Wasi All Poetry

Jab Say Yeh Peighaam Mila Hai

Jab se yeh peghaam mila hai
Jaana’n! tum aaney wali ho
Mausam ne sarey ghar ki tarteeb badal kar rakh daali hai
Chokhat per ik chaand bhi aa kar beth geya hai
Keyi sitaare lounge mein kab se pare huye hain
Kehte hain ke
Is raste se tum guzro gi
Nanhe mune gulabon ka kehna hai
Jitne din tum pass raho ge
Ghar ke har konay mein aakar woh mehkain ge
Phoolon ne mil kar sab konay baant liye hain
Jugnu kab se chat pe, ghar ke
Har goshay mein chamak rahe hain
Suraj aur barish bhi kal se saaye’baan per tikkay huye hain
Dheemey dheemey chehek rahe hain
Shaam to kab se kayi tarah ke mausam le ker
Is kamrey mein ruki hui hai, Jis kamrey mein tum thehro ge
Tum aao ge to yeh shaam hazaron mausam,
Sundar sundar sajji huyi ankhon ko de ker
Kho jayegi
Phir na kabhi wapis aaye gi
Is se pehle ke yeh shaam bhi
Sarey mausam leker mujhko khaali karke kho jaye
Tum aajao naa’n
Aabhi jao_____!!
_________________________

Koi Malaal Koi Aarzoo Nahin Karta

Koi malaal koi aarzoo nahin karta
Tumhare baad yeh dil guftagu nahin karta

Koi na koi cheez meri toot jati hai
Tumhari yaad se jab bhi wuzu nahin karta___!!
_________________________

Ajeeb Sanihaa Guzraa Hai Mujh Pay Aaj Ki Shaam

Ajeeb saanehaa guzraa hai mujh pe aaj ki sham
Main aaj shaam tumhare hijar main udaas na tha

Ab aik saal to yeh aik gham hi kaafi hai
Tumhari salgiraah par bhi tumhare paas na tha___!!
_________________________

Jis Ko Ik Baar Cherr Dain To Phir

Jis ko ik baar cherr dain to phir
Chain ka aik pal nahin hota

Koi aljabrey ka sawaal ho tum
Jo kisi taur hall nahin hota________!!!
_________________________

Dil Jo Toota Hai To Dil K Kono'on Say

Dil jo toota hai to dil ke konon se
Teri meri nishaniyan nikli’n

Tu gaya hai to mere yaaron mein
Kesi kesi kahaniyan nikli’n____!!
_________________________

Jab Tak Tere Aanchal Say Yeh Paimaa’n Bandhey Hain

Jab tak tere aanchal se yeh paimaa’n bandhe hain
Janaan, Mere laut aaney ke imkaa’n bandhe hain

Us ko kabhi aati bhi nahin ho gi meri yaad
Jis shakhs se har lamhaa mere dheyaa’n bache hain__!!
_________________________

Diya Diye Say Jala Loon To Chain Aaye Mujhe

Diya diye se jala loon to chain aaye mujhe
Tumhain galey se laga loon to chain aaye mujhe

Mohabbton ke saheefay hain ya azaab koi
Tere khatoot jala loon to chain aaye mujhe____!!
_________________________

Tanzz Kartey Hain Jo Log Un Ko Dikhane K Liye

Tanzz karte hain jo log un ko dikhane ke liye
Laut aao na mere yaar zamane ke liye

Is liye bhi teri tasveer jala di mene
Aur kuch tha hi nahin dil ko jalane ke liye

Tere baayess hi to saktay ka hai aalam taari
Khud ko naraaz kiya khud ko mananey ke liye

Aaj phir shaam guzari hai usi jungle mein
Un darakhton se tera naam mitaney ke liye
_________________________

Abhi To Ishq Mein Aisa Bhi Haal Hona Hai

Abhi to ishq me aisa bhi haal hona hai
K ishq rokana tum se mahal hona hai

Har aik lab pe hain meri wafa k afsane
Tere sitam ko abhi la zawal hona hai

Baja k khar hain lakin bahar ki rot me
Ye teh hai abb k humen bhi nahal hona hai

Tumhen khabar hi nahin tum to loot jao ge
Tumhare hijar me lamha bhi saal hona hai

Hamari rooh pe jab bhi azab otaren ge
Tumhari yaad ko us dil ki dhal hona hai

Kabhi to roe ga wo bhi kisi ki banhon me
Kabhi to us ki hansi ko zawal hona hai

Milen gi hum ko bhi apne naseeb ki khoshiyan
Bus intazar hai kab ye kamal hona hai

Har aik shakhas chale ga hamari rahon par
Mohabbaton me humen wo masal hona hai

Zamana jis k gham-o-pech me olajh jae
Hamari zaat ko aisa sawal hona hai

WASI yakeen hai mujh ko wo loot ae ga
Use bhi apne kie ka malal hona hai_____!!
_________________________

Hijar Ka Naag To Pathar Ghaayal Kar Deta Hai

Hijar ka naag to pathar ghayal kar deta hai
Sonay jese shakhss ko peetal kar deta hai

Mere ishq mein shayed koi kami huyi ho
Tera hussn to ab bhi paagal kar deta hai

Aesi lazzat kahin nahin milti, shayed woh
Apna pyaar bhi chaaye mein hall kar deta hai

Dil mera veeran hua to hasrat kesi
Hijar ka zeher to daryaa ko thall kar deta hai

Mujh ziddi ko rab bhi raazi na kar paye
Lekin teri aankh ka kaajal kar deta hai

Tere lamss ka jadu bhi kesa jadu hai
Jiss ko chuu le us ko sandal kar deta hai

Tera chahra har chehre per chaa jata hai
Yeh manzar har manzar aujhal kar deta hai

Aankh ke registaa’n ko teri yaad ka badal
Chuu jaye to pal mein jal’thall kar deta hai____!!
_________________________

Ae Dilkash Masom Larkiyo  TUM

Ae dilkash masom larkiyo_____ TUM
Kabhi kisi se bhi dukh na kehna
Un anchalon se
Khankati rangeen choriyon se
Badan ki apni hi khoshbo se
Palak k othane palak jhapakne
Ki samaton se
Chaton k konon me chop k bethi
Wo shokh-o-shang aur naaz paror si chandani se
Diyon ki loo se
Ya un kutab se k jin me pholon k titliyon k haseen dukh hon
Palang pe saloton bhari saf chadaron se
Gadaz takyon se jin me zolfon ki khoshboen rakas kar rahi hon
Tum ainon aur jognoan se
Saheliyon aur doston se
Kabhi bhi larkiyon_____TUM
Wo dukh na kehna
Sea raton me jis ko apni
Odas ankhon se
Apne hi dil ki dharkanon se
Chopa chopa kar bikhar rahi thin
Kabhi bhi daikho wo dukh na kehna
Kabhi bhi ae larkiyon_________!!
_________________________

U.S.A

Kab talak tujh pe inhisaar karain
Kyon na ab doosron se pyar karoon

Tu kabhi waqt per nahin pohancha
Kis tarah tera aitbaar karain_______!!
_________________________

Har Ik Shab Meri Taza Azaab Mein Guzari

Har ikk shab meri taza azaab me guzari
Tumhare bad tumhare hi khawab me guzari

Main aik phol hon wo mujh ko rakh k bhol gea
Tamam umer usi ki kitab me guzari_____!!
_________________________

Jab Say Tum Bicharey Ho Tab Say

Jab se tum bichare ho tab se
Adha chand agar daikhon to
Meri ankhen bhar ati hain____!!
_________________________

Charha Howa Tha Jo Darya Utar Gaya Kab Ka

Charha Howa Tha Jo Darya Utar Gaya Kab Ka
Tumhara Chaahnay Waala Tou Mar Gaya Kab Ka

Na Meri Rooh Meri Hai Na Mera Jism Mera
Tera Wajood Tou Mujh Mein Utar Gaya Kab Ka

Wo Ik Shakhs Jo Sab Ko Sambhaalay Rakhta Tha
Tumhain Khabar Hee Nahi Hai Bikhar Gaya Kab Ka

TU Jis Ke Waadon Ko Dil Se Lagaye Baitha Hai
Wo Apni Baat Se Pyaaray Mukar Gaya Kab Ka

“Wasi” Mein Ishq Mein Ro Bhi Chuka Hun Mar Bhi Chuka Hun
Hudood-e-Jism Se Mein Tou Guzar Gaya Kab Ka_____!!
_________________________

Falak Pay Chaand K Haaley Bhi Sog Kartey Hain

Falak pe chand k hale bhi sog karte hain
Jo to nahin to ojhale bhi sog karte hain

Tumhare hath ki chori bhi ben karti hai
Hamare hont k tale bhi sog karte hain

Nagar nagar me wo bikhare hain zulam k manzar
Hamare rooh k chale bhi sog karte hain

Use kaho k sitam me wo kuch kami kar de
K zulam torane wale bhi sog karte hain

Tum apne dukh pe akaile nahin ho afsorda
Tumhare chahne wale bhi sog karte hain_____!!
_________________________

Mein Hon Tera Khyal Hai Aur Chaand Raat Hai

Me hon tera kheal hai aur chand raat hai
Dil dard se nidhal hai aur chand raat hai

Ankhon me chob gaen teri yadon ki kirchiyan
Kandhon pe gham ki shal hai aur chand raat hai

Dil toor k khamosh nizaron ka kia mila?
Shabnam ka ye sawal hai aur chand raat hai

Phir titliayan si orane lagen dashat khawab me
Phir khawaish-e-wasal hai aur chand raat hai

Campas ki nehar par hai tera hath hath me
Mosam bhi lazawal hai aur chand raat hai

Har ikk kali ne orah lia matami libas
Har phol par malal hai aur chand raat hai

Meri to por por me khoshbo si bus gai
Us par tera kheal hai aur chand raat hai

Chalka sa parh raha hai WASI wehshaton ka rang
Har cheez pe zawal hai aur chand raat hai_______!!
_________________________

Ashkk Girtey Rahay Dhol Bajta Raha

Ashkk girte rahe, dhol bajta raha
Log marte rahe, dhol bajta raha

Ronqain lag gayi’n, roshni barh gayi
Khawab jalte rahe, dhol bajta raha

Kitne lachaar they, kitne be’bas they hum
Hath milte rahe, dhol bajta raha

Raqss they maseeha mere dam-be’dum
Dil tarrapte rahe, dhol bajta raha____!!
_________________________

Mujh Ko Bhi Khof E Tark E Ta'aluq Ney Aa Lia

Mujh ko bhi khof-e-tarak-e-taloq ne aa lia
Wo bhi isi kheal se aoron ki ho gai

Pehle to us k hath ki mashal bhojhi WASI
Phir yon hoa kahen meri taqdeer kho gai____!!
_________________________

