Us Shokhi E Guftar Par Ata Hai Bohat Pyar

Us Shokhi_E_Guftaaar Par Aata Hai Boohat Pyaaaar
Jab Pyaar Say Kehtay Hein Woh Sheitan Kaheen Ka____!!!

Read More

Na Bolun Main Toh Kaleja Phoonkey

Na Bolun Main Toh Kaleja Phoonkey

Na Bolun Main Toh, Kaleja Phoonkey

Jo Bol Dun Toh Zabaan Jaley Hai

Sulag Na Jaavey, Agar Suney Woh

Jo Baat Meri Zabaan Taley Hai

Lagey Toh Phir, Youn Ye Rog Laagey

Na Saans Aavey, Na Saans Jaavey

Ye Ishq Hai, Namuraad Aisa

K Jaan Leivey, Tab Hi Talay Hai

Hamari Haalat Pey, Kitna Rovey Hai

Aasmaan Bhi, To Dekh Lijo

K Surkh Ho Jaave, Uski Aankhein Bhi

K Jaisey Jaisey, Ye Din Dhaley Hai

Na Boloun Main Toh, Kaleja Phoonkey

Jo Bol Dun Toh Zabaan Jaley Hai___!!

Read More

Romantic Urdu Poetry

Chhoota Jo Tera Haath Tou Hum Toot Ke Roye

"Chhoota Jo Tera Haath Tou Hum Toot Ke Roye
Tum Jo Na Rahay Saath Tou Hum Toot Ke Roye"

"Chaahat Ki Taman'na Thi Aur Zakhm Diye Tum Ne
Paayi Jo Yeh Saughaat Tou Hum Toot Ke Roye"

"Imkaan Na Tha Duur Talak Tajdeed-e-Ta'alluq Ka
Dekhay Jo Yeh Haalaat Tou Hum Toot Ke Roye"

"Anjaan Thay Hum Ab Tak Dard Ki Soorat Se
Hui Jo Mulaaqaat Tou Hum Toot Ke Roye"

"Jeeti Thi Sadaa Hum Ne HAr Baazi Teray Saath
Tanha Jo Sahi Maat Tou Hum Toot Ke Roye"

"Logo'n Ne Bahut Poochha Sabab Veraani-e-Dil Ka
Jab Ho Na Saki Baat Tou Hum Toot Ke Roye"

"Thi Dhoop Bahut Taiz Har Simt Judaayi Ki
Barsi Jo Na Barsaat Tou Hum Toot Ke Roye"

"Zad Mein Tha Khizaao'n Ki Ab Ke Dil-e-Barbaad
Bichhrray Jo Shajar-Paat Tou Hum Toot Ke Roye"

"Din Bhar Tou Rahay Chup Keh Duniya Ki Nazar Thi
Bheegi Jo Siaah Raat Tou Hum Toot Ke Roye"

"Samjha Tha Sadaa Tujh Ko Apna He Koi Hissa
Tukrro'n Mein Bati Zaat Tou Hum Toot Ke Roye"

"Hum Kartay Rahay Aaj Talak 'Uss Chaand' Ki Khwahish
Yaad Aayi Jo Auqaat Tou Hum Toot Ke Roye"
________________________________

Wo Guftugu Mein Un Dekha Jaal Rakhta Tha

"Wo guftugu mein un dekha jaal rakhta tha
Wo shakhs lehja barha ba kamal rakhta tha"

"Hansi labon pe dil mein malaal rakhta tha
Ajeeb shakhs tha sheeshey mein baal rakhta tha"

"Tera firaaq hamesha azaab e jaan tha magar
Tera wisaal bhi mujh ko nidhaal rakhta tha"

"Kissi ke chehra e pur noor ka jawab nahin
Andheri raat mein sooraj nikaal rakhta tha"

"Wo barson baad milla bhi to es tarah se milla
Labon pe chup thi nazar mein sawaal rakhta tha"

"Bulandion se gira hoon to ye maloom hooa
Urooj apney hi ander zawaal rakhta tha"

"Chamakney waali har ek cheez ko sona samjha
Kuch es tarah ka wo zoq e jamaal rakhta tha"

"Tera sunehri tassawur, tera sunehri khyaal
Na janey kyoon meri aankhon ko laal rakhta tha"

"Mera wehem dabota raha har baar mujhey
Mera yaqeen hamesha uchaal rakhta tha"
________________________________

Ye Meri Anaa Ki Shikast Hai

"Ye meri anaa ki shikast hai
Na dawa karo na dua karo"

"Jo karo tu bas ye karam karo
Mujhe merey haal pe chor do"

"Wo jo aik tarkash-e waqt hay
Abhi us main teer bohat sey hain"

"Koi teer tum ko na aa lagey,
Merey zakhm-e dill pe na yoon hanso"

"Na main kohkan hoon na Qais hon
Mujhe apni jaan aziz hai"

"Mujhe tark-e ishq qobool hay,
Jo tumhain yaqeen-e wafa na ho"

"Jo tumhaarey dil main shokook hain
Too ye eh'hadd name fozool hain"

"Jo merey khotoot hain phaar do,
Ye tumhaari khat hain samait lo"

"Jo kisi ko koi sataay ga
Too gila bhi hontoo.n pe aay ga"

"Ye too ik asool ki baat hai
Jo khafa hai mujh sey koi too hoo"

"Mujhe abb sadaoo.n sey kaam hai
Mujhe khaal-o khad ki khaber nahi"

"Too phir is farib sey
Faida ye naqaab abb too utaar do"

"Mujhe apney fuq'r pe naaz hai
Mujhe is karam ki talab nahi"

"Main gada nahi hon faqeer hon
Ye karam gadaoo.n main bant do"

"Ye faqat tumhaarey sawal ka
Mera mukhtasar sa jawaab hai"

"Ye gila nahi hai kholoos hai
Meri guftugu ka asar na loo"

"Ye udh'horey chand ki chandni bhi
Andh'hairi raat main kum nahi"

"Kahi ye bhi saath na chor dey
Abhi roshni hai chaley chalo"
________________________________

Roog Aisay B Ghamm-e-Yaar Say Lag Jate Hain

"Roog Aisay B Ghamm-e-Yaar Say Lag Jate Hain
Darr Say Uth'te Hain To Deewar Say Lag Jate Hain"

"Ishq Aghaaz Main Hal'ki See Khalish Rakhta Hai
Baad Main Saink'roon Azaar Say Lag Jate Hain"


"Pehlay Pehlay Hawas Ak Aah Dukaan Khulte Hai
Phir TO Bazar K Bazar Lag Jate Hain"


"Bai'basee B Kabi Qurbat K Sabab Banti Hai
Roo Na Paa'ein To Galay Yaar Say Lag Jate Hain"


"Qutar'ne Ghaam Ki Galiyoon Main Jo Oree Phirtee Hen
Ghar Main Lai Aoo To Ambaar Say Lag Jate Hain"


"Daagh Daman K Hon' Dil K Hon' Ya Chahre' K FARAZ
Kuch Nishaan Umer Ki Raftaar Say Lag Jate Hain"
________________________________

Bhoolta Kon Hai

"Bhoolta Kon Hai"

"Waqt K Gha'oo Ko"

"Hijar K Tand'o'Tufan Ki Bai'yaqeen Laher Main
Wasaal K Khuwab Ki Dob'tee Naa'oo Ko
Bhoolta Kon Hai"

"Bhoolta Kon Hai"

"Apne Qateel K Qateel'Kha'Doo'Khaal Ko
Dukh Utha'te Dinoon Or Maa'hoo'Saal Ko
Bhoolta Kon Hai"

"Bhoolta Kon Hai"

"Omeer Ki Shaak Par Kheel'nee Wali Us Aa'wale Shaam Ko
Hum Pee Bai'Sabab Jo Laga Hai''Us Elzaam Ko
Bhoolta Kon Hai"

"Phir Tere Naam Ko
Bhoolta Kon Hai"
________________________________

Ye Thaka Thaka Sa Jo Chaand Hai

"Ye Thaka Thaka Sa Jo Chaand Hai
Ye Tou Khuwab Hai Kisi Aankh Ka"

"Jissy Jaagne Ki Saza Mili
Ye Jo Chand Hai, Ye Azaab Hai"

"Wo Azzab
Jisne Mila Diya Hai Gulaab Lamhoun Ko Khaak Main"


"Ye Jo Chand Hai, Ye Jawaab Hai
Kisi Is Tarha Ke Sawal Ka
Ke Jo Aaj Tak Na Utha Kabhi Kisi Zehan Mai"


"Ye Jo Chand hai
Ye To Baab Hai kisi Dard ka
Kisi Hijr Ka, Kisi Wasl Ka
Kisi Zard Zard Si Fasl Ka"


"Ye Thaka Thaka Sa Jo Chand Hai
Kabhi Ban Pare To Ye Us Se Pooch Ke Dekhna
Issey Gehri Gehri Si Neend Se
Bhala Kisne a Ke Jaga diya?
Issey Rog Kisne Laga diya?"
________________________________

Chaman Ka Haal To Ye Hai K Khaak Urrti Hai

"Chaman ka haal to ye hai k khaak urrti hai
Kidhar sey ho ke bahaaroN ke kaarwaaN guzrey"

