ki Baarish Main

December Ki Baarish May
Bheegtay Peroo'n Say Pocho
Akela Pan Kya Hai____????

Tanhai Kisay Kehtay Hain___?
Seh-Peher Ki Dhoop Ko Tarashna
Aur Barish May Bheegtay Rehna
Jangal Ki Raaho'n May Akelay Chalna
Aur Barish May Bhegtay Rehna___

December Ki Barish May____

Leher-dar-Leher Mehekti Hawa Say Pochoo
Khushbo Sa Khayal Rakhne Wale
Tanha Kaise Rehte Hain_______??
Bhegti Hain Sard Raatein____!!

December Ki Barish Say Kaho_____!!

Kabhi Jungle K Us Paar Mile
Dhaltay Hon Sham K Saaye main
To Unn Aankhon Say Milay_______!!

December Ke Barish Say Kaho_______!!
_______________________________

Usay Kehna December Aa Gaya Hai

Usey Kehna December Aa Gyaa Hai
December K Guzarty Hee____
Bars Aik Aur Mazi Ki Chaao'n Main Doob Jaye Ga____

Usay Kehna December Laot Aye Ga
Magar Jo Khoon So Jaye Ga Jismo'n Mein
Na jagey Ga_____!!

Usey Kehna Hawaie'n Sard Hein, Aur Zindagi K Kuhrey
Dewaro'n Mein Larzaa'n Hein_____

Usay Kehna Shagofey Tehnio'n Mein So Rahy Hein
Aur Un Pay Barrf  Ki Chaadr Bichi Hi____

Usay Kehna Agar SoOoraj Na Nikley Ga
To Kaisy Barrf Piglay Gi
Usay Kehna Laot Aye____!!

Usey Kehna Laot Aye_____
Usey Kehna December Aa Gaya Hai____!!
_______________________________

Lambay Safar Ki Oat Mein Pal Bhar Nahin Ruka

Lambay safar ki oat mein pal bar nahin ruka
Mein waqt k fareeb mein aa kar nahin ruka_________!!

Phir aa gaya aik naya sal dosto_______
Is bar bi kisi say December nahin ruka_____________!!

Lay kar kisi nay haath mein kashkol-e-waqt
Aisa safar kia k kahin per nahin ruka______________!!

Manzar kay aks mein koi chera chatakh gaya
Sheshay kay pas aa kay jo pathar nahin ruka________!!

Chalta raha adoo ki safain rondta howa_____
Lakhon ka khoun-e-jigar kar k b lashkar nahin ruka___!!

Bas yeh howa k Akhri lamha bi aa gaya
Dil ka tawaf koocha-e-dilbar nahin ruka____________!!
_______________________________

December K Haseen Din They

December k haseen din thay
Murree ki yakh fizaon mein

Humhare chaar haathon nay
Mujasma ek banaya tha

Kaha tha ek dooje ko
Nishani pyar ki apni

Bari he khoobsoorat hai
Mujhe ab yaad aata hai

Mujasma barf ka tha wo
Usse aakhir pighalna tha

Usse to mitt he jana tha_______!!
_______________________________

Tuj Say Judai Ka Dukh Tere Hijer Ka Karb

Tuj say judai ka dukh
Tere hijer ka karb
Dekh ! phir say aa gai hain
December key sard ratain
Azaab ratein_______!!
Tere karb main dobi
Khowbanak ratain
Teri wo pur noor ratain_____!!

Tujhey kiya khuber
December key sard ratoon main
Tere sung beeti sardion key____
Khosgawar khobsurut shamoon ko yaad kertha hoon
Is mohoom si tamana kay sahray
Teri talash main__________!!

Sarkoon per awara phirth hoon
Aatay jatay chehroon main tujhey kohja kerta hoon
Shayad kaywo tum ho_______!!

Aur thuk haar ker jo laut'ta hoon
To khud per khoub hastha hoon
Phir_____!!
Phoot phoot ker roota hoon_______!!
_______________________________

Ik BeDard December Thaa

Bus Ik Meri Baat Nhi Thi
Sub Ka Dard December Tha

Baraf Ke Shehr Me Rehne Wala
Ik Ik Fard December Tha

Pichhley Saal Ke Aakhir Me Bhi
Herat Me Hum Teeno They

Ik Mai Tha, Ik Tanhaai Thi
Ik Be dard December Tha_____!!
_______________________________

December Tum Na Jao Na

Abhi Lamhey Nahi Bikhrey
Abhi Mausam Nahi Bichrey_______!!