Hum Tere Hijar Mein Andar Say Bikhar Jatey Hain

Hum tere hijar mein andar se bikhar jate hain
Zinda lagte hain magar asal mein mar jate hain

Jab kabhi bolta hai hai hanss ke kisi aur se tu
Kitne khanjar mere seeney mein utar jate hain

Teri yaadon ki agar’batiyan jal uthte hi
Hum tere dard ki khushbu’on se bhar jate hain

Hum se awaara phira karte hain galiyon mein kahin
Shaam hote hi Wasi log to ghar jaate hain____!!
_________________________

Hum Ney Jo Deep Jalaaye Hain Teri Galiyon Mein

Hum ne jo deep jalaye hain teri galiyon mein
Apne kuch khawb sajaye hain, teri galiyon mein

Jaane yeh ishq hai ya koi karamat apni
Chaand le ker chale aaye hain, teri galiyon mein

Tazkraa ho teri galiyon ka to dar jata hai
Dil ne woh zakhm uthaye hain, teri galiyon mein

Is liye bhi teri galiyon se humain nafrat hai
Hum ne armaan ganwaye hain, teri galiyon mein

Kyon har ik cheez adhoori si lagti hai
Jaane kya chorr aye hain, teri galiyon mein____!!
_________________________

Hum Say Kaya Poochtey Ho Hijar Mein Kaya Kartey Hain

Hum se kya poochte ho hijar mein kya karte hain
Tere laut aaney ki din raat dua karte hain

Ab koi hont nahin in ko churaaney ate
Meri aankhon mein agar ashk hua karte hain

Teri tu jane, par aye jane-tamana hum to
Saans ke sath tujhe yaad kiya karte hain

Tu hi pehlu mein nahin warna december mein wahin
Dhoop mein akhbaar parhaa karte hain

Kabhi yaadon mein tujhe baa’hon mein bhar lete hain
Kabhi khawbon mein tujhe choom liya karte hain

Teri tasveer laga lete hain hum seeney se
Phir tere khat se teri baat kiya karte hain

Gar tujhe chorrne ki soch bhi aaye dil mein
Hum to khud ko bhi wahin chorr diya karte hain_____!!
_________________________

Ab Jo Lotay Ho Itney Saalon Mein

Ab jo lotay ho itne saalon mein
Dhoop utri huyi hai baalon mein

Tum meri aankh ke samundar mein
Tum meri rooh ke ujaalon mein

Phool hi phool khill uthey mujh mein
Kaun aaya mere khayalon mein

Mene jee bhar ke tujh ko dekh liya
Tujh ko uljhaa ke kuch sawalon mein

Meri khushiyon ki kaayenat bhi tu
Tu hi dukh dard ke hawalon mein

Jab tera doston mein zikar aaye
Theess uthti hai dil ke chaalon mein

Tum se abaad hai yeh tanhai
Tum hi roshan ho ghar ke jaalon mein

Saanwli shaam ki tarah hai woh
Woh na goron mein hai na kaalon mein

Kya usey yaad aaraha hoon Wasi
Rang ubhrey hain us ke gaalon mein___!!
_________________________

Pehli Baar Jab Us Ney Meri Maan Ko Ami Jaan Kaha To

Pehli baar jab us ne meri maan ko ami jaan kaha to
Mujh ko yu’n mehsoos hua
Apna sab kuch chorr ke jese
Ik lamhe mein____!!
Mera sab kuch us ne apna maan liya hai
Mujh ko sab kuch jaan liya hai_______!!
_________________________

Ab Mera Phone Kyun Uthao Gay Tum

Ab mera phone kyon uthao ge tum
Ab mera tum ko ehtraam nahin
Ab tumhain mujh se koi kam nahin____!!

Read More..

Read More

Wasi Shah Poetry

Kal Ajab Saaniha Sa Howa Rait Per

Kal Ajab Saaniha Sa Howa Rait Per
Naam Tera Nahee Likh Saka Rait Per

Kis Ki Awaaz Se Tham Gaye Hain Qadam ?
Phir Se Kis Ne Mujhe Di Sadaa Rait Per ?

Oski Aankhon Se Sholay Nikaltay Rahay
Naachti Reh Gayi Kal Ghataa Rait Per

TU Ne Jo Bhee Hawaa Se Kahaa Reh Gaya
Mit Gaya Mein Ne Jo Bhee Likha Rait Per

Mein Tumhain Choomna Chahta Hun Abhee
Os Ne Mujh Se Ye Ik Din Kaha Rait Per

Ab Ye Sehra Hee Tere Muqaddar Mein Hain
TU Ne Maangi Hee Kiun Thi Duaa Rait Per ?

Ik Shola Uthaa Os Jaga Se “Wasi”
Mera Aansoo Jahan Gir Gaya Rait Per_____!!

__________________________

Woh Mujhe Chorr Gaya Tha Kisi Rangeeni Main

Woh mujhe chorr geya tha kisi rangeeni main
Woh jo ab dhoondta rehta hai kharabon mein mujhe

Tum ne ik umar kiya hai nazar’andaaz Wasi
Aur ab dhoondte phirte ho saraabon mein mujhe

Zaroob-o-taqseem Wasi ishq mein la’hasil hai
Jaaney kyon khojtay rehte ho hisaabon mein mujhe__!!

__________________________

Mein Is Hisaar Se Nikluun Tou Kuch Aur Sochuun

Mein Is Hisaar Se Nikluun Tou Kuch Aur Sochuun
Tumhaaray Pyaar Se Nikluun Tou Kuch Aur Sochuun

Teri Gali Ke iLaawa Bhee Aur Qirye Hain
Jo Is Dayaar Se Nikluun Tou Kuch Aur Sochuun

Tumhaaray Hijr Ki Sadyaan Tumhaaray Vasl Ke Din
Mein Is Shumaar Se Nikluun Tou Kuch Aur Sochuun

Racha Howa Hai Tera Ishq Meri Pooron Mein
Mein Is Khumaar Se Nikluun Tou Kuch Aur Sochuun

Ye Mera Jism Ke Maatam Saraa-e-Hasrat Hai
Mein Is Mazaar Se Nikluun Tou Kuch Aur Sochuun

Ye Mujh Mein Kon Mere Raat Din Sambhaalta Hai ?
Is Ikhtiyaar Se Nikluun Tou Kuch Aur Sochuun

Tumhaari Jism Ki Khushbuu Ne Kardia Mas-hoor
Is Aabshaar Se Nikluun Tou Kuch Aur Sochuun

Ye Be-Qaraari Meri Rooh Ka Ujaala Hai
Mein Is Qaraar Se Nikluun Tou Kuch Aur Sochuun_______!!

__________________________

Mujhe Us Say Mohabbat Hai

Mujhe us se mohabbat hai
Magar kese kahoon us se
Woh meri baat ko sanjeedgi se
Kam hi leti hai
Har ik pal muskurana
Khilkhilaana
Doston per fikray qassna
Nit’naye masoom mansoobay banana
Shokh chanchal har gharri taaza shararat
main bohat masroof rehti hai
Magar ik aur hadsha bhi hai mujh ko
Main izhaar se
Iqraar se
khud rokay rakhta hai
Ke mehke khawab bun’ne, khelne ka waqt hai uska
Meri chahat
Kahin masoomiyat na cheen le uski
Sadaa se hum ne dekha hai
Mohabbat aadmi ko is’qadar sanjeeda karti hai
Ke phir mehfil, tamashey, khel us ko bojh lagte hain
Main darta hoon
Kahin yeh bhol’pan us ka
Yeh har pal cheh’chihaana muskurana sab
Meri izhaar se sanjeedgi mein na badal jaye
Kahin us shokhh ko bhi rog koi
Chup chaap na lag jaye
Mujhe us se mohabbat hai
Magar kese kahoon us sey_______!!

__________________________

Meri Wafa Ne Khilaaye Thy Jo Gulaab Saray Jhulas Gaye Hain

Meri Wafa Ne Khilaaye Thy Jo Gulaab Saray Jhulas Gaye Hain
Tumhari Ankhon Main Jis Qadar Thy Wo Khwaab Saray Jhulas Gaye Hain

Meri Zameen Ko Kisi Naye Haadsay Ka Hai Intezaar Shayad
Gunah Phailnay Lagay Hain Ajar-O-Sawab Saray Jhulas Gaye Hain

Jo Tum Gaye Tou Meri Nazar Pe Haqeeqaton K Azaab Utray
Yeh Sochta Hoon K Kia Karoonga Saraab Saray Jhulas Gaye Hain

Yeh Moajza Sirf Aik Shab Ki Musafaton K Sabab Hua Hai
Tumharay Or Meray Darmiyaan K Hijaab Saray Jhulas Gaye Hain

Usay Batana K Uski Yaadon K Saray Safhay Jala Chuka Hoon
Kitaab-E-Dil Main Raqam Thy Jitnay Wo Baab Saray Jhulas Gaye Hain

Nazar Uthaon Mai Jis Taraf Bhi Muheeb Saaye Hain Zulmaton K
Ye Kia K Meray Naseeb K Mahtaab Saray Jhulas Gaye Hain

Tumhari Nazron Ki Yeh Tapish Hai K Meray Lafzon Pe Aablay Hain
Sawal Saray Jhulas Gaye Hain Jawab Saray Jhulas Gaye Hain

Yeh Aag Khamoshion Ki Kaisi Tumhari Aankhon Main Tairti Hai
Tumharay Honton Pe Darj Thy Jo Nisaab Saray Jhulas Gaye Hain___!!

__________________________

Mere Lehjey Mein Jo Aansu Say Utar Aaye Hain

Mere lehje mein jo aansu se utar aye hain
Kitne barson ke sitam aankh main dar aye hain

Tum gaye they to yeh dehleez na dekhi thi kabhi
Aaj tum aaye to hum laut ke ghar aaye hain

Jaane tanbeeha ki dhamki ke basharat hai koi
Mere aangan mein jo tootay huye par aaye hain

Ab hamain khauf hai jeeney ka na mar mitne ka
Teri chokhat se jo aye hain to mar aye hain_____!!