"Dayaar-e-yaar ka saara safar anokha tha
Qadam, qadam pe naya dey ke imtehaaN guzrey"

"Saba bhi aai to phooloN ke muNh jhulsa ke gai
YahaaN sey abr bhi barsaa ke bijliyaaN guzrey"

"Kabhi to waar raqeeboN ke de gaey the mazaa
Kabhi to pyar azeezoN ke bhi giraaN guzrey"

"Aey dil sambhal ke kisi ko hisaab deyna hai
Ke zindagaani ke lamhey kahaN kahaN guzrey"
________________________________

Main Mohabbat Hun Mohabbat Karke Dekh

"Main Mohabbat Hun Mohabbat Karke Dekh
Main Mohabbat Na Dun To Kehnaa"

"Main Muskurahat Hun Mujhe Hansa Kerr Dekh
Na Sajun Tere Honton Per To Kehna"

"Taluq torta hun to mukam'mal toor deta hun
Jise main chor deta hun muk'kamal chor deta hun"

"Muhabat ho k nafrat,bhara rehta hun shid'dat se
Jidher se aye yeh derya,udher hi mor deta hun"

"Yqeen rkhta nahin hun main kisi kache taluq pr
Jo dhaga tutne wala ho is ko tor deta hun"

"Mere daikhe hue khwaab lehren na le jaen
Gheronde rait kay tameer kr k chor deta hun"

"Adeem abh tk wohi bachpan,wohi takhreeb kari hai
Qafas ko tor deta hun , prinde chor deta hun"

"Main Khushbu Hun Mujhe Mehsus Karke Dekh
Na Mehkun Teri Zindagi Main To Kehnaa"

"Main Dil Hun Mujhe Sun Kerr Dekh
Na Dharkun Tere Dil Main To Kehnaa"

"Main Phul Hun Mujhe Lagaa Kerr Dekh
Na Mehkun Din Raat To Kehnaa"

"Main Mohabbat Hun Mujhe Apna Karke Dekh
Na Banu Main Teri To Kehnaa"
________________________________

Hum Log Zameen Kay Rehnay Walay

"Hum log zameen kay rehnay walay
Phirty rahay asmaan sambhalay"

"Aay mjhse khitab karny walay
Chehry se naqaab to hata lay"

"Sahir se bicharr gaye musafir
Darya main hain kashtiyon k halay"

"Ik bheed hai dostoon ki laikin
Tanhai ny bun diye hain jalay"

"Hum mujrim e raftaan e shab thy
Tasdeeq na kar saky ujalay"

"Duniya tjhy chortay hain hum bhi
Ja tu bhi ab apna raasta lay"

"Soraj hai zameen pe girnay wala
Mumkin ho to saye ko bacha lay"
________________________________

Kisi Din Meray Ghar Aao

"Kisi Din Meray Ghar Aao "

Meray kamray main baitho

Aur aik aik shay ko ghour say dekho

Bookshelf main pari hooi kitaabain aur diarian

Guldaan main murjahay hooay phool

Daraaz main mojood cassettes

Devaaron par khuday hooay horoof

Aur bister par naqash-e bay qarari

Tum par aayan karay gi


Kay meri aarzoun nay kis tarha tumhaari aarzoo ki


Aur kaisay meray khawaabon nay tumhaaray khawaab dekhay


Agar ho sakay to !!

"Kisi Din Meray Ghar Aao"
________________________________

Chhoota Jo Tera Haath Tou Hum Toot Ke Roye

"Chhoota Jo Tera Haath Tou Hum Toot Ke Roye
Tum Jo Na Rahay Saath Tou Hum Toot Ke Roye"

"Chaahat Ki Taman'na Thi Aur Zakhm Diye Tum Ne
Paayi Jo Yeh Saughaat Tou Hum Toot Ke Roye"

"Imkaan Na Tha Duur Talak Tajdeed-e-Ta'alluq Ka
Dekhay Jo Yeh Haalaat Tou Hum Toot Ke Roye"

"Anjaan Thay Hum Ab Tak Dard Ki Soorat Se
Hui Jo Mulaaqaat Tou Hum Toot Ke Roye"

"Jeeti Thi Sadaa Hum Ne HAr Baazi Teray Saath
Tanha Jo Sahi Maat Tou Hum Toot Ke Roye"

"Logo'n Ne Bahut Poochha Sabab Veraani-e-Dil Ka
Jab Ho Na Saki Baat Tou Hum Toot Ke Roye"

"Thi Dhoop Bahut Taiz Har Simt Judaayi Ki
Barsi Jo Na Barsaat Tou Hum Toot Ke Roye"

"Zad Mein Tha Khizaao'n Ki Ab Ke Dil-e-Barbaad
Bichhrray Jo Shajar-Paat Tou Hum Toot Ke Roye"

"Din Bhar Tou Rahay Chup Keh Duniya Ki Nazar Thi
Bheegi Jo Siaah Raat Tou Hum Toot Ke Roye"

"Samjha Tha Sadaa Tujh Ko Apna He Koi Hissa
Tukrro'n Mein Bati Zaat Tou Hum Toot Ke Roye"

"Hum Kartay Rahay Aaj Talak 'Uss Chaand' Ki Khwahish
Yaad Aayi Jo Auqaat Tou Hum Toot Ke Roye"
________________________________

Wo Mujse Beysabab Uljha Nahi Tha

"Wo Mujse Beysabab Uljha Nahi Tha
Wo Pehle To kabhi Aisa Nahi Tha"


"Bohat Aala Tha Us Ka Zarf Lakin
Wo Meri Zaat Ko Samja Nahi Tha"


"Wo Jitni Berukhi Se Chal Dia Tha
Mai Itna Bhi Gaya Guzra Nahi Tha"


"Usay Mai Kyun Bura Thehraon
Wo Acha Tha Faqat Mera Nhi tha"
________________________________

Ijz_E_ Khaksaari Kyun Fakhr_E_Kajkulahi kya

"Ijz e khaksaari kyun fakhr e kajkulahi kya
Jab mohabbatain ki hai phir koi gawahi kua

"Hum rutooN k mujrim hain per hawa ki nazroon main
Teri parsai kya meri be-gunahi kya"

"Wasl ka koi lamha raiygaaN nahin laikin
Jo alag na karta ho aisa rastaa hi kya"

"Tum to aankh walay thay aks mil gaya hoga
Main sada ka be-chehra mera aaina hi kya"

"Shab guzeedah logoN ko neend se ulajhna hai
Raat ki musafat main razme subh gahi kya"

"Janay kab bigar jaiN janay kab sanwar jaiN
Dast e kozah gar main hain apna aasraa hi kya"

"Tum Saleem shair ho shoratooN pe mat jao
Masnade faqeeri per khabt e baadshahi kya"
________________________________

Tu Wafa kar Wafa ka Sila Jane Khuda Jane

"Tu Wafa kar Wafa ka Sila Jane Khuda Jane
Tum Diya Jalate Rehna Hawa Jane Khuda Jane"

"Khizaan Ka Khoof Mali ko Buzdil nai kar Sakta
Chaman Abaad Rakh Baad-e-Saba jane Khuda jane"

"Mareez-e-Ishq Dawa-e-Dil Samjha Dilbar ko
Marz Jane Dawa Jane Shifa Jane Khuda Jane"
________________________________

Wo Dilawar Jo Siyah Shab K Shikari Nikle

"Wo dilawar jo siah shab k shikari nikle
Wo b charhte hue sooraj k poojari nikle"

"Sab K hontoon pe mere baad hain batein meri
Mere dushman mere lafzon k bhikari nikle"

"Ik janaza utha maqtal se ajab shaan k sath
Jese saj kar kisi fateh ki sawari nikle"

"Behte ashkon se shuaoon ki sabelein photen
Chubhte zakhmon se fan-e-naqsh nigari nikle"

"Hum ko har doar ki gardish ne salami di hai
Hum wo pathar hain jo har doar main bhari nikle"

"Aks koi ho khad-o-khaal tumhare dekhon
Bazm koi ho magar baat tumhari nikle"

"Apne Dushman se main be-waja khafa tha
Mere qatil to mere apne hawari nikle"
________________________________

Read More..