Merey Kamre Ki Thandak Me
Abhi Kuch Dhoop Baqi Hai_______!!

Meri Diary Ke Kuch Safhey
Abhi Kuch Keh Nahi Paaye________!!

Merey Aangan Ke Sub Pauday
Abhi Bhi Gungunatey Han________!!

Merey Be_Jaan Honton Par
Abhi Muskaan Vesi Hai_______!!

Kisi Ke Laut Aane Ka
Abhi Imkaan Baqi Hai______!!

DECEMBER________!!

Baat Ik Sun Lo____!!

Sonu_______!!
Tum Maan Jao Na_____!!

K Jab Tak Wo Nahi Aata_____!!
December Tum Na Jao Na____!!


Read More..

Read More

Best December Poetry

Kabhi Jo Toot K Barsa December

Kabhi Jo Toot K Barsa December
Laga Apna Bohat Apna December

Guzar Jata Hai Sara Saal Youn To
Nahin Kat’ta Magar Tanha December

Bhala Barish Say Kia Sairaab Hoga
Tumharay Wasl Ka Piyasa December

Woh Kab Bichra, Nahi Ab Yaad, Lekin
Bus Ttna Yaad Hai K Tha December

Jama Poonji Yehi Hai Umar Bhar Ki
Meri Tanhai Aur Mera December___!!
_____________________________

Udaas Raaton Mei Taiz Coffee Ki Talkhion Mein

Udaas Raaton Mei, Taiz Coffee Ki Talkhion Mei
Wo Kuch Ziada Hi Yaad Aata Hy Sardion Mei

 Mjhe Ijazat Nahi Hai Us Ko Pukaarney Ki
Jo Goonjta Hy Lahoo Mei, Seeney Ki Dharkano Mei

 Tum Apni Pouron Se Jaaney Kia Likh Gaye They Jana
Charaagh Roshan Hain Ab Bhi Meri Hatheliyon Mei

 Jo Tu Nhi Hy To Ye Mukammal Na Ho Saken Gi
Teri Yeh Ehmiyat Hy Meri Kahaniyon Mei

 Har Ek Mousam Roshni Si Bikhairty Hain
Tumhary Gham Ke Charaagh Meri Udaasiyon Mei
_____________________________

Koi Jazba Adhoora Reh Gaya Hai
Koi jazba adhoora reh geya hai
December aansu’on mein beh geya hai__!!

Yeh dil khamosh ho kar reh geya hai
Najane aaj woh kya keh geya hai__!!

Yeh aannkhain hain hamari kitni gehri
Samundar mein samundar beh geya hai__!!

Tumhare sath wabasta tha sab kuch
Siwaye yaad k kya reh geya hai__!!

Palat kar dekhne per hum ne jana
Dil-e-nadaan kya kya seh geya hai__!!

Bohat bheerr hai bazaron mein lekin
Tera Arshad akela reh geya hai.__!!
_____________________________

Ek Baar To Milne Chaly Aao December Jany Wala Hai

Ek baar to milne chaly aao December jany wala hy
Kesa guzra hy ye sal batao December jany wala hy__!!

Khush ho jao k milne ka saal aa raha hy phir
Wasi youn na ansu bahao December jany wala hy__!!

Shayed ab k baras bhi wo Loat kar na aye
Tanhaiyo k abi chor k na jao December jany wala hy__!!

Ye kia k raat din uski yaad mein doobay rehna
Na Gham ki barish me nahao December jany wala hy__!!

Ay mere Dukhon k sathiyo khush ho jao
Apny apny Gharon ko sajao December jany wala hy__!!