__________________________

Kon Kehta Hai, Shararat Se Tumhain Dekhtay Hain

Kon Kehta Hai, Shararat Se Tumhain Dekhtay Hain ?
Jaaneman Hum Tou Mohabbat Se Tumhain Dekhtay Hain

Tum Ko Maaloom Nahee Tum Ho Muqaddas Kitnay
Dekhtay Hain Tou Aqeedat Se Tumhain Dekhtay Hain

Dekh Ke Tum Ko Kisi Aur Ki Yaad Aati Hai
Hum Kisi Aur Hee Nisbat Se Tumhain Dekhtay Hain

Saath Gairon Ke Nazar Aao Tou Jee Gurhta Hai
Kia Kahain Kaisi Azyat Se Tumhain Dekhtay Hain

Jhonkni Parti Hai, Ye Jaan Mein Hamain
Kon Kehta Hai Sahoolat Se Tumhain Dekhtay Hain

Jaanay Kia Likhtay Ho Kia Sochtay Rehtay Ho Wasi
Raat Ko Jab Bhee Kubhi Chhat Se Tumhain Dekhtay Hain_____!!

__________________________

Mujh Say Wo Aksar Kehti Thi

Mujh se wo aksar kehti thi
Meri bus itni khawaish hai

Kuch aisi pehchani jaon
App k naam se jani jaon___!!

__________________________

Zar Ki Namoos Ki Rasmoon Say Baghaawat Kar K

Zar ki namoos ki rasmon se baghaawat kar ke
Kuch nahin paaye ga woh mujh se mohabbat kar ke

Baiy’n karti huyi aankhain, yeh pareshan zulfain
Aur kya chahte ho us se mohabbat kar ke

Phool to phool hain zakhmon ke bhi nakhre hain yahan
Hum ne dekha hai bohat in ki ibadat kar ke

Yeh kisi jabr pe honton ko siyaa karte hain
Zulam karte hain woh zaalim ki himayat kar ke

Dil ke sehraao’n ki veeraaniya’n jati hi nahin
Teri yaadon ne bhi dekha yahan hijrat kar ke

Woh mere hijr ko bhi khail samajhta hai Wasi
Laut jaye ga kisi roz sharaarat kar ke___!!

__________________________

Diwar Pay Larza Hai To Dar Kamp Raha Hai

Diwar pe larza hai to dhar kamp raha hai
Bichare ho to ojhara hoa ghar kamp raha hai

Tum ankh ki patali me chope sach ko bhi daikho
Mujram to nahin hai wo agar kamp raha hai

Weran hai is darja tere bad mera dil
Iss sheher me ate hoe dar kamp raha hai

Ikk main k judai ne mujhe kar dia sakat
Ikk to hai k sadame se odhar kamp raha hai

Anghan ko palat jaon na main chor k uss ko
Sehra main mera khawab safar kamp raha hai

Yaa to meri benai pe hai khof mosalat
Yaa nehar k pani me shajar kamp raha hai

Tujhe nahin don ga main kabhi hijhar k sadme
Dil me teri yadon ka sharer kamp raha hai_____!!

__________________________

Choomna Kya Usay Aankhon Say Lagaana Kesa

Choomna kya usey aankhon se lagana kesa
Phool jo coat se gir jaye uthaana kesa

Apne honton ki haraarat se jagaao mujh ko
Yoon sadaaon se dam’e’subaah jagana kesa_____!!

__________________________

Pa Barhna Aur Mere Charon Taraf  Tanhaiyan

Pa barhna aur mere Charon taraf tanhaiyan
Chon raha hon teri yadon ki solagati kirchiyan

Kia kahen tarak-e-etaluq ka irada to nahin
Yaad jo karne lage ho tum purani talkhiyan

Aah! Wo mosam wo heele aur kinara nehar ka
Yaad ati hain mujhe campus ki sari shokhiyan

Kia kisi wehshat zada mosam ka tum ko khof hai
Kiss lie khamosh ho kholo na dil ki khirkiyan

Me use shohrat k baam-o-dar pe pohchane k bad
Apne daman me chopa le jaon ga ruswaiyan

Apni barbadii ka me ja kar kise ilzam don
Apne hathon se dabaen mene apni kashtiyan

Jeet to jata hon phir bhi dukh sa rehta hai mujhe
Kab talak us se me khelon ga shikasta baziyan

Boliyan lagati hain abb bhi khoshiyon k sheher me
Ajj bhi bazar me bikati hain nazak titliyan

Lijiye iss dil Ka phir mah-e-Moharam aa gea
Matamon ka shor hai aur chal rahi hain bar-chaiyan

Yaad hai mujh ko December me judai ki wo raat
Chaand ki kirnain lahoo me ban gaen changariyan

Hijar k sahil pe kiss k muntazir baithe ho tum
Iss sumandar se bhala kab lotati hain kashtiyan

Phir kasila zaiqa mosam ka iss dil ko laga
Phir se ankhon me otar aen purani talkhiyan

Kon jane kiss se badala le raha hon me WASI
Aik modat se ragon me paal kar weraniyan_______!!

__________________________

Kaisa Maftooh Sa Manzar Hai Kayi Sadiyoon Say

Kaisa maftoh sa manzar hai kai sadiyon se
Mere qadmon pe mera sir hai kai sadiyon se

Khof rehta hai na seelab kahen le jae
Meri plkon pe tera ghar hai kai sadiyon se

Uss k pani me bhi pehle sa wo thehrao nahin
To bhi bechain sumandar hai kai sadiyon se

Ashak ankhon me solagate hoe s oo jate hain
Ye meri ankh jo banjhar hai kai sadiyon se

Kon kehta hai mulaqat meri ajj ki hai
Too meri rooh k andar hai kai sadiyon se

Yee mujhe sans bhi khol kar nahin laine daita
Meri shee raag pe jo khanjar hai kai sadiyon se

Ae meri maa main har ikk dhop se lar sakta hon
Mere sir par teri chadar hai kai sadiyon se

Main ne jis k lie har shakhs ko naraz kia
Roth jae na yahi dar hai kai sadiyon se

Usski adat hai jharhen katate rehne ki WASI
Jo meri zaat ka mehwar hai kai sadiyon se_____!!

__________________________

Teri Aankhon K Haseen Jaal Mein Aajaon Ga Main

Teri aankhon ke haseen jaal mein aajaon ga main
Mujh ko lagta hai teri chaal main aajaon ga main

Zindagi baad tere hona thi mushkil lekin
Yeh na socha ke is haal mein ajaon ga main

Dekh kar us ko mujhe yad kare gi dunya
Aik din us ke had’o’haal mein aajaon ga main

Kitne mausam they jo de kar mujhe taanay guzre
Tum to kehte they ke ik saal mein ajaon ga main

Sur mein ajaye ga jeevan tere aa jane se
Tere aaney se kisi taal mein aajaon ga main_____!!

__________________________

Mein Tere Lab Pe Hun Daireena Shikayat Ki Tarah

Mein Tere Lab Pe Hun Daireena Shikayat Ki Tarah
Yaad Rakha Hai TU Ne Mujh Ko Adaawat Ki Tarah

Chaand Niklay Tou Mera Jism Mehak Uthta Hai
Rooh Mein Utri Howi Taaza Mohabbat Ki Tarah

Teri Khatir Tou Koi Jaan Bhi Le Sakta Hun
Mein Ne Chaaha Hai Tujhe Gaon Ki Izzat Ki Tarah

Khul Rahi Hai Mere Daireena Masaail Ki Giraah
Mere Mahoul Mein Utra Hai Wo Barkat Ki Tarah

Ab Tere Hijr Mein Kuch Lutf Nahi Hai Baaqi
Ab Tujhe Yaad Bhi Kartay Hain Tou Aadat Ki Tarah

Tum Meri Pehli Mohabbat Tou Nahi Ho Laikin
Mein Ne Chaaha Hai Tumhain Pehli Mohabbat Ki Tarah

Wo Jo Aati Hai Tou Phir Lout Ke Jaati Hee Nahi
Tum Lipat Jao Kubhi Aisi Museebat Ki Tarah

Mere Dil Mein Koi Maasoom Sa Bacha Hai “Wasi”
Jo Tujhe Sochta Rehta Hai Shararat Ki Tarah_____!!

__________________________

Jane Kyun Pandara Ka Tanhaa

Jane kion pandara (15) ka tanhaa
Aur odasi pehne chand
Mujh ko acha lagta hai
Shaid yoon
Choda to abb meri zid hai
Kion k choda ka khosh chand
Uss ko acha lagta tha____!!

__________________________

Baar Haa Aise Laga

Baar’haa aese laga
Jese tera hath
Mere baalon ko chuaa ho
Tu ne mujhse kaha ho lekin
Raat bhar rootha raha
Tu ne manaya hi nahi____!!

__________________________

Tum Say Meri Bat Hui Thi

Tum se meri bat hoi thi
Tum ne mujh ko samjhaea tha
Apni zaat se bahir nikalo
Ghar ko loto
Ghar ko daikho
Aur bhi log tumhare dam se zinda hain
Tum me apni sari khoshiyan
Daikh rahe hain
Soch lia hai
Daikh lia hai____!!

Read More..

Read More

Wasi Shah Best Poetry

Main Kahin Bhi Kisi Nagar Mein Raha

Main kahin bhi kisi nagar mein raha
Tere asaib ke asar mein raha

Woh bhi paagal hua juda ho kar
Umar bhar mein phir bhi safar mein raha

Aik jadugari to thi tujh me
Mein bhi kuch din tere asar mein raha

Bheegta doobta raha dil mein
Tera chehra meri nazar mein raha

Pesh-kash maan li zamane ne
Aur ek mein, Agar magar mein raha_____!!
__________________________

Main Din ko Kahon Raat Wo Iqraar Kry

Main Din ko Kahon Raat Wo Iqraar Kry
Mujhko Hasrat hai Koi Youn Bhi Mujhe Piyaar Kry

Meri Khatir Wo Sahy Dunya ke Ta’ny , Dhaky
Nangy Pairon se Wo Seharaoun ke Kanty Chakhy

Mujhko Paany Ke Liye June k Rozy Rakhy
Main Hon Dewana, Wo Dewno Sa Izhaar Kry

Main Din ko Kahon Raat Wo Iqraar Kry
Mujhko Hasrat hai Koi Youn Bhi Mujhe Piyaar Kry______!!
__________________________

Jab Tumhari Aankh Ho Gehrey Sumandar Ki Tarah

Jab tumhari aankh ho gehre sumandar ki tarah
Kion na lagata ho samandar dida-e-tar ki tarah

Iss lie roshan kia hai tere chehre ka charagh
Dopahar tarekh hai mere maqadar ki tarah

Nashna sa jiss ki diwaren hain dar bhi ajnabi
Wo mila tha mujh ko hamesha ikk nae ghar ki tarah_______!!
__________________________

Tum Jis Baat Pay Hanste Ho Main Ro Parta Hoon

Tum jis baat pe hanste ho main ro parta hoon
Main jis baat pe rota hoon tum hanss dete ho