Read More

Woh Boli Dil Ko Koi Beyaqeeni

Woh Boli Dil Ko Koi Be-Yakeeni Hai Mohabbat Mein


"Woh Boli Dil Ko Koi Be-Yakeeni Hai Mohabbat Mein
Main Bola Theek Hai Per Ishq To Imaan Hota Hai"

"Woh Boli Aarzuein Dil Ki Andar Bain Karti Hain
Main Bola Theek Hai Mujh Ko Sunayi Deti Hain"

"Woh Boli Hum To Jaise Eik Musalsal Dukh Ke Qaidi Hain
Main Bola Theek Hai Yeh Zindagi Dukh Ka Tasalsul Hai"

"Woh Boli Koi Shab To Khwab Mein Bhi Khwab Aatey Hain
Main Bola Theek Hai Kuch Hasratein Aisey Bhi Karti Hain"

"Woh Boli Baarishon Mein Aur Zyada Jaan Sulagti Hai
Main Bola Theek Hai Yeh Aag Paani Ke Masaail Hain"

"Woh Boli Raat Kyun Mushkil Sey Kat'ti Hai Judai Mein
Main Bola Waqt To Kaifiyatoon Ka Naam Hota Hai"

"Woh Boli Chahaton Mein Dard Ke Rehne Ki Khwahish Kyun
Main Bola Dard Ke Maarey Huvon Ko Chain Milta Hai"

"Woh Boli Rooh Ki Aasodgi Ko Kya Zaroori Hai
Main Bola Rooh Ko Aalodgi Achi Nahin Lagti"

"Woh Boli Chand Ki Aur Chandni Ki Kya Kahani Hai
Main Bola Aadam-o-Hawa ki Chahat Ki Nishaani Hai"

"Woh Boli Be-Saropa Khwahishein Beimar Rakhti Hain
Main Bola Aadmi Andar Ke Baton Se Nikla Hai"

"Woh Boli Door Reh Ker Dard Barh Jata Hai Seene Mein
Main Bola Qurbatein Bhi Hijar Ke Khudshe Barhaati Hain"

"Woh Boli Shaam Hotey Hi Udaasi Phail Jaati Hai
Main Bola Raat Bhi To Aansuon Sey Ishq Karti Hai"

"Woh Boli Zindagi Mein Tu Nahi To Zindagi Kab Hai
Main Bola Har Taraf Ik La-Ubali Maut Haawi Hai"

"Woh Boli Ishq Ka Apna Ilehda Rang Hota Hai
Main Bola Rang Ka Apna Ilehda Ishq Hota HAi"

"Woh Boli Dil Ko Koi Be-Wajah Sa Khauf Rehta Hai
Main Bola Ishq To Be-Baak Logon Ka Hi Shewa Hai"

"Mohabbat Eik Pal Bhi Sukh Nahi Deti Kaha Us Ne
Kaha MAin Ne Mohabbat Ke Ilawa Kaun Sa Sukh Hai"

"Mohabbat Shehar Bhar Mein Goonj Jaati Hai Kaha Us Ne
Kaha Main Ne Mohabbat Ke Cchupa Rehne Ki Khwaish Kyun"

"Mohabbat Chup Nahi Rehti Kisi Pal Bhi Kaha Us Nay
Kaha Main Ney Mohabbat Bin To Kayinaat Goongi Hai"

"Mohabbat Zehan Ka Ik Khaas Aalim Hai Kaha Us Ney
Kaha Main Ney Mohabbat Rooh Ki Dehleez Hoti Hai"

"Mohabbat Be-Sabab Tarpaye Rakhti Hai Kaha Us Ney
Kaha Main Ney K Yeh Asbaab Kya Shai Hain Mohabbat Mein"

"Woh Kehti Hai Sitaarey Aansuon Mein Kyun Chamakte Hain
Main Kehta Hoon Mohabbat Roshni Mein Rang Bharti Hai"

"Woh Kehti Hai Hawa K Haath Mein Kya Kya Nahi Aata
Main Kehta Hoon Jo Dehleezon Ke Andar Dafan Hota Hai"

"Woh Kehti Hai Zmaaney Ko Dilon Sey Ranj Kyunkar Hai
Main Kehta Hoon Yeh K Aazaar To Sadiyon Ki Qismat Hain"

"Woh Kehti Hai Tumhaare Baad Kyun Baarish Nahi Hoti
Main Kehta Hoon Meri Jaan Hijar Sehraon Mein Rehta Hai"

"Woh Kehti Hai Ke Khushiyon Mein Bhi Tum To Rone Lagte Ho
Main Kehta Hoon Meri Aankhon Ko Sawan Acha Lagta Hai"

"Woh Boli Tum Bhi Zindagi Se Rooth Jao Ge Farhat
Main Bola Han Shayed Maut Mujh Se Maan Jaye Gi"

"Woh Boli Tum Khushi Ke Geet Ko Mayoos Kartey Ho
Main Bola Kya Karoon In Mukhtasar Geeton Ka Mausam Hai"

"Woh Boli Tum To Khud Hi Khud Sey Haar Jaatey Ho
Main Bola Kya Karoon Kamzor Hoon Aur Be-Sahara Hoon"

"Woh Boli Kya Yeh Sab Kuch Itefaqan Hai Tumharay Gham
Main Bola Yeh Bhi Mumkin Hai Yeh Sab Kch Ehtaraman Ho"

"Wo Bol Mohabbat Mein Ghamon Ki Is Kadar Yalghar Kyun ?
Main Bola Tum Kisi Din Yeh To Apne Aap Se Poocho"

"Woh Kehti Hai  Suno ! Tumhara Khwab Kyun Toota
Main Kehta Hoon K Dil Mein Koi Kheench Parti Thi"

"Tumhari Shairy Mein Zindagi Ki Siskiyan Kyun Hain
Main Bola Aansuon Ki Ibtadayi Shakal Joh Thehri"

"Woh Kehti Hai Ke Main Kuch Muztarib Si Hoon
Main Kehta Hoon Tum To Meri Rooh Jaisi Ho"

"Woh Kehti Hai Tumein Kyun Khauf Aata Hai Hawaon Se
Main Kehta Hoon Deep To Aisey Hi Hote Hain"

"Woh Kehti Hai Chalo ! Hawa K Saath Chaltey Hain
Main Khamoshi Sey Us K Saath Chal Deta Hoon Bujhne Ko"

"Woh Mujh Se Poochti Hai Tum Kahan Gayab Ho Sadiyon Sey
Main Kehta Hoon Hazaron Waswason K Darmiyaan Gum Hoon"

"Woh Mujh Sey Poochti Hai Raat Ki Bechainiyan Kya Hain
Main Kehta Hoon Wohi Jo Dooriyon K Dil Mein Hoti Hain"

"Woh Mujh Sey Poochti Hai Khauf Ka Doraniya Kya Hai
Main Kehta Hoon Jo Dil Aur Gham Ka Hota Hai Museebat Mein"

"Woh Mujh Sey Poochti Hai Badlon Ki Umar Kitni Hai
Main Kehta Hoon Tamazat K Mutabiq Paniyon K Waqt Jitni Hai"

"Woh Mujhsey Poochti Hai Raat Itni Be-zuban Kyun Hai
Main Kehta Hoon Zuban To Dard Ki Shiddat Sey Hoti Hai"

"Woh Kehti Hai Yeh Khamoshi Bhi Kuch To Sochti Hogi
Main Kehta Hoon Wohi Jo Ghuftugo Ki Bheerr Mein Kho Jaye"

"Woh Kehti Hai K Kuch Dinon Sey Boltey Kam Ho
Main Kehta Hoon Kayi Dukh Bolney Sey Rok Detey Hain"

"Woh Kehti Hai Mujhey Yeh Soch Kr Batla Main Kaisi Hoon
Main Kehta Hoon! Sochne Mein Waqt Lagta Hai________
Main Kehta Hoon Tumhein Darya Kinarey Kaisey Lagtey Hein?
Woh Kehti Hai Tumhein Bicharey Saharey Kaisey Lagtey Hein?
Main Kehta Hoon Mujhey Tum Hansti Gaati Achi Lagti Ho"

"Woh Boli Raat Sey Kya Baat Kartey Ho Akeley Mein
Main Bola Dard Ki, Kuch Kuch Mohabbat Ki Judai Ki"

"Woh Boli Chand Kya Aata Hai Tum Sey Chonchlein Karney
Main Bola Haan Kabhi Sapnon K Aangan Mein Utarta Hai"

"Woh Boli Kaun Aksar Yaad Aata Hai Udaasi Mein
Main Bola Kuch Puraane Raaste, Bachpan, Aur Ik Larki"

"Woh Boli Dard Ki Lazzat Mein Parney Sey Kya Hasil
Main Bola Dard Ko Khush Khush Sahein Aur Kooch Kar Jayein"

"Woh Boli Zindagi To Daairon K Phailney Sey Hai
Main Bola Maut Bhi Ik Daaiira Hai Door Tak Phaila"

"Woh Boli Rooh K Andar Kahin Pr Aag Jalti Hai
Main Bola Haan Dhuan Main Ney Bhi Dekha Hai Nigahon Mein"

"Woh Boli Ik Dahekta Shor Sharyanon Mein Behta Hai
Main Bola Haan Badan Pr Aabley Maine Bhi Dekhein Hain"

"Woh Boli Saans Pr Bhi Dard K Korhay Barastey Hein
Main Bola Haan Lahoo Pr Neel To Mainey Bhi Dekhein Hain"

"Woh Boli Zaat Ki Teh Mein Na Jaaney Kya Niihaan Hoga
Main Bola Jism Pr Ubhri Waredon Sey Bhi Zahir Hai"

"Woh Boli Dag Zada Jeevan Chupati Phir Rahi Hoon
Main Bola Nakhanon Ki Zardiyon Ney Kr Diya Aryan"

"Woh Kehti Hai Teri Jaibon Mein Itney Khwab Kyunkar Hain
Main Kehta Hoon K Duniya Mein Mujhey Zinda Bhi Rehna Hai"