Kia pata phir DECEMBER aye na aye Jan-e-Wasi
Meri mano ab tm loat ao December jany wala hy__!!
_____________________________

December Ke Mahine Ka Wo Shayd 11wan Din Tha

December Ke Mahine Ka
Wo Shayd 11wan Din Tha

Kahin Guzrey Baras Mai Ne
Mohabbat Lafz Likha Tha

Kisi Kaghaz Ke Tukrey Par
Achanak Yaad Ayaa Hai

Kahin Guzrey Baras Mujh Ko
Kisi Se Baat Karni Thi

Usey Kehna Tha Jaan e Jaan
Mujhe Tum Se Mohabbat Hai

Magar Mai Keh Nahi Payaa
Wo Kaghaz Aaj Tk Liptaa Paraa

Hai Dhool Mei Lekin
Kisi Ko De Nahi Payaa

December Phir Ke Ayaa Hai
December Chalaa Bhi Jaaye Ga

Magar!
Dobaraa Chaah Kr Bhi Mai

“Mohabbat”
Kr Nahi Payaa__!!
_____________________________

Teri Yadon Ki Rawaani Aur Ye December

Teri yadon ki rawani or ye__________ __________________December
Meri batein , teri kahani or ye_______________________ December__!!

Mera hath tera sath , lambi sarak or ye ___________________December
Gum sum shaamain , sunehri raatain or ye _________December_______!!

Bheigy din , madham suraj , halky badal or ye_____________ _December
Behti nadiya , gaatay panchi , urti dhund or ye______________ December

Tanha me , tanha chand , mera kamra or yeh_______________ December
Meri ankhein , mere aansu , meri neend , tere khawab or ye December___!!
_____________________________

December Mujh Se Bolaa Tha

December Mujh Se Bolaa Tha
Ab Ke Jb Mai Aaon Ga

Tujhe Phir Se Pukaron Ga
Usey Mai Sath Laon Ga

Jo Tujh Ko Bhool Baitha Hy
Ke Jis Ke Hijr Ka Laawa

Tera Tan Man Jalata Hy
Ke Jis Ki Yaad Ki JheeloN Mei

Akser Doob Jatey Ho
Ke Jis Ke Waastey Bethey
Yaahan Tum Geet Gaatey Ho!

December Mujh Se Bolaa Tha
Suno Tum Bhool Na Jana

Jo Yaadein Us Ne Sonpi Han
Jo Lamhay Us Ne Bakhshey Han

Chaahe Ye Zakhm Saary
Rooh Ka Naasoor Ban Jaaen

Inhen Barhney Nahi Dena
Inhen Marney Nahi Dena_____!!
_____________________________

Raat Us Nay Poocha Tha Tum ko Kaisi Lagti Hai

Raat Uss ne Poocha tha
Tum ko Kaisi Lagti Hai
Chandni December ki_____!!

Main ne Kehna Chaha Tha:
Saal-o-Maah ke Baarey mein
Guftagu ke Kya Maani ?
Chahey koi Manzir ho
Dasht ho , Sumnadar ho
June ho , December ho
Dharkanoo'n ka Har Naghma
Manzaroo'n pe Bhaari hai
Saath Jab Tumhara Ho
Dil ko Ik Sahara ho
Aisa Lagta hai, jaise
Ik Nasha sa Taari hai

Lakin Uss ki Qurbat mein
Kuch Nahi Kaha Main ne
Takti Reh gayi Mujh ko
Chandni December ki_____!!
_____________________________

December Ki Sard Hawao 

December ki sard hawaoo
Us se milo to kehna
K aaj bhe
Us ki yaad
Kisi k dil main
Mustaqil
Khaima zan hay
Koi aaj bhe usay
Uthtay,bethtay,sotay ,jagtay,
Hanstay,rotay
Yaad karta hay_____!!
_____________________________

December Ki Sard Hawao Us Say Milo To Kehna

December ki sard hawaoo
Us se milo to kehna___!!

K aaj bhe
Kisi ki palkain
Sir e sham he
Us k intizar main
Beech jati hain,
Aaj bhe koi
Us kay liye
Udas rehta hay___!!

December ki sard hawaoon
Us se milo toa kehna
K aaj bhe
Kisi k din rat
Us kay bin
Sogawar guzertay hain,
Aaj bhe
Kisi ki aankhain
Us kay liye
Num rehti hain__!!

December ki sard hawaoo
December ki sard hawaoo
December ki sard hawaoo__!!
_____________________________

Kayi Saal Guzrey Kayi Saal Beetey

Kayii Saal Guzrey

Kayii Saal Beetey

Shab-o-Roz Ki Gardishon Ka Tasalsul

Dil-o-Jaan Mein Saanson Ki Partein Ultatey Hue

Zalzalon Ki Tarah Haanpta Hay!