Main jis baat pe bujh jaaon tum khil jate ho
Main jis baat pe marta hoon tum jee uthte ho

Main jiss baat pe dard mein dooba rehta hoon
Tum us baat pe roshan roshan lagte ho

Soch raha hon kitne zyada alag alag hain
Teri meri soch ke dhaarey

Kitne zeyada judaa judaa hain
Soch raha hoon

Itne mukhaalif tufaanon ko sahain ge kese
Tum aur mein ik chat ke neechey rahain ge kese____!!
__________________________

Jaab Bhi Raat Ko Ghar Aata Hon

Jaab bhi raat ko ghar ata hon
Apne darwaze pe dastak dete lamhe

Aksar meri soch yee mujh se kahti hai
Aaj tou darwaza khole gi

Mujh ko dekh ke muskaey gi
Mera matha chomay gi
Sharmayay gi ___!!
Ghar me dakhil ko kar me bhi koe shararat kar don ga
To Khud me simat kar rah jay gi
Me bhi kitna pagal hon na
Kia kia socha karta hon
Me bhi kitna pagal hoon na____!!
__________________________

Jo Us K Samney Mera Yeh Haal Aa Jaaye

Jo us ke samne mera yeh haal aa jaye
To dukh se aur bhi us par jamal aa jaye

Mera khayal bhi ghunghru pehen ke nachey ga
Agar khayal ko tera khayal aa jaye

Har ek shaam naye khawab is pe garrhain ge
Hamare hath agar teri shaal aa jaye

Unhi dinon woh mere sath chaye peeta tha
Kahin se kaash mera pichla saal aa jaye

Main apne gham ke khazaney kahan chupaon ga
Agar kahin se koi aur maal aa jaye

Har aik baar naye dhang se sajayen tujhe
Hamare hath jo phoolon ki dhaal aa jaye

Yeh doobta hua suraj theher na jaye Wasi
Agar woh saamne waqt-e-zawaal aa jaye___!!
__________________________

Jo meri ankhon se khawab daikho

Jo meri ankhon se khawab daikho
To aik shab bhi shab na so sako ge

K lakh chaho na hans sako ge
Hazaar chaho na ro sako ge

K khawab kia hain aazaab Hain yeh
Mere dokhon ki kitaab hain yeh

Rifaqatain In main chotti hain
Mohabbatain in me rothati hain

Pinapti hain in me wahshaten se
Aziaten in main photati hain

Unhi ke dar se khizan hain jazbe
Unhi se shakhen se totati hain

Ghamon ki bandish hain khawab mere
Dhokon ki barish hain khawab mere

Obhal raha hai dukhon ka lava
Rahen atish hain khawab mere

Khayal sare Jholas gae hain
Sulagti Khwahish hain khuaab mere

Okharti Sansain hain Zindagi ki
Lahoo ki sazish hain khawab mere

Jo meri ankhon se khawab dekho
To aik shab bhi na so sako ge____!!
__________________________

Kahin Jaye Ssay Meri Duaayen Yaad Karti Hain

Kahin jaye usey meri duyayen yaad karti hain
Usey kehna usey meri wafayain yaad karti hain

Main aksar aayiney ke samne bechain rehti hoon
Kisi ne khat mein likha hai, adayain yaad karti hain

Usey kehna khazayen aagayi hain ab to laut aye
Usey kehna december ki hawaayain yaad karti hain

Usey kehna ke aankhon mein ghanni badli si chaayi hai
Jinhain dil pe barasna hai, ghatayain yaad karti hain

Geya tha jab tu meri khawhishain bhi sath le jata
Lahuu mein naachti kuch iltjaayain yaad karti hain____!!
__________________________

Kal Hamesha Ki Tarha Us Ney Kaha Ye Fone Par

Kal hamesha ki tarha us ne kaha ye fone par
Me bahut masrof hon mujh ko bahut se kaam hain

Iss liye tum ao milney me to aa sakti nahin
Har riwayat torh kar is baar me ne keh diya

Tum jo ho masrof to me bhi bahut masrof hon
Tum jo ho mashhoor to me bhi bahut maroof Hon

Tum agar ghamgen ho me bhi bahut ranjor Hon
Tum thakan se chor to me bhi thakan se choor Hon

Jan-e-man hai waqt mera bhi bahut hi qemti
Kuch purane doston ne milne ana hai abhi

Mein bhi ab farigh nahin mujh ko bhi lakhon kaam hain
Warna kehne ko to sab lamhe tumhare naam hain

Meri ankhein bhi bahut bojhal hain sona hai mujhe
Ratjagon ke bad aab nendon me Khona hai mujhe

Mein lahoo apni anaoon ka bhaha sakta nahin
Tum nahin ati to milney me bhi aa sakta nahin

Us ko ye keh kar Wasi me Ne reciever rakh diya
Aur phir apni aana ke paon pey sar rakh diya___!!
__________________________

Ab Koi Yaar Hai Na Baili Hai

Ab koi yaar hai na baili hai
Zindagi dard ki saheli hai

Uthne joga nahin hai tere baad
Dil ne takleef aesi jhaili hai

Sham se is liye mohabbat hai
Teri yadon ke sath kheli hai

Muztarib kyon na hoon shab-e-hijran
Dard ki gaud mein akeli hai

Koi batlaye khawab ka mafhoom
Raat hai, saamp hai, chambeli hai

In lakeeron mein tu nahin to Wasi
Kitni veeran yeh hatheli hai_______!!
__________________________

Qalam Ho Taigh Ho Taisha K Dhaal Mat Cheno

Qalam ho taigh ho taisha k dhaal mat cheno
Kabi kisi se kisi ka kamal mat cheno

Khushi isi me agar hai to har khushi lay lo
Yeh dukh yeh dard yeh huzan o malal mat cheno

Isi khalash k sabab phir muje obharna hai
Khuda k wastay ahed-e-zawal mat cheno

Me chor sakta nahin sath istiqamat ka
Meri azan se josh-e-Bilal mat cheno

Abi kitab na cheno tum in k hathon se
Hamare bachon ka hussan-o-jamal mat cheno

Hamari ankh me yaadon k zakham rehnay do
Hamare hath se pholon ki dhaal mat cheno

Abi bhojao na Candle na cake katon abi
Kuch aar dair mera pichla saal mat cheno__!!!
__________________________

Teri Har Baat Say Anjaan Bhi Ho Sakta Hai

Teri har baat se anjaan bhi ho sakta hai
Dil-e-wehshi, dil-e-nadaan bhi ho sakta hai

Hum jahan beth ke taaron se teri baat karain
Woh kisi jism ka dalaa’n bhi ho sakta hai

Yeh jo ik bherriya* jungle mein hua karta hai
Kal isi bhaiss* main insaan bhi ho sakta hai

Ain mumkin hai jisey dil ke bajaye thaamon
Ab kisi shokh ka damaan bhi ho sakta hai

Titliyaan nochney* ka jurm kiya hai jis ne
Woh mere sheher ka sultaan bhi ho sakta hai

Aaj dil mein teri yadon ke diye jalte hain
Kal yehi rasta sunsaan bhi ho sakta hai

Jo tujhe aur kisi ka hone nahin deta
Yeh mere ishq ka imkaan bhi ho sakta hai

Yeh jo ik shakhs tujhe dekh kar roshan hai bohat
Bujh bhi sakta hai yeh veeraan bhi ho sakta hai_____!!
__________________________

Us K Haathon Say Jo Khushbu-E-Hina Aati Hai

Us k hathon se joo khoshbo-e-hina atii hai
Aisa lagta hai k jannat se hawaa atii hai

Chomne daar ko kis dhaj se chala hai koi
Aj kis naaz se maqtal mee qaza aati hai

Na kabhi koi kare tujh se tere jaise salook
Hath uthtay hi yehi lab pe dua aati hai

Tere gham ko ye bar-hana nahin rehne deti
Meri ankhon pe jo ashkon ki rida aati hai

Us ke chehray ki tamazat bhi hai shamil is main
Aaj tapti hoi saavan ki ghata aati hai

Ghomnay jab bhi tere shehar me jati hai wafa
Bain karti hui wapis woh sada aati hai

Hai wohi bat har ik lab pe bohat aam yahan
Hum se jo kehte hue un ko haya ati ha____!!!
__________________________

Tum Ney Kaha Tha

Tum ne kaha tha
Pehli barish ke parte hi
Laut aao ge___!!
Hum aur tum mil kar bheegain ge
Dekho jana___!!
Kitni phua’rain beet chuki hain
Saawan phir se laut ke aaya hai
Barson pehle kiya tha tum ne
Mujh se ehad
Nibhaa jao na
Janaan! Laut ke aajao naa
Ab to laut ke aajao naa__!!
__________________________

Tumhen Jana Ijazat Hai

Tumhen janna ijazat hai
Keh in tareekh rahon par
Thakan si khud me pao to
Andheron se kabhi dil dool jae
Thak si jao to
Mere jultey hoe lamhon
Mere kangal hathon se chora ke apny hathon ko
Fiza ki naghmagi se tum nae geet chun lena
Haseen palkon ki nokon per nae kuch khawab bun lena
Koi agar poch le mera to us se zikar mat karna
Mery jivan ki jalti dopahar se be gharaz ho ker
Tum apni chandni raton me jugno palti rehna
Meri tanhaiyon ki wehshaton ki fikar mat karna
Tumhein iski ijazat hai
Mere sub khat jala dena
Mere tohfon ko darya me baha dena
Tumhein bilkul ijazat hai
Keh jab chaho bhula dena
Muger itni guzarish hai
Agae aiisa na ho janna
To acha hai_____!!
__________________________

Kab Nahin Naaz Uthaaye Hain Tumharey Meiney

Kab nahin naaz uthaye hain tumhare mene
Dekho aanchal pe sajaye hain sitare mene

Wohi lamhaat asaasa hain mere jeevan ka
Jo tere qurb mein lamhaat guzaarey mene

Roz aate hain mujhe yaad tere zulm-o-sitam
Roz khanjar keyi seeney mein utare mene

Har bahana tera aankhon mein saja kar rakha
Apne seeney se lagaye tere laaray mene

Meri pooron se mehek ati rahi hai din bhar
Jab bhi khawbon mein tere baal sanwarey mene

Teri chokhatt pe keyi baar huyi mujh ko shikast
Teri dehleez pe aansu keyi haarey mene

Meri awaaz akeli hi palat kar aayi
Jab musibat mein kabhi yaar pukarey mene____!!
__________________________

Meine Ghar K Saarey Mosam

Meine ghar ke sarey mausam
Sab deewarain
Saarey pardey
Yaadon se rang daaley hain
Tum aao ge
Tum is ghar ki har khirrki
Har bagheechey
Har ik goshay ko
Apne rang mein dooba hua mehsus karo ge
Aajao na___!!
Aa bhi jao__!!
__________________________