"Woh Kehti Hai Terey Kalar Pey Mitti Ka Nishaan Kaisey
Main Kehta Hoon K Majboori Alamat Chor Jati Hai"

"Woh Kehti Hai Teri Aawaz Mein Masoomiyat Si Hai
Main Kehta Hoon K Yeh Mazloomiyat K Baad Aati Hai"

"Woh Kehti Hai Tere Chehre Pey Karb-E-Be-Karsan Kaisa
Main Bola Dil Ney Chehrey Pr Zra Sa Rang Chora Hai"

"Woh Kehti Hai Terey Haathon Pey Zakhmon K Manazir Kyun
Main Kehta Hoon K Kuch Zevar Barey Anmol Hote Hain"

"Woh Boli Umar Beeti Koi Bhi Milne Nahi Aaya
Main Bola Umar Sey Poocho K Aakhir Umar Kyun Beeti"

"Woh Boli Husan Dhalney K Liye Hota Hai Lagta Hai
Main Bola Hussan Hun, Ya Bakht Ho, Ya Chand Sooraj Hun"

"Woh Boli Ab To Zulfon Mein Bhi Chandi Si Sarak Aayi Hai
Main Bola Rooh Tak Main Bhi Daraarhein Parr Gayi Hongi"

"Woh Boli Haath Dekho Be-Iradah Hi Larazte Hain
Main Bola Haath Dikhlao To Phir Dekho Bhi Himmat Sey"

"Woh Boli Zindagi Ka Aakhri Kirdaar Hairat Hai
Main Bola Maut Se Pehle Koi Ghar Baar Hairat Hai"

"Woh Mujh Sey Poochti Hai Badalon Ko Kab Bulao Gey
Main Kehta Hoon Tumhein Jab Dhoop Ka Mausam Sataye Ga"

"Woh Mujh Sey Poochti Hai Panchiyon Sey Aashnaayi Hai?
Main Kehta Hoon K Ashkon Ki Qitaron Sey Bhi Waqif Hoon"

"Woh Mujh Sey Poochti Hai Shehar Ki Buniyaad Mein Kya Hai
Main Kehta Hoon Kisi Jangal Ka Qatal_E_Aaam Hai Shayed"

"Woh Mujh Sey Poochti Hai Tum Samandar Mein Kabhi Utrey
Main Bola Ik Samandar Doosre Mein Kis Liye Utrey"

"Woh Kehti Hai Mujhey Mayoosiyan Rasta Nahi Deti
Main Kehta Hoon K Yeh Mayoosiyan Taqat Bhi Hoti Hain"

"Woh Kehti Hai Bohat Tanha Hoon Main Is Poori Duniya Mein
Main Kehta Hoon K Yeh Ehsaas To Ho Ga KHUDA Ko Bhi"

"Woh Kehti Hai K Mujh Pr Shehar K Wehshi Lapaktey Hain
Main Kehta Hoon K Tum Kirdaar Ko Seena-Sapar Kr Lo"

"Woh Kehti Hai Hajoom-E-Badrosh Sey Khauf Aata Hai
Main Kehta Hoon Mujhey Ujri Hui Galiyan Darati Hain"

"Woh Kehti Hai Mujhe Be-Hiss Zamaaney Sey Shikayat Hai
Main Kehta Hoon K Yeh Shikway Shikayat Rayigaan Hai Sab"

"Woh Boli Tum Kahan Gayab Rehtey Ho Raaton Ko
Main Bola Main To Bas Aawara Phirta Hoon Udaasi Mein"

"Woh Boli Phone Bhi Aksar Bohat Engage Rakhtey Ho
Main Bola Be-Saropa Ghantiyon Sey Khauf Aata Hai"

"Woh Boli Tum Bohat Kanjoos Ho Khat Bhi Nahi Likhtey
Main Bola Khat Likhoon To Shaairi Naraaz Hoti Hai"

"Woh Boli Tum Kabhi Milney Chaley Aao Jo Mumkin Ho
Main Bola Yeh To Tum Ney Merey Dil Ki Baat Keh Di Hai"

"Woh Boli Aaj Mausam Mein Ajab Si Khushgawari Hai
Main Bola Haan Yeh Mausam Pyaar Sey Milne Ka Mausam Hai"

"Woh Kehti Hai K Ab Aawargi Sey Kuch Nahi Haasil
Mujhe Hairat Hai Yeh Sab Kuch Woh Mujh Pagal Sey Kehti Hai"

"Woh Kehti Hai Hawa To Baanjh Pan Taqseem Karti Hai
Main Kehta Hoon Magar Dharti Hawa K Bas Sey Bahir Hai"

"Woh Kehti Hai Shabein Dhokey Mein Rakhti Hain Hamesha Hi
Main Kehta Hoon Kahin Yeh To Nahi Dhoka Dinon Mein Ho"

"Woh Kehti Hai Mujhey To Zindagi Sey Eik Shikwa Hai
Hamesha Sailon Ko Maut K Saye Mein Rakhti Hai"

"Woh Kehti Hai KHUDA Milta To Us Sey Baat Karti Main
Main Kehta Hoon Magar Main To Khamoshi Bant'ta Rehta Hun"

"Woh Kehti Hai K Be-Zrar Rehna Nahi Acha
Main Kehta Hoon Kayi Achaiyan Bas Mein Nahi Hoteen"

"Woh Kehti Hai Meri Yaadon SeyKyunkar Door Rehtey Ho
Main Kehta Hoon Teri Parchaiyan Bas Mein Nahi Hoteen"

"Woh Kehti Hai Tumhari Kuch Dua Bhi To Koi Ho Gi
Main Kehta Hoon Jahan Tum Ho Yeh Raatein Bhi Wahin Hoteen"

"Ajab Ik Ma'noiyat Si Palat Aati Nazaron Mein
Tumhein Hum Dekhtey Bhi Aur Baatein Bhi Wahin Hoteen"

"Sitaarey Dekhney Aatey Mujhey Teri Mohabbat Mein
Woh Kehti Hai Sitaare Aur Sapne Jhoot Hotey Hain"

"Woh Kehti Hai K Ab Roun To Aansoo Chubhney Lagtey Hain
Main Kehta Hoon Kisi Shayar Sey Aankhein Maang Sakti Ho"

"Woh Boli Aas Ki Faslein Kayi Beeimar Hain Dil Mein
Main Bola Jis Tarah Mumkin Ho Sawan Ko Bula Lao"

"Woh Boli Main Adhoorey Qaidiyon Ki Saf Mein Shamil Hoon
Main Bola Is Ka Matlab Hai K Aazadi Nahi Mumkin"

"Woh Boli Kuch Likhoon To Ungliyon Sey Khoon Rasta Hai
Main Bola Main To Aisey Mein Bhi Apney Dil Sey Likhta Hoon"

"Woh Boli Dard Ney Asaab Ko Murda Bana Daala
Main Bola Ishq Ki Bechainiyon Sey Zindagi Kr Lo"

"Woh Kehti Hai Agar Sab Raastey Maswa Ho Jayein
Main Kehta Hoon To Phri Aap Tak Mehdood Ho Jayein"

"Woh Kehti Hai Agar Be-Chainiyan Be-Sod Ho Jayein
Main Kehta Hoon Fana Fi Alnar Hasat O Bod Ho Jayein"

"Woh Kehti Hai Agar Veraniyan Rastey Mein Aa Jayein
Main Kehta Hoon Hazaron Gham Bohat Sastey Mein Aa Jayein"

"Woh Kehti Hai Tumhein Takhti Pey Apney Harf Likh Doon To
Main Kehta Hoon Teri Baatein Merey Bastay Mein Aa Jayein"

"Woh Kehti Hai Balayein Jab Bhi Mera Naam Leti Hain
Main Kehta Hoon Tujhey Meri Duayein Thaam Leti Hain"

"Woh Mujh Sey Poochti Hai Mujh Sey Baatein Kyun Nahi Kartey
Main Kehta Hoon Abhi To Dekhney Ki Manzilon Per Hoon"

"Woh Mujh Sey Poochti Hai Shaam Kya Veraan Hoti Hai
Main Kehta Hoon K Yeh To Hijar Ki Pehchaan Hoti Hai"

"Woh Mujh Sey Poochti Hai Ratjagon Ka Rang Kaisa Hai
Main Kehta Hoon K Jaise Jaagney Waley Ki Aankhon Ka"

"Woh Mujh Sey Poochti Hai Hijar Ki Qismein Bhi Hoti Hain
Main Kehta Hoon Jitney Wasl Utney Hi Hijar Hote Hain"

"Woh Mujh Sey Poochti Hai Pyaar Ka Matlab Batao Gey
Main Kehta Hoon K Har Ik Baat Ka Matlab Nahi Hota"

"Woh Boli Raastey Mein Dard K Kitney Sumandar Hain
Main Bola Aahkri Jo Zabt Sey Bahir Nikal Aaye"

"Woh Boli Ab To Mujh Mein Zabt Ka Yara Nahi Baaqi
Main Bola Doobney Ko Phir To Tum Tayar Ho jao"

"Woh Boli Kayinaatein Is Qadar Simti Hui Hain Kyun
Main Bola Is Qadar Wasa't Kahan Sey Aayi Hai Tum Mein"