Cheekhtey Hue Khuwab

Aankhon Ki Nazuk Ragein Cheeltey Hain

Magar Main Har Ik Saal Ki Goud Mein

Jagti Subah Ko

Bey Karaan Chahton Se Atti Zindagi Ki Dua Dey Kar

Ab Tak Vohi Justaju Kar Raha Hoon

Safar Zindagi Hay

Safar Aagahi Hay

Safar Aabla Payii Ki Dastan Hay

Safar,Umer Bhar Ki Sulagti Hui Khuwahishon Ka Dhuwan Hay

Kayii Saal Guzrey

Kayii Saal Beetey

Musalsal Safar k Kham-o-Paich Mein

Saans Leti Hui Zindagi Thak Gayii Hay

k Jazbon Ki Geeli Zameenoo Mein

Boye Hue Roz-o-Shab Ki Har Ik Fasal Ab Pakk Gayii Hay

Guzarta Hua Saal b Aakhrii Hichkiyaan Ley Raha Hay

Mery Paish-o-Pass

Khauf, Dehshat, Ajal,Barood Ki Mouj

Aabadian Noch Kar Apney Jabrron Mein Jhakrri Hui Zindagi Ko

Darindoo Ki Surat

Nigalney Ki Mashqon Mein Masroof Tar Hain

Har Ik Rasta, Maut Ki Rahguzar Hay

Guzarta Hua Saal Jaisy b Guzra

Magar Saal k Aakhri Din

Nihayet Kathin Hain

Har Ik Simt Laashon k Anbaar

Zakhmi Janazon Ki Lambii Qitarein

Kahan Tak Koi Dekh Paye?

Hawaon Mein Barood Ki Baas

Khud Aman Ki Noha Khuwan Hay

Koi Chara Gar, Asr-e-Hazir Ka Koi Maseeha Kahan Hay?

Mery Milney Walon!

Naye Saal Ki Muskuratii Subah Gar Haath Aye

To Milna!!

k Jatay Hue Saal Ki Saaton Mein

Yeh Bujhta Hua Dil

Dharakta To Hay

Muskurata Nahi

December Mujhay Raas Aata Nahi_____!!

_____________________________

December Mujhey Raas Aata Nahi

Suno____!!!

Guzarta Hua Saal Jaisey Bhi Guzraa

Magar Saal Kay Aakhri Din

Nihaayat Kathhin Hain..

Suno_______!!!

Naye Saal Ki Muskuraati Hui Subha

Yeh Bujhhta Hua Dil Dharakta To Hai..

Muskuraata Nahi..

December Mujhey Raas Aata Nahi_________!!

Read More..

Read More

Urdu Hindi Best December Poetry

Suno Tum Laut Ao Na

Suno
Tum Laut Ao na
December laut aaya hay
Tumhaaray laut aanay ki
Naii ummeed jaagi hay__!!

Abhi pichhlay baras tum nay
Miray seenay pay sar rakh kar
Haya say munh chhupaaya tha__!!

Abhi pichhlay baras hi to
December k maheenay main
Tumhain baanhoon main thaama tha__!!

Magar April aanay tak
Tumhaari jheel si aankhoon main
Naya sapna samaaya tha__!!

Miray chhotay say aangan main
Tumhain veh'shat si hoti thi__!!

Mujhay tum nay bataaya tha
"Kisi ki qaid main rehna
Mujhay acha naheen lagta
Main ik aazaad panchhi hoon"


Suna hai phir say tanha ho tum
September k maheenay say
Bohat khaamosh rehti ho__!!

K jis ko tum nay chaaha tha
Wafa k naam se us ko
Bohot veh'shat si hoti thi__!!

"Woh ik aazaad panchhi tha
Kisi ki qaid main rehna
Usay acha nahi lagta tha__"

Suna hai mairay aangan ki
Tumhain ab yaad aati hai
Suna hai tum pa'shaymaan ho__!!

Chalo phir aisa kartay hain
December ka maheena hai
Naya aaghaaz kartay hain__!!

Tumhain baanhon main lay loon main
Miray seenay pay sar rakh kar
Haya say munh chhupa lo tum
December laut aaya hai__!!

Suno ab laut aao tum__!!

December laut aaya hai__!!