Jo Apni Umar Say Aagey Nikal Rahi Ho Tum

Jo apni umar se aagey nikal rahi ho tum
Tumhain khabar hai jawani mein dhal rahi ho tum

Kabhi tumhe bhi to daawa tha sard-mehri ka
Kisi ke lamss ko paa kar pighal rahi ho tum

Batao kyon nahin roka tha jaane waley ko
Ab aik umar se kyon hath mall rahi ho tum

Jo waaldain ne tum se kaha woh maan liya
Ab apni aag mein chup chaap jal rahi ho tum

Hamare dil ka khilona tumhi ne torra hai
Ab isi khilone ki khatir machal rahi ho tum

Tumhe gumaa’n hai ke mein janta nahin kuch bhi
Mujhe khabar hai ke rasta badal rahi ho tum______!!
__________________________

Saanp Hee Saanp Nazar Aatay Hain Khwaabon Mein Mujhe

Saanp Hee Saanp Nazar Aatay Hain Khwaabon Mein Mujhe
Zindagi Ghairnay Waali Hai Azaabon Mein Mujhe

Ek Tasveer Thi Aur Wo Bhi Kaheen Guum Kar Di
Umer Bhar Dhoondna Ab Apni Kitaabon Mein Mujhe

Jab Se Utra Hai Tere Dard Ka Nasha Mujh Mein
Lutf Aata Nahi Duniya Ki Sharaabon Mein Mujhe

Wo Mujhe Chhorr Gaya Tha Kisi Rangeeni Mein
Wo Jo Ab Dhoondta Rehta Hai Kharaabon Mein Mujhe

Tum Ne Ek Umer Kia Hai Nazar Andaaz “Wasi”
Aur Ab Dhoondtay Phirtay Ho Saraabon Mein Mujhe

Zaroob-o-Taqseem “Wasi” Ishq Mein Laa Haasil Hai
Jaanay Kiun Khojtay Rehtay Ho Hisaabon Mein Mujhe___!!
__________________________

Kaheen Charaagh Hain Roshan, Kaheen Pe Maddham Hain

Kaheen Charaagh Hain Roshan, Kaheen Pe Maddham Hain
Tumhaaray Aanay Ke Imkaan Hain, Magar Kam Hain

Mein Lout-tay Howay Chupkay Se Chhor Aaya Tha
Tumhaaray Takye Pe Mere Hazaar Mausam Hain

Tumhaaray Paon Ko Chhuu Kar Zamaana Jeet Liya
Tumhaaray Paon Nahi Hain, Ye Ek Aalam Hain

Mohabbatain Huween Taqseem Tou Ye Bhaid Khulaa
Hamaray Hissay Mein Khushian Nahi Hain, Maatham Hain

Kuch Isi Lye Bhee Hamain Dukh Se Dar Nahi Lagta
Hamaari Dhaal Tere Dard Hain, Tere Gham Hain

Abhi Kaho, Tou Abhee, Ye Bhi Tum Ko De Dein Ge
Hamaaray Paas Jo Ginti Ke Ek Do Dam Hain

Abhi Khulain Ge Bhalaa Kaisay Kaainaat Ke Raaz
Teri Kamar Mein Kayi Morr Hain, Kayi Kham Hain____!!
__________________________

Chahay To Kaam Main La, Chahey Nikama Kar Dey

Chahay tu kaam main la, Chahe nikama karde
Main tera hoon, teri marzi mujhr jesa karde

Tera bemar hoon azloon say, Na mar jaon kahin
Ek nazar dekh lay mujh ko mujhe acha karde

Tujh se bas itni he khuwahish mere malik ki hai
Us ke dil ko main Lubhaa loon mujhe aesa karde

Jo tera ho ga zamanay se wo kat jaye ga
Tu to jis shaks ko chahe usey tanha karde

Aesa noor ayee ke dunia mera chehra dekhe
Tu jo palkon ka mere Chehray pay saya karde

Wo khuda tujh se faqeeron ki to sun leta hai
Us se kehna k mujhay ishq main Ruswa karde

Mujh ko deta hay wo izat, yeh karam hai uska
Tere bas main ho agar tu mujhay Ruswa karde___!!
__________________________

Tum Wahan Ho Yahan Nahin Ho Tum

Tum wahan ho, yahan nahin ho tum
Gham hi gham hain, jahan nahin ho tum

Ab kisi aur simt dekhta hoon
Ab mera aasmaan nahin ho tum

Ishq zinda rahe ga mera
Haan magar jaavedaa’n nahin ho tum

Yeh zameen, aasman, hamara dil
Har jagha ho, kahan nahin ho tum

Tum karri dhoop ka safar na sahi
Haan magar saayebaa’n nahin ho tum

Meri yadain tumhare sar per hain
Jane man! be’imaan nahin ho tum

Kis liye aap aap karte ho
Mujh se gar bad’gumaan nahin ho tum____!!
__________________________

Dard Ki Dil Pey Hakoomat Thi, Kahan Tha Us Waqt 

Dard ki dil pe hakumat thi, Kahan tha us waqt ?
Jab mujhe teri zaroorat thi, Kahan tha us waqt ?

Maut ke sukh mein chala aya mujhe dekhne ko,
Zinda rehne ki museebat thi, Kahan tha us waqt ?

Dil ke darya’on mein ab rait hai sehraon ki,
Jab mujhe tujhse mohabat thi, Kahan tha us wakt ?
__________________________

Roshni Aur Bahaarain Tumhi Rakh Lo Jana

Roshni aur baharain tumhi rakh lo jana
Mere jugnu mere mausam wapis kar do

Meri hasrat, meri mehroomiyan lauta do mujhe
Mere aansu, mere maatam mujhe wapis kar do

Jane waley se bas itna hi kaha tha mene
Kuch na lotao mere gham mujhe wapis kar do

Kyon yeh takraar si hone lagi “Main” ki jana’n
Woh to hum tum mein tha, ik “Hum” mujhe wapis kar do

Jitni khushiyan hain woh rakh lo meri janib se Wasi
Meri aankhon mein chupey namm mujhe wapis kar do_____!!
__________________________

Tere Firaaq Ke Lamhay Shumaar Kartay Howay

Tere Firaaq Ke Lamhay Shumaar Kartay Howay
Bikhar Chalay Hain Tera Intezaar Kartay Howay

Tou Mein Bhi Khush Hun Koi Os Se Ja Ke Keh Dena
Agar Wo Khush Hai Mujhe Be-Karaar Kartay Howay

Tumhain Khabar Hee Nahi Koi Toot Gaya
Mohabbaton Ko Bohat Paayedaar Kartay Howay

Mein Muskurata Howa Aainay Mein Ubhruun Ga
Wo Ro Paray Gi Achaanak Singhaar Kartay Howay

Mujhe Khabar Thi Ke Ab Lout Kar Na Aaon Ga
So Tujh Ko Yaad Kia Dil Pe Waar Kartay Howay

Wo Keh Rahi Thi Samandar Nahi Hain Aankhain Hain
Mein Un Mein Doob Gaya Aitebaar Kartay Howay

Bhanwar Jo Mujh Mein Parray Hain Wo Mein Hee Jaanta Hun
Tumhaaray Hijr Ke Darya Ko Paar Kartay Howay_____!!

Read More..

Read More

Wasi Shah Poetry

Kabhi Jo Hum Nahi Hon Gay

Kabhi jo hum nahi hoon gy
Kaho kis ko batao gy

Wo apni uljahnain sari
Wo becheni main dooby pal

Wo ankhon main chupe ansu
Kise phir tum dikhao ye

Kabhi jo hum nahi hoon gy
Bohat bechain ho gy tum

Bohat tenha reh jao gy
Abhi b tum nahi sumjhe

Hamari unkahi batein
Mager jub yaad aayen gy

Bohat tum ko rulayen gy
Bohat chaho gy phir b tum

Humein na dhoond pao gy
Kabhi jo hum nahi hoon gy___!!
__________________________

Jabb Sa Tere Khyal Ka Mosam Hua Hai Dost

Jabb se tere kheal ka mosam hoa hai dost
Dunia ki dhop chaon se age nikal gae

Mur mur k abb bhi kheet sadaen diya kae
Abb k bhi tere gaon se age nikal gae

Hum ko palat k daikhana mushkal sa ho gea hai
Shaid teri sadaon se age nikal gae___!!
__________________________

Abhi To Ishq Mein Aisa Bhi Haal Hona Hai

Abhi tu ishq mein aisa bhi haal hona hai
K ashk rokna tum sa mahaal hona haai

Har aik lab per hain mere wafaa k afsanay
Teray sitam ko abhi la-zawaal honaa hai

Tumhein khabar hi nahin,tum to lot jao ge
Tuhare hijar mein aik lamha saal hona hai

Humari rooh pe jab bhi azaab utrein ge
Tumhari yaad ko is dil ki dhaal hona hai

Kabhi to roye ga wo bhi kisi ki bahon mein
Kabhi to uski hansi ko zawaal hona hai

Mile gi hamko bhi apne naseeb ki khushiyan
Bas intazar hai kab ye kamal hona hai

Har ek shakhs chalay ga humari raahon par
Muhabaton mein humain wo misaal hona hai

Zamana jiske kham-o-paich mein ulajh jaye
Humari zaat ko aisa sawal hon hai

Yaqeen hai mujh ko k wo lot aaye ga
Usay bhi apne kiye ka malaal hona hai____!!
__________________________

Teri Jabee’n Pay Likha Tha K Tou Bhula Dega

Teri jabee’n pe likha tha ke tu bhula dega
So mein bhi bhaamp geya tha ke tu bhula dega

Har aik shakhs se larta raha mein tere liye
Har ik ne mujhe se kaha tha ke tu bhula dega

Yeh teri aankhon pe halqey se parr gaye kaise
Mujhe to tu ne kaha tha ke tu bhula de ga

Nikaal laya hai ilzaam phir puraney tu
Yeh hum ne tey’y bhi kiya tha ke tu bhula de ga

Kuch is liye bhi ke ik til tha teri ankhon mein
Mujhe to tab pata tha ke tu bhula de ga_______!!
__________________________

Main Woh Nanha Bacha Hon

Main wo nanha bacha hon
Bhol nahin sakata hai jo
Aur ikk ojare station par
Apni maa se bichar gea hai
Maa bechari
Jane kab se
Mujh ko chalati gharhi me hi dhond rahi hai_____!!
__________________________

Jane Kis Cheez Ki Wo Mujhko Saza Deta Hai

Jane kis cheez ki wo mujhko saza deta hai
Meri hansti huyi aankhon ko rula deta hai