"Woh Boli Be_Saropa Zindagi Sey Kya Hua Hasil
Main Bola Kuch Bhi Ho, Kuch Bhi Na Ho,Aakhir Ajal To Hai"

"Mohabbat Mein Safar Kitna Zaroori Hai Woh Kehti Hai?
Main Kehta Hoon Mohabbat Mein Kahin Thehra Nahi Jaata"

"Woh Mujh Sey Poochti Hai Aashiyaney Jal Gay Hon Gey
Main Kehta Hoon K Shayed Itefaqan Bach Gaye Ho Gey"

"Woh Mujh Sey Poochti Hai Aaj Phir Goli Chali Ho Gi
Main Kehta Hoon K Han Kuch Mayatein Ayi Hain Basti Mein"

"Woh Mujh Sey Poochti Hai Aaj Bhi Kuch Bomb Phattey Ho Gey
Main Kehta Hoon Koi Kehraam To Barpa Tha Sarhkon Per"

"Woh Mujh Sey Poochti Hai Phir Adalat Mar Gayi Ho Gi
Main Kehta Hoon K Mujrim To Bazaat_E_Khud Hi Munsif Hain"

"Woh Mujh Sey Poochti Hai Baadshah-E-Waqt Kaisa Hai
Main Kehta Hoon Bohat Mutema'in Rehta Hai Bechara"

"Woh Kehti Hai Hawayein Raat Sey Aangan Mein Bethi Hain
Main Kehta Hoon Ghutan Apna Asar Dikhla K Chorey Gi"

"Woh Kehti Hai Khamoshi Farsh Per Saye Banati Hai
Mein Kehta Hoon Udaasi Weham Banti Ja Rahi Ho Gi"

"Woh Kehti Hai K Parchaiyaan Bhi Ab Humzaad Lagti Hai
Main Kehta Hoon K Tanhai NeyPagal Ker Diya Ho Ga"

"Woh Kehti Hai Meri Chat Per Hayoley Raqs Kartey Hain
Main Kehta Hoon K Yeh To WasWaso'on Ney Bheis Badla Hai"

"Woh Kehti Hai Koi Rota Hai Galiyon K Andheron Mein
Main Kehta Hoon Judai Phir Rahi Ho Gi Museebat Mein"

"Woh Mujh Sey Poochti Hai Kya Hai Kuch Hairaan Lagtey Ho
Main Kehta Hoon K Khud Ko Khwab Mein Hai Mutmayin Dekha"

"Woh Mujh Sey Poochti Hai Kya Hai Itney Mutma'in Kyun Ho
Main Kehta Hoon K Khud Ko Khwab Mein Hairaan Dekha Hai"

"Woh Mujh Sey Poochti Hai Muztarab Sey Lag Rahey Ho Kuch
Main Kehta Hoon K Dil Mein Ishq Ka Mehmaan Dekha Hai"

"Woh Mujh Sey Poochti Hai Kya Hai Kuch Pareshan Lagtay Ho
Main Kehta Hoon K Saarey Shehar Ko Veraan Dekha Hai"

"Woh Mujh Se Poochti Hai Badshagooni Ka Sabab Kya Hai
Main Us Sey Poochta Hoon Zindagaani Ka Adab Kya Hai"

"Woh Boli Aa Tujhey Main Raakh Ki Taseer Batlaon
Main Bola Raakh Ko Kya Raakh K Baarey Batao Gi"

"Woh Boli Aa Tujhey Main Dasht K Ma'ni Batati Hoon
Main Bola Aa Tujhe Apney Dil Mein Ley K Chalta Hoon"

"Woh Boli Aa Tujhey Main Zindagi Ki Fikar Samjhaon
Main Bola Maut K Maare Hue Ko Khoob Samjhao"

"Woh Boli Aa Tujhey Main Hijar Ka Mara Dikhati Hoon
Main Bola Haan Mujhey Tum Ley Chalo Merey Hi Kamrey Mein"

"Woh Kehti Hai Ghubaar-E-Waqt Mein Dhundla Gaya Jeevan
Main Kehta Hoon Palat Ker Dekhna Takleef Deta Hai"

"Woh Kehti Hai K Tum Mujh Ko Pukara Hi Nahi Kartey
Main Bola Kya Karoon Koi Gawara Hi Nahi Karta"

"Woh Mujh Sey Poochti Hai Kya Mujhey Tum Yaad Kartey Ho
Main Kehta Hoon K Jaan-E-Mann Tumhein Main Bhoolta Kab Hoon"

"Woh Kehti Hai K Ab To Rayigaan Lagta Hai Sara Kuch
Main Kehta Hoon Mujhey To Rayigaani Ka Bohat Dhoka Hai"

"Woh Kehti Hai Tamanayein Salamat Hi Nahi Ab To
Main Kehta Hoon K Jeevan Mein Yeh Thehrao Bhi Aata Hai"

"Woh Mujh Sey Poochti Hai Shorq-E-Chashm-E-Tamasha Kya Hai
Main Kehta Hoon K Yeh To Shorq-E-Alam Ka Hissa Hai"

"Woh Mujh Sey Poochti Hai Baiat-E-Sultaan-E-Gham Kyunkar
Main Kehta Hoon K Yeh Aadab Hain Rasm-E-Mohabbat K"

"Woh Mujh Sey Poochti Hai Jabar Per Sabar-E-Musalsal Kyun
Main Kehta Hoon K Jab Tak Jang Ki Soorat Nahi Milti"

"Woh Mujh Sey Poochti Hai Alam-E-Baala Kahan Per Hai
Main Kehta Hoon Hamari Fikar Ki Baalaayi Manzil Per"

"Woh Mujh Sey Poochti Hai Sab Qayam-O-Nazam Kaisey Hain
Main Kehta Hoon Koi To Hai Jisey Sab Theek Rakhna Hai"

"Woh Kehti Hai Main Rizq-E-Khaak Be-Ma'ni Hoon Duniya Mein
Main Kehta Hoon K Yeh Saara Nizaam-E-Aaadmiyat Hai"

"Woh Kehti Hai Main Ajz-E-Fitrat-E-Konain Hoon Jaanaan
Main Kehta Hoon Mujhey Maloom Hai Ay Azmat-E-Khaaki"

"Woh Kehti Hai Main Khwab-E-Noor-E-Baatin Hoon Sahifoon Mein
Main Kehta Hoon Kisey Inkaar Hai Ay Khwaish-E-Yazdan"

"Woh Kehti Hai Main Husn-E-Narmi-E-Ehsaas Hoon
Main Kehta Hoon K Main To Khud Gawah-E-Lams-E-Shabnam Hoon"

"Woh Kehti Hai K Main Khushboo-E-Itr-E-Surkhi-E-Subah Hoon
 Hawas Khamsa Aaalam Mujhey Mehsoos Kartey Hain"

"Woh Boli Main Aseer-E-Hijrat Hoon Zamaanon Sey
Main Bola Be-Thikana Pan To Sadiyon Ka Asasa Hai"

"Woh Boli Main Gul-E-Shaakh-E-Gham-E-Tanhai Hoon
Main Bola Main Mazar-E-Hijar Hoon Wehshat K Narghey Mein"

"Woh Boli Main Mata-E-Ghair Hoon Terey Liye
Main Bola Han Yeh Sadiyon Sey Mohabbat Ka Vateera Hai"

"Woh Boli Main Dar-E-Iwaan-E-Hairan Hoon Zamaney Mein
Main Bola Main Musaafir Hoon, Main Bola Main Musaafir Hoon"

"Woh Boli Main Husn-E-Taloo-E-Aaftaab Ka Manzar
Main Bola Han Agar Main Chashm-E-Beinaaye Tamanna Hoon"

"Woh Kehti Hai Andherey Raaston Sey Khauf Aata Hai
Main Kehta Hoon Abhi To Qabar Bhi Aani Hai Rastey Mein"

"Woh Kehti Hai Zamaney Ka Rawaiya Dil Mein Chubhta Hai
Main Kehta Hoon K Achi Baat Hai Tum Mukhtalif To Ho"

"Woh Kehti Hai K Jaanay Kyun Khamoshi Bhi Khatakti Hai
Main Kehta Hoon K Mumkin Hai Tumhein Kehna Ho Kuch Us Ney"

"Woh Kehti Hai Sumandar Sa Koi Rehta Hai Aankhon Mein
Main Kehta Hoon Kabhi Merey Bhi Dil Mein Jhaank Kar Dekho"

"Woh Kehti Hai Mujhe Sahil Sey Nafrat Hai Museebat Mein
Main Kehta Hoon K Yeh To Buzdali Hai Rayigaani Ki"

"Woh Boli Baarishon Sey Mustaqil Jhagrey Sey Kaya Haasil
Main Bola Baarishon Sey Har Ta'luq Teri Khaatir Hai"

"Woh Boli Main Majboor Hoon Jeevan K Changal Mein
Main Us K Jhoot Per Bola, Khuda Ka Reham Ho Tum Per"

"Woh Boli Ishq Hai To Ishq Mein Milna Milaana Kaya
Main Bola Ishq Ka Apna Nizaam-E-Wasl Hota Hai"