Usay Kehna K Lout Aao December Lout Aya Hai


Usay Kehna K Lout Aao December Lout Aya Hai
Ik Baar To Mil Jao K December Lout Aya Hai

Usay Kehna K Bin Tere Bohat Raatain Guzari Hain
Is Bar To Milne Aa Jao December Lout Aya Hai

Usay Kehna Judai Se Mahabbat Kam Nahi Hoti
Yeh Duniya Ko Batla Jao December Lout Aya Hai

Usay Kehna K Chahat Ka Bharam Na Tootne Dena
K Pal Do Pal Hi Aa Jao December Lout Aya Hai

Usay Kehna K Tanha Hai Koi Ab Bhi
Yeh Tanhai Mita Jao December Lout Aya Hai____!!

Usay Kehna December Laot Aya Hai

Usay Kehna
Usay kehna DECEMBER laot aya hai
Hawayen sard hain
Aur vaadiyan bhi dhund main gum hain
Paharon ne braf ki shaal phir se ourh rakhi hai
Sbhi rastay tumhari yaad main pur nam se lagtay hain
Jinhain sharf e musaafat tha
Wo saray cards
Wo perfume_________
Wo chhoti c diary_____
Wo terris___________
Wo chaye jo ham ne saath main pee thi
Tumhari yaad lati hain
Tumhain wapis bulati hain
Usay kehna k dekho yun stao na
DECEMBER lout aya hai
Suno tum lout ao na__________!!

Tm Bhi Laot Aao Na December Laot Aya Hai 

Tm bhi lout aao na december lout aya ha
Howain sard chalti hain_______

Mery lab kapkpaty hain______

Koi kano mein kahta hy______

Decembr laot aaya hy________

Wohi khirki wohi aangan_____

Jisay tm dekha krtay thay_______

Mein us mein hun sahi lekin___
Kahin kuch khali sa lgta hai___

Koi fryad krta hy decembr laot aaya hy
Suno!koi bhola howa panchi bhi palat aata hy ghr apny

Ye sard rt ye chand teri rah ko tkty hain
Tm b lot aao na December lot aaya hai________!!

December Laot Aaya Hai

December Laot Aaya Hai
Bhegi surd hawao
Ussy batao________!!!

December lout aaya hy
Dil pay udasiyo ka pehra hy
Paya to uski mohabbat main kuch bhi nahi
Buss_____
Chain o qarar hum ny khoya hy____!!

Beet gaya judayi ka ek or saal
Hasher sa uski yado ny uttaya hy__!!

Bhegi surd hawao_______
Usay batao__________!!!

Dil py lagy hy jo ghao
Unhain dekh jaye__!!

Jal rahy hy jo
Dukh k dehakty aalao
Bhegi surd hawao
Ussy batao_____!!!

December Laot Aya hai
Tum Bhi Laot Aao

Hum Sitam Rasida Logo Ko
Aur Na Satao
Laot Aao___________!!

Read More..

Read More

December Urdu Poetry

December Beet Raha Hai

Wo gham
Wo aansoon
Wo dard
Ab bhi mehsoos hota hai____!!

Wo batain
Wo sapnain
Wo ratain
Ab bhi jeetain hain_________!!

Wo rahain
Wo sasain
Wo bahain
Ab bhi tarpati hain________!!

Par sard shamain guzar rahi hai
Wo garm sasain thehar rahi hain

Aankhon ki un surkhion main lehar thi jo wo jam rahi hai
Aur zindagi bhi tham rahi hai

K Ab

December Beet Raha Hai_____!!
________________________________

Dekh December Ab Mat Aana

Dekh December Ab Mat Aana
Dekh December Mere Ander
Kitnay Sehra Phail Chukay Hain
Tanhayi Ki Rait Ne Mere
Saaray Darya Paat Diye Hain
Ab Main Hoon
Aur Mere Banjar Pun Ki Bojhalta Hay
Dekh December
Teri BarFaab Shaboon Mein
Teri BeKhuwab Shaboon Mein
Khuwab Sweater Kon Bunay Ga
Rooh k Ander Girti Barfein Kon Chunay Ga
Dekh December Ab Mat Aana
Aur Agar Tu Aye b To
Apnay Dukh Ki Baraf Pehan Kar
Dhoop Diyaroon Tak Mat Jana
Mere Pyaroon Tak Mat Jana
Dekh December Ab Mat Aana________!!
________________________________