Kis tarah baat likhun dil ki usse, wo aksar
Doston ko mere khat padh ke suna deta hai

Saamne rakh ke nigaahon ke wo tasveer meri
Apne kamre ke charaaghon ko bhuja deta hai

Muddaton se to khabar bhi nahi bheji usne
Uski aadat hai wo apno ko bhula deta hai_______!!
__________________________

Mujhe Teri Mohabbat Mein Kho Jaane Do

Mujhe teri mohabbat mein kho jaane do
Har lamha mar ke aaj phir jee jaane do

Isse mahobbat ne dil ko aaj phir dhadkaya hai
Mujhe ishq ki baaho mein so jaane do

Tadap ki aag hai judaai ki baahon mein
Mujhe aaj iss mohabbat se mil jaane do

Meri saans chalti hai tere naam ki aahat pe
Mujh benaam ko iss naam mein kho jaane do

Kasam tujhe chalne wali hawaon ki mehboob
Mujhe iss mohabbat ki aag mein jal jaane do___!!
__________________________

Meri Aankhon K Sumandar Mein Jalan Kaisi Hai

Meri ankhon k samandar me jalan kaisi hai
Ajj phir dil ko tarapane ki lagan kaisi hai

Abb kisi chat pe charaghon ki qataren bhi nahin
Abb tere sheher ki galiyon me ghathan kaisi hai

Baraf k roop me dhal jaen ge sare rishate
Mujh se pocho k mohabbat ki agan kaisi hai

Me tere wasal ki khawaish ko na marane doon ga
Mosam-e-hijar k lehaje me thakan kaisi hai

Regazaron me jo banti rahi kanton ki rida
Uss ki majboor si ankhon me kiran kaisi hai

Mujhe masom si larki pe taras ata hai
Isi daikho to mohabbat me magan kaisi hai____!!!
__________________________

Gali Main Dard Ke Purzay Talash Karti Thi

Gali Main Dard Ke Purzay Talash Karti Thi
Mere Khatoot Ke Tukray Talaash Karti Thi

Kahan Gayi Wo Kunwari, Udaas Bee Aapa ?
Jo Gaon Gaon Mein Rishtay Talaash Karti Thi

Bhulaye Kon Azyat Pasandiyan Uski
Khushi Ke Dhair Main Sadmay Talaash Karti Thi

Ajeeb Hijr Parasti Thi Uski Fitrat Main
Shajar Ke Toot’tay Pat’tay Talaash Karti Thi

Qayaam Karti Thi Wo Mujh Main Soofiyon Ki Tarhan
Udaas Rooh Ke Goshay Talaash Karti Thi

Tamaam Raat Wo Parday Hata Ke Chand Ke Saath
Jo Kho Gaye Thay Wo Lamhay Talaash Karti Thi

Kuch Is Liye Bhi Mere Ghar Se Us Ko Thi Vehshat
Yahan Bhi Apne Hee Pyaaray Talaash Karti Thi

Ghuma Phira Ke Judai Ki Baat Karti Thi
Hamesha Hijr Ke Harbe Talaash Karti Thi

Tamam Raat Wo Zakhma Ke Apni Pooron Ko
Mere Wajood Ke Raizay Talaash Karti Thi

Duaein Karti Thi Ujrre Huway Mazaron Per
Baray Ajeeb Sahaaray Talaash Karti Thi

Mujhe to Aaj Bataya Hai Baadlon Ne ”Wasi”
Wo Laut Aanay Ke Raastay Talaash Karti Thi______!!
__________________________

Tamam Shaher Mein Abb To Hai Raaj Kantoon Ka

Tamam shaher me abb to hai raaj kanton ka
Mujhe qabool nahin ye samaj kanton ka

Chalo k kuch to tasali hoi mere dil ko
Isi me khosh hon k paya kheraj kanton ka

Hamare phool se chehron ko nochane walo
Kabhi to tum pe bhi otare anaj kanton ka

Sambhal sakte nahin hum ye gham ki jageren
Otar lijiye sir se yee taaj kanton ka

Ye aur baat k gull ki tarah mehakate rahe
Wagarna rakhate the hum bhi mizaj kanton ka

Bahot ajeeb se lehje mee baat karta hai
Hai ajj phool me kuch imtazaj kanton ka____!!
__________________________

Mein Yun Miloon Tujhse Ke Tera Libaas Ban Jaon

Mein Yun Miloon Tujhse Ke Tera Libaas Ban Jaon
Tujhe Bana Ke Samandar Aur Khud Pyaas Ban Jaon

Aaj Pehloon Mein Mujhe Toot Ke Bikhar Jane Do
Kal Ko Shayad Mumkin Nahi Ke Mein Tumko Paon

Tu Ban Jaye Lehar Aur Mein Sahil Ban Jaon
Ho Ishq Mera Sahil To Mein Roz Tujhse Takraon

Mein Yun Miloon Tujhse Ke Tera Libaas Ban Jaon
Tujhe Bana Ke Samandar Aur Khud Pyaas Ban Jaon___!!
__________________________

Hazaron Dukh Parein Sehna Mohabbat Mar Nahin Sakati

Hazaron dukh paren sahnna mohabbat mar nahin sakati
Hai tum se bus yahii kahna mohabbat mar nahin sakati

Tera har bar maire khat ko parhna aur ro daina
Maira har bar likh daina mohabbat mar nahin sakati

Kiya tha hum ne campus ki nadi par ikk haseen waadda
Bhaly hum ko parhy marna mohabbat mar nahin sakati

Jahan main jab talak panchi chahaktay urahtay phiraty hain
Hai jab tak phool ka khilana mohabbat mar nahin sakati

PuranE ahhad ko jab zinda karne ka khayal ae
Mujhe bus itna likh daina mohabbat mar nahin sakati

Wo tera hijar ki shab main fone rakhany se zara pahalay
Bahat rotey hue kahna mohabbat mar nahin sakati

Agar hum hasaraton ki qabar main hi dafan ho jaen
To yeh qatabon py likh daina mohabbat mar nahin sakati

Purane rabaton ko phir nae waadde ki khawaish hai
Zara ikk baar to kahna mohabbat mar nahin sakati

Gae lamhat fursat k kahan se dhoond kar laon
Wo pahron hath par likhna mohabbat mar nahin sakati_______!!
__________________________

Maan Lai Ab Bhi Meri Jaan-E-Adaa Dard Na Chun

Maan lai ab bhi meri jaan-e-adaa, dard na chun
Kaam aati nahin phir koi duaa, dard na chun

Aur kuch dair mein mujh ko chale jana hoga
Aur kuch dair mujhe khawab dikha, dard na chun

Aik bhi dard na kam hoga keyi sadiyon mein
Ab bhi kehta hoon tujhe waqt bachaa, dard na chun

Woh jo likha hai kisi taur nahin ttal sakta
Aa mere dil main koi deep jala, dard na chun

Main tere lamss se mehroom na rah jaaon kahin
Aakhri baar mujhe khud se laga, dard na chun

Ab to yeh raishmi purain bhi chaddi jati hain
Khud ko ab bakhssh bhi de, zulm na dhaa, dard na chun

Yeh nahin hon ge to khali nahin ho jaon ga mein
Mere zakhmon se koi geet bana, dard na chun

Kuch na de ga yeh masaayel se ulajhtey rehna
Chorr sab kuch meri banhon mein samaa, dard na chun____!!
__________________________

Kitne Aziyat Say Uss Nay Mujh Ko Bhulaya Hoga

Kitne Aziyat Say Uss Nay Mujh Ko Bhulaya Hoga
Mere Yadoon Nay Ussay Khub Rulaya Hoga

Baat Be-Baat Aankh Uss Ki Jo Chalki Hogi
Uss Nay Chahray Ko Bazuoon Main Chupaya Hoga

Soocha Hoo Ga Uss Nay Din Main Kaye Baar Mujhy
Naam Hathele Par Bhe Likh Likh Kay Mitaya Hoga

Jahan Us Nay Mera Ziker Suna Hoo Ga Kisi Say
Uss Ki Aankhoon Main Koe Aansoo Tu Aya Hoga

Raat Kay Bhegnay Tak Neind Na Aye Ho Gi Tujhy
Tuu Nay Takeye Ko Bhe Senay Say Lagaya Hoga

Hoo Kay Nidhal Mere Yadoon Say Tuu Nay Jana
Mere Tasveer Pay Sar Apna Tikaya Hoga____!!

Poocha Hoo Ga Jo Kisi Nay Tere Halat Ka Sabab
Tuu Nay Batoon Main Khub Us Say Chhupaya Hoga_______!!
__________________________

Meri Wafa Ney Khilaye They Jo Gulaab Sarey Jhulas Gaye Hain

Meri wafa ne khilaye the jo gulaab Sare jholas gae hain
Tumhari ankhon mai jis qadar the wo khawab sare jhulas gae hain

Meri zameen ko Kisi nae haadse ka hai inatizar shayed
Gunah phalane lage hain ajar-o-sawab sare jhulas gae hain

Jo tum gae to meri nazar pe haqeqaton k aazab otare
Yeh sochata hun k Kia karon ga sarab sare jhulas gae hain

Ye mojaza sirf ikk shab ki musafaton ke sabab hua hai
Tumhare aur mere darmiyan ke hijab sare jhulas gae hain

Use batana K us ki yadon k sare safahe jala chuka hun
Kitaab-e-dil mai raqam the jitne wo baab sarejJhulas gae hain

Nazar othaon mai jis taraf bhi muheb saye hain zulmaton K
Yeh kia K mere naseeb k mahtaab sare jhulas gae hain

Tumhari nazron ki ye tapish hai k mere lafzon pe aabley hain
Sawal sare jhulas gaehHain jawab sare jhulas gae hain

Ye agg khamoshiyon ki kaisi tumhari ankhon mai tairti Hai
Tumhare honton pe daraj the jo nisaab sare jhulas gae hain_____!!
__________________________

Jo Bhi Deewar Hai Raastey Main Giraa K Ro Lain

Jo bhi deewar hai raste main giraa ke ro lain
Aao ik doojay ko seene se laga ke ro lain

Saamne tu hai to hum dil mein bhi ro sakte hain
Yu’n karain hum tujhe baaton mein laga kar ro lain

Tere aaney se yeh naraaz raha karte hain
Jee mein hai aaj har ik gham ko manaa kar ro lain_____!!
__________________________