"Woh Boli Dooriyan To Kuch Mohabbat Kam Nahi Karti
Main Bola Han Magar Milney Ki Khwahish Ko Barhaati Hain"

"Woh Boli Saath Bandh Jaaney Sey Behtar Hai BicChar Jaayein
Main Us Ki Baat Per Dukh Sey Hansa Aur Kuch Nahi Bola"

"Woh Kehti Hai Safar Mein Kyun Sitaarey Saath Chaltey Hain
Main Bola Jis Tarah Darya Kinaarey Saath Chaltey Hain"

"Woh Mujh Sey Poochti Hai, Chand Ki Basti Kahan Per Hai
Main Us Ki Baat Per Us Ehad Mein Hairaan Hota Hoon"

"Woh Mujh Sey Poochti Hai, Kaun Sooraj Mein Sulagta Hai
Woh Mujh Sey Poochti Hai, Aur Dil Ko Thaam Leti Hai"

"Woh Mujh Sey Poochti Hai, Rooh Ki Larzish K Baarey Mein
Main Kehta Hoon K Yeh To Be-Qarari Raqas Karti Hai"

"Woh Mujh Sey Poochti Hai, Almiya Kya Cheez Hoti Hai
Main Kehta Hoon, Mohabbat Aur Nafrat Zindagi Aur Maut Hai Shayed"

"Woh Boli Sawanon Mein Ab Woh Pehley Rang Kam Kam Hain
Main Bola Ab Piya Bhi To Sukhi K Sang Kam Kam Hain"

"Woh Boli Nain Kuch Kehtey Hue Aksar Jhijhakte Hain
Main Bola Dil Mein Bethey Chor Ko Rasta Nahi Milta"

"Woh Kehti Hai K Jhanjhar Ab Tumhein Mayil Nahi Karti
Main Kehta Hoon Tumhein Ab Zindagi Qayil Nahi Karti"

"Woh Kehti Hai K Peeley Phool Bhi Khushboo Nahi Detey
Main Kehta Hoon, Judai Theek Sey Chubhti Nahi Dil Mein"

"Wo Kehti Hai Mohabbat Haadson Ko Kheench Laati Hai
Main Kehta Hoon Mohabbat Mo'jzon Ko Shakal Deti Hai"

"Woh Kehti Hai Hawayein Pairh Sey Manoos Hoti Hain
Main Kehta Hoon K Un K Darmiyan Rishta Purana Hai"

"Woh Kehti Hai Sadayein Parbaton Sey Laut Aati Hain
Main Kehta Hoon Un Ko Un Se Tukrana Nahi Aata"

"Woh Kehti Hai Fizayein Husn Sey Aabaad Rehti Hain
Main Kehta Hoon Agar Is Husn Ki Taqdees Baaqi Ho"

"Woh Kehti Hai Wafayein Shehar Sey Be_Zaar Kyunkar Hain
Main Kehta Hoon K Itne Chup Dar-O-Deewar Kyunkar Hain"

"Woh Kehti Hai Ghatayein Dasht K Is Paar Kyunkar Hain
Main Kehta Hoon K Yeh To Pyaas Ki Apni Karamat Hai"

"Woh Boli Aasmanon Ki Taraf Nazrein Nahi Uth'ti
Main Kehta Hoon K Shayed Bojh Parta Hai Nigahon Per"

"Woh Kehti Hai Zameen Pairon K Neechey Sard Kyunkar Hai
Main Kehta Hoon Zameen Hum Sey Bohat Naraz Rehti Hai"

"Kaha Us Ney Meri Itraaf Mujh Ko Qaid Rakhti Hain
Kaha Main Ney K In Itraaf Sey Bahir Nahi Kuch Bhi"

"Kaha Us Ney Darakht Apni Jarhon Sey Piyar Kartey Hain
Kaha Main Ney Jarhein Ik Roz In Ko Mar Deti Hain"

"Kaha Us Ne Khuda Achey Burey Ki Baat Sunta Hai
Kaha Main Ne, Usey Aawaz Ki Pehchaan Aati Hai"

"Woh Boli Main Chehaktey Badalon Ki Gungunahat Hoon
Main Bola Tum Mehakte Motiya Ki Muskurahat Ho"

"Woh Boli Main Suhaaney Mausamon K Geet Jaisi Hoon
Main Bola Tum Haseen Dehatiyon Ki Pareet Jaisi Ho"

"Woh Boli Main Chamakti Chaandni K Rang Jaisi Hoon
Main Bola Tum Mohabbat K Puraney Dhang Jaisi Ho"

"Woh Boli Main Lehakti Wadiyon Ki Khushbu Jaisi Hun
Main Bola Qaaf Ki Shehzadiyon Ki Khushbu Jaisi Ho"

"Woh Boli Main Sumandar Paar Janat Sey Aayi Hoon
Main Bola Main Tumhaarey Khaas Istaqbaal Ko Aaya"

"Woh Kehti Hai K Mujh Sey Titliyan Bhi Pyaar Karti Hain
Main Kehta Hoon Unhein Tum Baagh K Phooloon Si Lagti Ho"

"Woh Kehti Hai Mujhey Jugnoo Bhi Chooney K Liye Aayein
Main Kehta Hoon Tumhein Woh Chand Ki Mehmaan Samajhtey Hain"

"Woh Kehti Hai Meri Aawaz Ko Gunbad Tarastey Hain
Main Kehta Hoon Tumhari Baazgusht Toh Mehrbaan Chaahein"

"Woh Kehti Hain Main Hans Doon To Fizaayein Raqs Kar Uthein
Main Kehta Hoon Tou Ro Dey To Ghatayein Raqs Kar Uthein"

"Woh Kehti Hai Parindey Pyar Sey Mujh Ko Bulatey Hain
Main Kehta Hoon Shajar Aksar Terey Qissey Sunatey Hain"

"Woh Boli Dard Aksar Raat Ko Soya Nahi Karta
Main Bola Is Tarah To Koi Bhi Roya Nahi Karta"

"Woh Boli Hum To Ik Shaam-E-Ghareeban Ghar Mein Rakhtey Hain
Main Bola Karbala Waalon Sey Kuch Nisbat Theharti Hai"

"Woh Boli Dil Ki Veraani K Saye Cheekh Uth'tey Hain
Main Bola Raat K Pichley Pehar Ik Jashan Hota Hai"

"Woh Boli Dard Sey Aksar Koi Aawaz Aati Hai
Main Us Sey Poochta Hoon, Kaun Bichra Hai Jawani Mein"

"Woh Boli Eik Deewar-E-Ana Hayil Rahi Ab Tak
Main Bola Ab Talak Nuqsaan Bhi To Ho Chuka Kaafi"

"Woh Boli Raat K Maathey Pey Teeka Hai Suhagan Sa
Main Bola Han Yeh Peshani Anokhi Hai Zamaney Mein"

"Woh Boli Har Taraf Jangal Mein Ik Pazeib Bajti Hai
Main Bola Har Taraf Chanchal Hawa Phirti Hai Bhagi Si"

"Woh Boli Sardiyon Mein Dhoop Ki Hiddat Kabhi Dekhi
Main Bola Tum Ney Merey Lams Ki Shiddat Kabhi Dekhi"

"Woh Boli Baarishon Mein Shehar Dhul Jata Hai Lamhon Mein
Main Bola Han Magar Aankhein Bohat Thak Jaya Karti Hain"

"Woh Boli Garmiyon Mein Pairh Ki Cchaon Bulaati Hai
Main Bola Garmiyon Mein Pairh Bhi Kaisi Panaahein Hain"

"Woh Boli Zaat Ko Taqseem Hi Kartye Raho Gey Kaya
Main Bola Waqt K Apney Taqazey, Dil K Apney Hain"

"Woh Boli Phir Palat Aaye, Chaley To Phir Palat Aaye
Main Bola Band Koochey Ka Safar Hai Zindagi Apni"

"Woh Boli Har Sarak Jaati Hai Gham K Shehar Ki Janib
Main Bola Aur Agar Woh Shehar Apney DiL Mein Ho To Phir"

"Woh Boli Gham Hamesha Saath Deta Hai Museebat Mein
Main Bola Ik Zara Thehr, Mujhey Ghor Sey Dekho"

"Woh Boli Kya Zaroori Tha Mujhey Tum Saath Hi Rakhtey
Main Bola Rooh Bin Main Jism Kya Karta, Kahan Jata"

"Woh Boli Aa Gaya Hai Raitla Mosam Judayi Ka
Main Bola Main Tera Sehra Noord Mustaqil Thehra"

"Woh Boli Rait Urti Hai To Aankhon Mein Bhi Parti Hai
Main Bola Dard Ki Mari Hui Aankhon Ko Is Sey Kya"

"Woh Boli Raat Zakhmon Per Bohat Teesein Bhi Barsein Gi
Main Bola Zakhm Per Zakhmon K Seh Jaaney Ki Adat Hai"

"Woh Boli Aarzuon K Lahou Ka Zayiqa Kya Hai
Main Bola Talkh Hai, Meetha Hai, Karwa Hai,Raseela Hai"