December Ki Thatharti Shaam

December ki tatharti shaam hai
Aur mein sulagta hoon dooston

Dil mein ik mehfil jami hai
Aur mein tanha hoon dooston

12 Maahh ki ronkeen tanha hi dekh ker
Aaj najany kiuon wo mere taraf chala aya hai dooston

Aankein khush hein dekh ker usay
Aur dil gay dinon ka soog mana raha hai dooston

Zaalim halaat ka sitam suna raha hai
Bekhabar mere barbadi suna raha hai doston

Shaid aab kay koi aietbar ki sorat nikal hi aay
Usay roko kay wo phir se rooth ker ja raha hai doston_______!!
________________________________

Udas December Ki Haseen Yaadein

Mujh Se Poochtey Hain Log
Kis Liye December Mein
Yun Udas Rehta Hoon
Koi Dukh Chupata Hoon
Yaa Kisi k Janey Ka
Sog Main Manata Hoon

Aap Mery Album Ka
Safha Safha Dekhein Ge?
Aayiee Dikhata Hoon
Zabt Aazmata Hoon

Sardion k Mausam Mein
Garam Garam Coffee k
Chotay Chotay Sip Ley Kar
Koi Mujh Se Kehta Tha
Haye Iss December Mein
Kis Bala Ki Sardi Hay
Kitna Thanda Mausam Hay
Kitni Yakh Hawayein Hain
Aap b Ajab Shay Hain
Itni Sakht Sardi Mein
Ho k Itney Bey Parwah
Jeans Aur T-Shirt Mein
Kis Mazey Se Phirtey Hain

Shaal b Mujhay Dey Di
Coat b Oorrha Dala
Phir b Kaanpti Hoon Main
Chaliye Ab Sharafat Se
Pehan Lijiye Sweater
Aap k Liye Main Ne
Bun Liya Tha Do Din Mein

Kitna Maan Tha Uss Ko
Meri, Apni Chahat Par
Ab b Har December Mein
Uss Ki Yaad Aati Hay

Garam Garam Coffee k
Chotay Chotay Sip Ley Kar
Haath Gaal Par Rakhey
Hairat Aur TaAjjub Se
Mujh Ko Dekhti Rehti
Aur Muskura Deti

Shokh-o-Sard Lehjay Mein
Mujh Se Phir Vo Kehti Thi
Itney Sard Mausam Mein
Aadhi Sleeves Ki T-Shirt
Iss Qadar Na Itrayein
Seedhay Seedhay Ghar Jayein

Ab Ki Baar Jab Aayein
Brown Trouser K Sath
Black High Neck Pehnein
Coat Koi Dhang Ka Ley Lein
Warna Main Qasam Se Phir
Aisy Rooth Jaon Gi
Dhoondtey Hi Rahiye Ga
Samney Na Aaon Gi

Pass Baithey Abbu k
Politics Par Kijiye Garam Garam Discussion
Coffee Ley Kar Kamrey Mein
Main To Phir Na Aaon Gi
Khali Khali Nazron Se Aap In Khalaon Mein
Yunhi Taktey Rahiye Ga
Aur Bey Khayali Par Daantt Khatey Rahiye Ga

Kitni Mukhtalif Thi Vo
Sab Se Munfarid Thi Vo
Apni Aik Lagzish Se
Main Ne Kho Diya Uss Ko
Ab b Har December Mein
Uss Ki Yaad Aati Hay...!!!
________________________________

Suno December Ki Thatharti Hui Shamien

Suno!
December Ki Thatharti Hoi Shamien
Kohar Mein Lipti Dhundali Se Subhien
Darakhto'n Se Girtey Huay
Khushk Zard Pattey
Woh Gao'n Ke Tama'm Raste
Mohabbato'n Ke Tama'm Rishtey
Khiyaal Abad Karte Hain
Tumhein Sab yaad Karte Hain___!!
________________________________

Read More..