Mohabbat Phir Mohabat Hai

Mohabbat phir mohabat hai
Kabhi dil se nhi jaati
Hazaron rang hain is k
Ajab hi dhang hain is k
Kabhi sehra, kabhi darya
Kabhi jugnu, kabhi aansu
Hazaron roop rakhti hai
Badan jhulsa k jo rakh day
Kabhi wo dhoop rakhti hai
Kabhi ban ker ye ek jugnu
Shab-e-gham k andheron mein
Dilon ko aas deti hai
Kabih manzil kinaarey per
Piyasa maar deti hai
Azziyat hi azziyat hai
Magar ye bhi haqiqat hai
Mohabat phir mohabat hai
Kabhi dil se nhi jaati_____!!
__________________________

Tumhain Janan Ijazat Hai

Tumhain Janan Ijazat Hai
K in Tareek Rahon Par
Thakan Si Khud Mein Pao to
Andheron Se Kabhi Dil Dol Jae
Thak Si Jao To
Mere Jalte Hue Lamhon
Mere Bekangal Hathon Se ChOra K Apne Hathon Ko
Fiza Ki Naghmagi Se tum Nae Geeton Ko Chun Lena
Haseen Palkon Ki Nokon Par Nae Khawab Bun Lena
Koi Gar Pooche Mera To Usse Zikar Mat Karna
Mere Jeevan Ki Jalti Dopahar Se Begharz Ho Kar
Tum Apni Chandni Raton Mein Jugnoo Palti Rehna
Meri Tanhaiyon Ki Wehshaton Ki Fikar Mat Karna
Tumhein Is Ki Ijazat Hai
Mere Sab Khat Jala Dena
Mere Tohfoon Ko Darya Mein Baha Dena
Meri Har Yad Ko Dil Se Khurachna
Or
Mita Dena
Tumhain Bilkul Ijazat hai
K Jab Chaho Bhula Dena
Magar Itni Guzarish Hai
Agar Aisa Na ho Janan
To Acha Hai Na________!!
__________________________

Kal Ajjab Saaneha Sa Hua Rait Par

Kal ajjab saneha sa hoa rait par
Naam tera na likh saka rait per

Kis ki awaz se tham gae hain qadam
Phir se kiss ne mujhe di sada rait per

Us ki ankhon se sholey nikalte rahe
Nachati reh gai kal ghata rait per

To ne jo bhi hawa se kaha reh gaya
Mit gaya mai ne jo bhi likha rait per

Main tumhen chomana chahata hon abhi
Uss ne mujh se yee ikk din kaha rait per

Abb ye sehara hi tere muqadar mein hain
To ne mangi hi kion thi dua rait per

Aik shola otha us jaga se WASI
Mera aansoo jahan gir gea rait per_____!!
__________________________

Eik Masoom Takaddus Me Bhigoya Huwa Lams

Eik Masoom Takaddus Me Bhigoya Huwa Lams
Kitna Pakiza Hay Ehsas Me Dhoya Huwa Lams

Ye Tere Jism Ki Khushbu Ka Sonehra Ehsas
Jis Terha Chand K Haaley Me Paroya Huwa Lams

Us K Hontoon Ko Me Chhu Loon To Gumaan Hota Hay
Jese Jannat K Gulaboon Me Daboya Huwa Lams

Jo Meri Rooh Me Utrey He Chale Jaate Ho
Ik Nae Rang Me Ubhrey Ga Ye Boya Huwa Lams

Bhegi Khusbo Mae Basa, Wasl Me Bhega Bhega
Kitna Masoom Hay Pehlo Me Ye Soya Huwa Lams

Tishnagi Aan Basi Hay Meri Pooroon Me WASI
Dhondta Phirta Hun Muddat Se Main Khoya Huwa Lams_____!!
__________________________

Sari Raat Ki Jaagi Aankhein

Sari raat ki jaagi aankhein
College mein kiya parrhti hon gi

Yunhi khoye, dil hi dil mein
Jaanay kiya kiya karti hon gi

Sari raat ki jaagi aankhen
Koi bolay, kaan na dharna

Koi hillay to ek dam darna
Koi daikhe in ka barhna

Apne aap say larti hon gi
Sari raat ki jagi aankhein

Apni kitaabein phartey rehna
Us ki baaten kartey rehna

Us ki yaadein ghartey rehna
Jeetay jeetay marti hon gi

Sari raat ki jagi aankhein
College mein kiya parrhti hon gi_____!!
__________________________

Mujh Ko Maloom Hai Tum Badal Jao Gey Ja K Pardeis Main

Mujh ko maloom hai tum badal jao ge ja k pardes main
Chahaton ki hadon se nikal jao ge ja ke pardes main

Rakh ho jae gi qarbaton main mehakti hoi zindagi
Hijar ki agg main pigal jao ge ja ke pardes main

Sab ko bholo ge par apne bachon ki jab tum ko yaad ae gi
Khod bhi bachon ki sorat machal jao ge ja ke pardes main

Apni pehchan ko khawahishon k samandar me gir kar kho dia
Dastanon me phr tum bhi dhal jao ge ja ke pardes main

Ain mumkin hai jab tum wahan jao to aur barah jaen dukh
Kis ne tum se kaha hai behal jao ge ja ke pardes main

Ye bata don tumhen sardiyan agg barsaen gin us jaga
Soch loo abb bhi tum warna jaal jao ge ja ke pardes main

Tum pe yon hath dalen gin tanhaiyan aik waqt ae ga
Koi ahhat bhi ho gi dhahal jao ge ja ke pardes main_____!!
__________________________

Sumandar Mein Utarta Hoon Tou Aankhen Bheeg Jaati Hain

Sumandar Mein Utarta Hoon Tou Aankhen Bheeg Jaati Hain
Teri Aankhon Ko Parhta Hoon Tou Aankhen Bheeg Jaati Hain

Tumhara Naam Likhne Ki Ijazat Chhin Gayi Jab Se
Koi Bhi Lafz Likhta Hoon Tou Aankhen Bheeg Jaati Hain

Teri Yaadon Ki Khushbu Khirkiyon Mein Raqs Karti hay
Tere Gham Mein Sulagta Hoon Tou Aankhen Bheeg Jaati Hain

Main Hans K Jheel Leta Hoon Judai Ki Sabhi Rasmein
Gale Jab Uss K Lagta Hoon Tou Aankhen Bheeg Jaati Hain

Na Jane Ho Gaya Hoon Iss Qadar Hassas Main Kab Se
Kisi Se Baat Karta Hoon Tou Aankhen Bheeg Jaati Hain

Wo Sub Guzre Hue Lamhat Mujh Ko Yaad Aate Hain
Tumhare Khat Jo Parhta Hoon Tou Aankhen Bheeg Jaati Hain

Main Saara Din Bahot Masroof Rehta Hoon Magar Junhi
Qadam Choukhat Pe Rakhta Hoon Tou aankhen Bheeg Jaati Hain

Her Ek Muflis K Maathe Per Alum Ki Daastanen Hain
Koi Chehra Bhi Parhta Hoon Tou Aankhen Bheeg Jaate Hain

Bare Logon K Oonche Badnuma Aur Sard Mahlon Ko
Ghareeb Aankhon Se Takta Hoon Tou Aankhen Bheeg Jaati Hain

Tere Kooche Se Ab Mera Ta’alluq Wajbi Sa Hay
Magar Jab Bhi Guzarta Hoon Tou Aankhen Bheeg Jaati Hain

Hazaron Mausamon Ki Hukmarani Hay Mere Dil Per
Wasi Main Jab Bhi Hansta Hoon Tou Aankhen Bheeg Jaati Hain_______!!
__________________________

Kitni Zulfain Khulin Kitney Aanchal Urhey Chand Ko Kaya Khabar

Kitni zulfain khulin kitne anchal urhey chand ko kia khabar
Kitna matam hoa kitne annsoo beahay chand ko kia khabar

Modatoon us ki khawaish main chaltay rehay hath ata nhin
Cha main us ki paron main hain abley chand ko kia khabar

Wo jo nikala nahin to batakte rahe hain mosafar kai
Aur lotate rahe hain kai qafile chand ko kia khabar

Wo to apni hi nagri main madhosh hai kab sa khamosh hai
Kon raja bana kitnE Syed lote chand ko kia khabar

Us ko dawa babot methe pan ka WASI chandni se kaho
Us ki kiranon se kitne hi ghar jal gae chand ko kia khabar_______!!
__________________________

Yahin Pey Tha Mera Bachpan Yahin Kahin Pey Tha

Yahin pe tha mera bachpan, yahin kahin pe tha
Yahin hansa tha
Yahin kahi pe roya tha
Yahin darakhton k saye main
Thak k soya tha
Yahin pe jugnuon se apni bat chalti thi
Wo hansi jo har pal sath chalti thi
Yahin pe tha wo larakpan
Yahin kahin pe tha
Yahin pe Maa mujh ko seeny lagaye rakhti thi
Yahin pe papa ne ik bar kaan khincha tha
Shararat kisi aur n ki thi saza?mujhy thi mili
Main kitni dear khara dhoop main raha tanha
Tamam yar mery khush meri saza pe thy
Yahin pe tha wo larakpan yahin kahin pe tha____!!!
__________________________

Jab Main Ghar Sey Nikal Raha Tha

Jab main ghar se nikal raha tha
Chaltey chaltey
Mery senny sey hatatey pal
Dherey se ikk sarghoshi main
Us ney kaha tha
Dekhain cahahy kuch bhi ho jae
Roz MujhyeRING ki jiye ga
Phir jab us ke hath aur nazrain
Dono meri tie per thin
Kehne lagi
‘’Aap nahin hotey hain to bilkul khali ho jati hon’’
Chor nahi sakty yeh BUSINESS ?
Aap mujhy kion tarpate Hain?
Acha daikhen yon karte hain
Aik din khat aur aik din phone
Main ney us ko Boosa de kar
Us sey kaha Tha
Aab k chahy kuch ho jae
Khat likhon ga phone karon ga
Haye ! lekin khod sar fitrat
Aur kuch karobar k jhunjhat
Naa to us ko phone kia tha
Aur naa hi koikhat likh paea
Naa koi MESSAGE naa hi card
Ab jo gher ko laut raha hon
Soch raha hon
Tanhai k ye do hafatey
Us par Sadiyon jaise hon ge
Lekin ye bhi janta hey dil
Us ko be hadd shikwe hon ge
Tararpati ho gi
Chup ker takiye main raaton ko roi ho gi
Khafa khafa si
Lekin gher main dakhil ho kar
Jab main us ke Mathe par ikk bosa doun ga
Un honton par hont rakhon ga
Aur kahon ga
‘’Yar mujhe tum yaad ayi Thin
Lamhy lamhy main soo baar’’
Bus itna hi kehna ho ga
Aur wo Pagli
Apna sab kuch sonp kar mujh ko
Mere seene lag jae gi
Phir jab us k hath aur nazrain
Dono mere seene K baalon per hon ge
Woh seena jo un ashkon se bheega ho ga
Sargoshi mai mujhse kahe gi
Aap bhaley abb kuch bhi kar lain
Hargiz abb naa janey don gi
Sachi aap to bahot bure hain
Bahot bure hain
Hain naa BHONGOO___!!!
__________________________