"Woh Kehti Hai K Main To Maang Mein SoOoraj Sajaon Gi
Main Kehta Hoon K SoOoraj Ki Wazahat Ho Magar Pehley"

"Woh Kehti Hai Main Apney Dil Mein Ik Deewar Uthaon Gi
Main Kehta Hoon K Main Is Baat Ka Matlab Nahi Samjha"

"Woh Kehti Hai Main Aankhon Mein Koi Sehra Basaon Gi
Main Kehta Hoon K Beinaayi Jhulas Jaye Gi Aisey To"

"Woh Kehti Hai Main Pairhon Per Tumhara Bakht Likhun Gi
Main Kehta Hoon K Pairhon Sey Adawat Hai Tumhein Koi"

"Woh Kehti Hai Main Paani Per Tera Chehra Banaon Gi
Main Kehta Hoon Mujhey Lagta Hai Tera Dil Bhi Paani Tha"

"Woh Mujh Sey Poochti Hai,Tum Kisey Mujrim Samajhtey Ho
Main Kehta Hoon Usey Jo Dard KeMa'ni Na Samjha Ho"

"Woh Mujh Sey Poochti Hai, Jhoot Aur Sachaiyan Kya Hain
Main Kehta Hoon K Niyyat Aur Natasyij Ki Pazeerayi"

"Woh Mujh Sey Poochti Hai, Sab Sey Pehley Kaun Rehta Tha
Main Kehta Hoon K Andaza Ya Mafrooza Hi Mumkin Hai"

"Woh Mujh Sey Poochti Hai, Kaun Reh Jaye Ga Duniya Mein
Main Kehta Hoon K Bilkul Ik Nayi Aur Ajnabi Duniya"

"Woh Mujh Sey Poochti Hai, Maut K Baarey Mein Batao Gay
Main Kehta Hoon Khat-E-Tanseekh Hai Aaghaz Sey Pehley"

"Woh Mujh Sey Poochti Hai Jangalon Mein Kaun Rehta Hai
Main Kehta Hoon Wohi Jo Shehar Mein Rehney Sey Khayif Hain"

"Woh Mujh Sey Poochti Hai Aasmanon Sey Parey Kya Hai
Main Kehta Hoon Na Veraaney Na Aabadi Na Barbadi"

"Woh Mujh Sey Poochti Hai Waqt Ko Tum Kya Samajhtey Ho
Main Kehta Hoon K Har Ehsaas K A'dad Ki Ginti"

"Woh Mujh Sey Poochti Hai Kya Khuda Ko Mantey Ho Tum
Mian Kehta Hoon Yaqeenan Aur Usey Mehsoos Karta Hoon"

"Woh Mujh Sey Poochti Hai Yeh Mazaahib K Masaail Kya Hain
Main Kehta Hoon K Duniya K Barray Logon Ki Baatein Hain"

"Woh Mujh Sey Poochti Hai Khwab Ki Ta'beer K Baarey
Main Us Sey Poochta Hoon Aqal Ki Jaageer K Baarey"

"Woh Mujh Sey Poochti Hai Zindagi K Raaz K Baarey
Main Us Sey Poochta Hoon Dharkanon K Saaz K Baarey"

"Woh Mujh Sey Poochti Hai Raat Aur Din Ki Musaafat Kya
Main Kehta Hoon, Yeh Saaye Hain Kisi Qaidi Musaafir K"

"Woh Mujh Sey Poochti Hai, Hum Agar Kuch Bhi Nahi Hain To
Main Kehta Hoon, Nahi Hona Bhi Hota Hai Jahanon Mein"

"Woh Mujh Sey Poochti Hai, Aqal Kya Hai Aur Dil Kya Hai
Main Kehta Hoon K Ik Ikhtelaaf Amal Peiham Hai"

"Woh Kehti Hai K Deewanon Ka Koi Kya Bharosa Hai
Main Kehta Hoon Bharosey K Liye Duniya Hi Kaya Kam Hai"

"Woh Kehti Hai Kisi Ko Mat Bata Dena Merey Baarey
Main Kehta Hoon Magar Ik Geet Ko Aur Chandni Shab Ko"

"Woh Kehti Hai Suno, Mujhey Tum Set Mohabbat Hai
Main Kehta Hoon Meri Jaan Tum To Khud Meri Riyaazat Ho"

"Woh Kehti Hai Yeh Saarey Log Kyun Baatein Banatey Hain
Main Kehta Hoon Meri Jaan Yeh Mohabbat Ka Muqadar Hai"

"Main Kehta Hoon Mohabbat Kayinaati Geet Hoti Hai
Woh Thora Gunguna K Aansuon Mein Doob Jati Hai"

"Woh Mujh Sey Poochti Hai Har Taraf Ik Be Kali Kyun Hai
Main Kehta Hoon Koi Anjaam Aa Pohancha Hai Basti Mein"

"Woh Mujh Sey Poochti Hai Be_Sarosamaan Kab Sey Ho
Main Us Sey Poochta Hoon Is Qadar Nadaan Kab Sey Ho"

"Woh Mujh Sey Poochti Hai Kaun Lawaris Hai Muqtil Mein
Main Kehta Hoon Wohi Jo Qatal Karney K Liye Aaye"

"Woh Mujh Sey Poochti Hai Shehar Ki Haalat Ka Kya Ho Ga
Main Kehta Hoon Koi Din Mein Balaayein Laut Jayein Gi"

"Woh Mujh Sey Poochti Hai Karbala Kya Phir Barpa Ho Ga
Main Kehta Hoon Nahi Ab Is Qadar Tanha Nahi Koi"

"Woh Boli Dard K Us Paar Bhi Ik Dard Hota Hai"

Main Is K Baad Dair Tak Kuch Bhi Nahi Bola"

Read More

Romantic Urdu Hindi Poetry

Wo Kehti hai Suno Jana
"Wo Kehti hai Suno Jana
Mohabbat Moom Ka Ghar Hai
Tapish Bad Gumani Ki
Kahin Pighla Na De iss ko"

"Main Kehta Hoon
Jis Dil Main Zara B Badgumani Ho
Wahan Kuch Or Ho Tu Ho
Mohabbat Ho Nahi Sakti"

Wo Kehti Hai Sada Aisay Hi
Kaya tum Muj Ko Chaho Gaye
Keh Main Is Main Kami Koi Bhi
Gawara Ker Nahi Sakti"

"Main Kehta Hoon
Mohabbat Kaya Hai
Yeh Tum Nay sikhaya Hai
Mujay Tum Say Mohabbat K Siwa
Kuch Bhi Nahi Aata"

"Wo Kehti Hai
Judai Say Buht Darta Hai Mera Dil
Keh Khud ko Tum Say Hat Ker Dekhna
Mumkin Nahi Hai Ab"

Main Kehta Hoon
Yahi Khadshay Bohat Muj Ko satatay Hain
Mager Sach Hai Mohabbat Main"
Judai Saath Chalti Hai

"Wo Kehti Hai
Batao Kaya Mere Bin Ji Sako Gaye Tum
Meri Baatien,Meri Yaadien,Meri Ankhien
Bhula Do gaye?"

"Main Kehta Hoon
Kabhi iss Baat Per Socha Nahi Main Nay
Ager Ik Pal Ko B Sochon To
Saansien Ruknay Lagti Hain"

"wo Kehti Hai Tumhien Mujh Say
Mohabbat Is Qader Kyu Hai
Keh Main Ik Aam Si Larki
Tumhien Kyu Khaas Lagti Hoon"

"Main Kehta Hoon
Kabhi Khud Ko Meri Ankhon Say Tum Deikho
Meri Dewangi Kyu Hai
Yeh Kkhud He Jaan Jao Gi"

"Wo Kehti Hai
Mujay Warftgi Say Dekhtay Kyu Ho
Keh Main Khud Ko Bohat
Qeemti Mehsoos Krti Hoon"

"Main Kehta Hoon
Mata-E-Jaan Bohat Anmool Hoti Hai
Tumhien Jab Dekhta Hoon Zindagi
Mehsoos Krta Hoon"

"Wo Kehti Hai Mujay Alfaaz K Jugno Nahi Miltay
Keh Tumhien Bta SakUun
Keh Dil Main Mere
Kitni Mohabbat Hai"

"Main Kehta Hoon
Mohabbat To Niighaon Say Jhalkti Hai
Tumhari Khamosi Mujh Say
Tumhari Baat Karti Hai"

"Wo Kehti Hai
Batao Na Kis Ko Khonay Say Darte Ho
Batao Kon Hai Wo Jisay
Yeh Mosam Bulatay Hain"

"Main Kehta Hoon
Yeh Meri Shaayeri Hai Aiena Dil Ka
Zara Dekho Batao Kaya
Tumhien Is Main Nazar Aya"

"Wo Kehti Hai
Suno!!! Bohat Baatien Banatay Ho
Mager Sach Hai Yeh Baatien
Bohat Hi Shaad Rakhti Hain"

"Main Kehta Hoon
Yeh Sab Baatien Yeh Fasaany Ik Bahana Hain
Keh Pal Kuch Zindagani K
Tumhare Saath Kat Jayen
Phir Us K Baad Khamoshi Ka
Dilkash Raqs Hota Hai
Nigahein Bolti Hai Or
Lab Khamosh Rehtay Hain"

"Wo Kehti hai Suno Jana
Mohabbat Moom Ka Ghar Hai
Tapish Bad Gumani Ki
Kahin Pighla Na De iss ko"
______________________________________________

Wo Kehti Hay Batao Be Sabab Kion Rooth Jatay Ho

"Wo Kehti Hay
Batao Be Sabab Kion Rooth Jatay Ho?