Read More

December Poetry

December Phir Udaas Hai

Ajnabi C Raho'n Main
Door Tak Nigaho'n Main

Be-Rukhi Ka Masom Hai
Aj Phir Nigaho'n Ko

Betay Pal Ki Piyas Hai
Phir Raha Hon Dar-Badar

Mujzy Ki Aas Hai
Aisa Lagta Hai Jaisay

December Phir Udaas Hai
Baat Tu Kray Koi

Sath tu Chalay Koi
Khamoshi Ka Pehra Hai

Zakhm Dil Ka Gehra Hai
Kisi Bouht Apnay Ki

Ab Mujhay Talash Hai
Aisa Lagta Hai Jaisay

December Phir Udaas Hai
December Lout Aya Hai Tum Bhi Lout Ao Na______!!
______________________________

Thoray Din DECEMBER Hai 

Thoray din DECEMBER hai
Sard sard shamain hain
Or thitharti ratain hain
Bus tumhari yadain hain
Bheegy bheegy mosam k sakht khushk aalam me
Sard sard shamon me
Aisi sard-baari me
Jab alaow jalty hain
Tum ko yaad karty hain
Dhoop bun k chhao na !
Aao paas aao na !
Narm narm haathon se
Garm garm sanson se
Meri sari saanso me
Khushbuen basao na
Aao lout aao na !
Ab na you'n stao na
Bus thoray din DECEMBER ha__!!
______________________________

Sard Raatoon Main

December ki sard ratoon mein
Kuch lamhoon mein kuch Baatoon mein

Koi mere sath tha______________
Jisnay kaha tha Nibhaonga sath

Aj mein us say bohat Door aachuka hon
Mein wo Waqt ganwa chuka hon

Per jab uski Yaad aati hai
Neend bohat door chali jati hai

Meri Taanhaiyoon ko haseen banati hai
Ab aesey hi Zindagi bitaengey______!!
______________________________

Khamoshi December Ki

Khamoshi december ki
Veeran sard raaton main
Khunk Say her ahat main
Zabt ki kai koshishooo ko
Juhtlati hai__aur sard banati hain
Khamoshi december ki
Is terha nikharti hai
Hijr ko berhati hai___
Mujhe bechain kerti hai
Khamoshi December Ki_____!!
______________________________

Tanha December Ki Thandi Khanak Raat Main 

Tanha December ki thandi khanak raat main
Bohhat door jati hai apni nazar

Sitaron k uss par woh rahguzar
Jahan hum nay paya tha ik hamsafar

Bohhat bay kali thi,tha lamba safar
Jahan kitni sadiyan then bas ik pehar

Nazar ko jo palta aur dekha idhar
Wohi sard raatain jo thein muntazir

Main apnay hi kamray main bethi hoon ab
Na woh kahkishan hai na woh hamsafar

Bas apnay hi jaisay hain kuch chara gar
Mera dard_e_dil aur wafa bay samar

Meray dil ki dunya gae hai ujarh
Tumharay bina hai yeh khali dagar

Yeh kaisa december hai ay hamsafar
Na dunya k gham na hi apni fikar

Bhool jata ho jaisay koi apna hi ghar
Aa ja k tujh bin hai soona nagar

Hai sab kuch yahan,nahi kuch b magar
Goya apnay hi jaisa hai sara shehar__!!

______________________________

Main Lotoun Ga December Main

December jab bhi ata hai

Wo pagli

Pher se beete mosamon ki

Talkhion ko yaad karti hai

Porana card parhti hai

Ke jis main os ne likha tha

Main Lotoun Ga December Main

Naye kapre banati hai

Wo sara gher sajati hai

December k her ek din ko

Wo gin gin ker betati hai

Jonhi 15 guzerti hai

Wo kuch kuch toot jaati hai

Mager pher bhi

Porani album ko khool ker

Mazi bolati hai

Nahi maloom ye us ko

K beete waqt ki khushian

Boht takleef deten hain

Mahz dil ko jalati hain__!!

Yonhi den beet jaate hain

December lout jata hai

Mager wo khush-fehm si larki

Dobara se calender main

December ke maheene ke 

Safhe ko moor ker pher se

December ke saher main doob jati hai

Ke akhir os ne likha tha......

MAIN LOUTON GA DECEMBER MAIN__!!

______________________________

Suno December Usay Pukaro

Suno December usay pukaro

Suno December usay mila do

Ab is sai pehlay keh saal guzray

Ab is sai pehlay keh jaan niklay

Wo hi sitara meri lakeeron main qaaid kar do'

Is aakhri shab kai aakhri pal koi bara ikhtitaam kar do

Ye zindagi bhee tamaam kar do

Suno December usay bula do__!!

Read More..

Read More