Jab Koi Naik Kaam Kartey Hain

Jab koi naik kaam karte hain
Jaane man tere naam karte hain

Tere chehre se dhoop lete hain
Teri zulfon mein shaam karte hain

Kis qadar tang hoon mohabbat se
Log yeh kese kaam karte hain

Un ki peshaaniyan chamakti hain
Jo mohabbat ko aam karte hain

Dil ke dalaa’n mein sajaa kar yaad
Jashan ka ehtamaam karte hain

Sochte hain tujhe wuzzu kar ke
Yu’n tera ehtraam karte hain

Hum se hi ibtidaa huyi jana’n
Hum hi ab ehtamaam karte hain_______!!
__________________________

Jann-E- Janna Tum Kehti Then

Jann-e- janna
Tum kehti then
Jannu! aap mere bache ho
Mujh ko aisa lagta hai tum orh k mere laho ko
Mere badan me soye rehe ho
Meri rooh ka nasha pi kar mere andher khoye rahe ho
Mere jisam ka hi hissa ho
Jann-e-janna tum tu kehti then
Jannu! aap mere bache ho
Liken aise
Jis ko me anchal k goshon me to chopa kar rakh sakti hon
Jis ko ankh ki patli me pinhan tu kar sakti hoon lakin
Is bache ko
Jannu! aap ko
Duniya ki nazroon me lana nahin hai mumkin
Bara kathan hai
Is dharti ki zalim resmain
Sab jhagre aur sabhi masaeel
Kab tasleem nahin hain mujh ko
Liken janna
Yeh batlao
Kia koi maa
Apne bache ko sardi me
Kholi hoi weran sarak per
Raat ki bheegi tanhai me
Sun sun kerti hui hawa ke jhonkon ke maqtal me
Chor k tanha
Manzal wali roshon raah pee chal sakti hai
Kia koi maa
Aisa b kuch kar sakti hai
Liken tum ne yehi kia hai
Jann-e-janna____!!
__________________________

Haaye Wo Lamha Ke Jab Tujh Se Shanasaayi Howi

Haaye Wo Lamha Ke Jab Tujh Se Shanasaayi Howi
Phir Jo Honi Thi Meri Jaan Wo Ruswaayi Howi

Apni Nakaam Mohabbat Ka Na Yun Charcha Karo
Zakham Barh Jaye Ga Gar Is Ki Paziraayi Howi

Phir Zamanay Mein Kisi Ne Ose Dekha Na Suna
Tere Darbaar Mein Jis Shakhs Ki Shanwaayi Howi

Jab Teri Yaad Ko Koi Bhi Thikaana Na Milay
Meri Baahon Mein Chali Aati Hai Ghabraayi Howi_____!!
__________________________

Aaj Youn Mosam Ney D Jashn-E-Mohabbat Ki Khabar

Aaj yon mosam ne di jashn-e-mohabbat ki khabar
Phot kar rone lage hain main mohabbat aur tum

Hum ne jonhi kar liya mehsus manzil hai qareeb
Raste khone lagate hain main mohabbat aur tum

Chaand ki kirnon ne hum ko is tarah bosa dia
Devta hone lage hain main mohabbat aur tum

Dhar gea ilzam jab se apni hurmat par koi
Barshen dhone lage hain main mohabbat aur tum

Aaj phir mehromiyon ki dastanen orh kar
Khak main sone lage hain main mohabbat aur tum

Kho gae andaz bhi awaz bhi ilfaz bhi
Khamashi dhone lage hain main mohabbat aur tum____!!
__________________________

Jis Sey Bandhey Thay Dono, Wo Gham Nahi Rahey Hain

Jis se bandhe thay dono, wo gham nahi rahe hain
Tum tum nahi rahe ho, hum hum nahi rahe hain

Chahat ke geet mein hai, koi kami yaqeenan
Akhir tere mere sur jam nahi rahe hain

Ro ro ke tere dukh, sehra sa ho gaya hoon
Ab aankh ke kinaray bhi nam nahin rahe hain

Lamhon ke pair par hain, kuch phool dard-e-gham ke
Jeewan mein ab khushi ke mausam nahi rahe hain

Tu aur simt mein hai, mein aur simt mein hoon
Ulfat ke raastay ab baham nahi rahe hhain

Fikr-e-muaash ne tu jazbon ko rond dala
Aashiq wagarna hum bhi kuch kam nahi rahe hain

Raahon mein ab kharha hoon, phelaae haath khali
Gham thay mera asasa aur gham nahi rahe hain

Tum hi the meri dunya, tum hi meri muhabbat
Tum jo nahi tu dono aalam nahi rahe hain_____!!!
__________________________

Bhanwar Ki Goad Mein Jaisey Kinara Sath Rehta Hai

Bhanwar ki goud me jaise kinara sath rehta hai
Kuch aise hi tumhara aur hamara sath rehta hai

Mohabbat ho k nafarat ho usi se mashwara ho ga
Meri har kafiyat me istekhara sath rehta hai

Safar me ain mumkin hai main khod ko chor don lekin
Duaen karne walon ka sahara sath rehta hai

Mere mola ne mujh ko chahaton ki saltanat de di
Magar pehli mohabbat ka khasara sath rehta hai

Agar syed mere lab par mohabbat hi mohabbat hai
To phir yeh kis lie nafarat ka dhahara sath rehta hai___!!
__________________________

Dayar-E-Gair Mein Kaisey Tujhey Sada Daitey

Dayar-e-gair me kaise tujhe sada daite
Tu mil bhi jata to akhir tujhe ganwa daite

Tumhin ne ham ko sunaiya na apna dukh warna
Dua wo karte k ham asman hila daite

Hamein ye zoom raha ab k wo pukaren ge
Unhen ye zid thi k har bar ham sada daite

Wo tera hgam tha k taseer mere lahje ki
K jis ko hal sunate use rula daite

Tumhen bholna hi awwal to dastaras me nahin
Jo ikhtiyar bhi hota to kia bhula daite?

Hum apne bachon se kaise kahen k ye ghoriya
Hamare bus me joo hoti to hum dila daite

Tumhari yad ne koi jawab hi na dia
Mere khayal k aansu rahe sada daite

Samaton ko me ta-umer kosata Syed
Wo kuch na kahte magar honth to hila daite___!!!
__________________________

Jub Bhi Wo Shakhs “Wasi” Mujh Se Khafa Ho Jaye

Jub Bhi Wo Shakhs “Wasi” Mujh Se Khafa Ho Jaye
Ik Sunami Mere Seenay Mein Bapaa Ho Jaye

Dil Mein Phir Kuch Bhi Nahi Hoga Khalaon Ke Siwa
TU Kisi Roz Agar Mujh Se Judaa Ho Jaye

Wo Bohat Rakhta Hai Chaahat Ki Namazon Ka Hisaab
Wo Tou Ik Sajda Na Bakhshay Jo Qazaa Ho Jaye

Thapkian De Ke Sulaati Hai Teri Yaad Hamain
Neend Jis Raat Bhi Aankhon Se Khafaa Ho Jaye

Ye Tareeqa Hai Mohabbat Ki Ibaadat Ka “Wasi”
Os Ko Chhuu Lenay Se Ik Rukun Adaa Ho Jaye____!!
__________________________

Teri Janib Agar Chaley Hotey

Teri janib agar chale hote
Hum na yon dar-badar hoe hote

Sari duniya hai meri muthi main
Kon ae ga ab tere hote

Aur ab kiou nahin nibhate tum
Itne wade nahin kiye hote

Paa liya me ne sari duniya ko
Koi khawahish nahin tere hote

Us ki ankhon main baar panne ko
Kash hum khawab ban gae hote________!!
__________________________


Dya Dye Se Jalaa Loon Tou Chain Aaye Mujhe
Tumhain Galay Se Laga Loon Tou Chain Aaye Mujhe

Mohabbaton Ke Saheefay Hain Ya Azaab Koi ?
Tere Khatoot Jala Loon Tou Chain Aaye Mujhe
__________________________

Adhori Batain Hi Zindagi Hain

Adhori batain hi zindagi hain
Wo guzari batain hi zindagi hain
Agarcha dil ki udas ujari hoi roton me
Bikhar gai hain
Kai zamanon se sari batain
Wo guzri batain
Sulagti shamon k jalte bujhte alao hi me
Pighal gai hain
Adori batain
Zaroori batain
Yeh khushk hoti hoi raggon ki siyah qabron main neem-murda
Dassi hoi khuwahishon ke hamrah
Gondhi hoi hain
Yeh ankh ki putliyon me thak k
Khatakti palkon pe so gai hain
Tamam batain dorust janna
Tamam khadshe baja hain lekin
Har ik imkan zindagi me
Ragon me aur rooh ki zameen me
Inhi ki yaden bhatak rahi hain
Inhi ke dum se zaeef jazbon, thatharte lafzon
Bojhi tamanaon mai ramaq hai
Adhori batain hi zindagi hain
Wo guzri batain hi zindagi hain
Khayal rakhna_______!!
Adhori batain bhola na dena
Wo guzri batain bhola na dena
Khayal rakhna
Khayal rakhna______!!
__________________________

Dil Mein Bikhray Howay Jaalon Se Pareshaan Na Ho

Dil Mein Bikhray Howay Jaalon Se Pareshaan Na Ho
Mere Guzray Howay Saalon Se Pareshaan Na Ho

Meri Aawaaz Ki Talkhi Ko Gawaara Kar Le
Mere Gustaakh Sawaalon Se Pareshaan Na Ho

Mein Ne Maana Teri Aankhain Nahi Khulti Hain Magar
Din Nikalnay De, Ujaalon Se Pareshaan Na Ho

Apni Zulfon Mein Utarti Howi Chaandni Ko Chhupa
Mere Bikhray Howay Baalon Se Pareshaan Na Ho

Ay Nayi Dost Mein Bharpoor Howa Hun Tera
Mere Maazi Ke Hawaalon Se Pareshaan Na Ho

Dekh Yun Door Na Ho Mujh Ko Laga Le Dil Se
Tu Meri Rooh Ke Chhaalon Se Pareshaan Na Ho

Khud Ko Veeraan Na Kar Mere Lye, Jaan Meri
In Pareshaan Khayaalon Se Pareshaan Na Ho____!!

Read More..

Read More