Main Kehta Hoon
Zara Mujh Ko Manaao,Acha Lagtaa Hay"

"Wo Kehti Hay
Mera Dil Tum Se Aakhir Kion Nahi Bhartaa?"

Main Kehta Hoon
Mohabat Ki Koi Hadd Hi Nahii Hotii"

"Wo Kehti Hay
Batao Main Tumhain Kion Bhaa Gayi Itna?

Main Kehta Hoon
Merii jaan Hadsay To Ho Hii Jatay Hain"

"Wo Kehti Hay
Achanak Main Tumhain Yoon Hii Rulaa Doon Tu?

Main Kehta Hoon
Mujhay Darr Hay K Tu Bhii Bheeg jaaye Gi"

"Wo Kehti Hay
Batao Baarishon Ki kiya Haqeeqat Hay?

Main Kehta Hoon
K Yeh To Baadalon Ki Aankh Rotii Hay"

"Wo Kehti Hay
Tumhaaray Khwaab Saaray Kyon Adhooray Hain?

Main Kehta Hoon
Merii Jaan Tum Inhain Takmeel De Do Na"
______________________________________________

Wo Aankhein Meri Aankhein To Nahi Phir Bhi

"Wo Aankhein
Meri Aankhein To Nahi Phir Bhi
Wo Jo Kuch Dekhti Hain
Dekhti Rehti Hain"

"Main Bhi Dekhta Hoon
Dekhta Rehta Hoon"

"Jis Se Rooth Jaati Hain
Main Us Se Rooth Jaata Hoon"

"Wo Jis Se Pyaar Karti Hain
Main Us Se Pyaar Karta Hoon"

"Wo Aankhein
Meri Aankhein To Nahi Phir Bhi
Wo Jo Kuch Sochti Hain
Sochti Rehti Hain"

"Main Bhi Sochta Hoon
Sochta Rehta Hoon"

"Jis Dam Muskuraati Hain
Main Us Dam Muskurata Hoon"

"Wo Jab Afsurda Hoti Hain
To Main Afsurdsa Hota Hoon"

"Wo Aankhein
Meri Aankhein Ho Nahi Sakteen
Magar Phir Bhi
Diwaana Hoon Jo Un Ko,Chaahta Hoon
Chaahta Hoon Chaahta Rehta Hoon"
______________________________________________

Koi Tumse Pooche Kaun Hoon Main

"Koi tumse pooche kaun hoon main
Tum keh dena koi khaas nahi"

"Ek dost hai kaccha pakka sa
Ek jhooth hai aadha saccha sa"

"jazbaat ko dhake ek parda bas
Ek bahana hai accha sa"

"Jeevan ka ek aisa saathi hai
Jo door ho ke pass nahin"

"Koi tumse pooche kaun hoon main
Tum keh dena koi khaas nahi"

"Hawa ka ek suhana jhonkha hai
Kabhi nazuk toh kabhi tufaano sa"

"Shakal dekh kar jo nazrein jhuka le
Kabhi apna toh kabhi begaano sa"

"Zindgi ka ek aisa humsafar
Jo samandar hai, par dil ko pyaas nahi"

"Koi tumse pooche kaun hoon main
Tum keh dena koi khaas nahi"

"Ek saathi jo ankahi kuch baatein keh jaata hai
Yaadon me jiska ek dhundhla chehra reh jaata hai"

"Yoon toh uske na hone ka kuch gham nahi
Par kabhi-kabhi aankho se ansoo ban ke beh jaata hai"

"Yoon rehta toh mere tassavur mein hai
Par in aankhoon ko uski talaash nahi"

"Koi tumse pooche kaun hoon main"
Tum keh dena koi khaas nahi"
______________________________________________


Ek Shakhs Ko Dekha Tha Taroon Ki Tarha Hum Ney

"Ek Shakhs Ko Dekha Tha Taroon Ki Tarha Hum Ney
Ek Shakhs Ko Chaha Tha Apno Ki Tarha Hum Ney"

"Ek Shakhs Ko Samja Tha Phoolon Ki Tarha Hum Ney
Wo Shakhs Qyamat Tha Kia Karyn Us Ki Batian"

Din Us K Liyay Paida Aur Us Ki He Thi Ratain
Kab Milta Kisi Say Tha Hum Say Thin Mulakatin"

"Rang Us Ka Shahabi Tha Zulfoon May Thin Mehkaarein
Ankhain Thin K Jadu Tha Palkain Thin K Talwarain"

"Dushman B Ager Dekhein To Jaan Say Dil Haarain
Kuch Tum Say Wo Milta Tha Batoon Main Shbaahat Thi"

"Han Tum Sa He Lagta Tha Shokhi Main Sharart mein
Lagta B Tum He Sa Tha Dastoor_E_Mohabat Mein"

"Wo Shakhs Hmain Ek Din Apno Ki Tarha Bhoola
Taroon Ki Tarha Dooba Pholoon Ki Tarha Tota
Phir Hath Na Aya Wo Hum Nay Bohat Dohnda"

"Tm Kis Liye Chonkay Ho Kab Zikar Tmhara Hai
Kab Tm Say Takaza Hai Kab Yum Say Shikayat Hai"


"Ek Taza Hikayat Hai Sun Lo To Inayaat Hai"

"Ek Shakhs Ko Dekha Tha Taroon Ki Tarha Hum Ney
Ek Shakhs Ko Chaha Tha Apno Ki Tarha Hum Ney"
_____________________________________________

Kabhi Jo Hum Nahi Hon Gay

"Kabhi jo hum nahi hon gay
Koho kis ko Batao Gay"

"Wo Aapni Uljhanain Sari
Wo Bechaini Main Doobay Pal"

"Wo Aankhon main Chuppy Aansu
Kisay Phir Tum Dikhao Gay"

"Kabhi jo hum nahi hon gay
Bohot Bechain Ho Gay Tum"

"Bohot Tanha Reh Jao Gay
Abhi Bhi Tum Nahi Samjhey"

"Hamari An-kahi Batain
Magar Jab yaad Aain Gay"

"Bohot Tum ko Rulain Gay
Bohot Choho Gay Phir Bhi Tum"

Hamain Na Dhoond Pao Gay
KABHI JO HUM NAHI HOONGAY"
______________________________________________

Jis Ki Jhankaar Main Dil Ka Aaram Tha, Wo Tera Naam Tha

"Jis Ki Jhankaar Main Dil Ka Aaram Tha, Wo Tera Naam Tha
Meray Honton Pay Raqsan Jo Naam Tha, Wo Tera Naam Tha"

"Tohmatain Mujh Pay Aati Rahi Hain Kaii, Ak Say Ak Naii
Khoobsurat Mager Jo Ak Elzaam Tha, Wo Tera Naam Tha"

"Dost Jitnay Thay Na Aashana Ho Gay , Parsa Ho Gay
Saath Meray Jo Ruswa Sir -e- Aam Tha, Wo Tera Naam Tha"

"Subah Say Shaam Tak Jo Meray Pass Thi , Wo Teri Aas Thi
Shaam Kay Baad Jo Kuch Lab -e- Baam Tha, Wo Tera Naam Tha"

"Mujh Pay Qismat Rahi Hamaysha Maharban , Day Dia Sara Jahan
Per Jo Sab Say Bara Ak Inaam Tha , Wo Tera Naam Tha"
______________________________________________

MAIN TAERRAY SUNG KAISAY CHALOON SAJNA

"MAIN TAERRAY SUNG KAISAY CHALOON SAJNA
TU SAMANDER HAY MAIN BADULOON KI HAWA"

"MAERRAY DIL MAIN KOI DERICHA KOLAY
MAIN DEWANI TERRI, MAIN DEWANI TERRI"

"MERRI MANZIL HAY TU,TERRI MANZIL MAIN NAHI
YAY JAN KER PHER BHI JANA GAM NAHI"

"YAY AHSAS HI KAFI HAY KAY MAIN NAY TUJH SAY PIYAR KIYA"
______________________________________________

Jab B Wo Shakhs “WASI” Mjhse Khafa Ho Jaye

"Jab bhi wo shakhs “WASI” mujhse khafa ho jaye
Aik sunami mery seeny mai bapa hojay"

"Dil mai phir kuch nahi hoga khalaon k siwa
To kisi roz ager mujhse juda hojaye"

"Wo buht rakhta hai chahat ki tamazan ka hisab
Wo to aik sajda na bakhshy jo qaza ho jaye"

"Thapkian de ker sulati hain teri yaaden hamen
Neend jis raat bhi hum se khafa ho jaye"

"Ye taqaza hai muhabbat ki ibadat ka “WASI”
Usko chuU leny se aik rukn adaa ho jaye"


Read More..

Read More