Tumhe Jab Kabi Milain Furstain Mere Dil Say Bojh Utar Do
Tumhe jab kabi milain furstain mere dil se bhoj utar do
Main bohat dinon se udas hon mujhe koi sham udhar do
Mujhe apne roop ki dhop do ke chamak sakain mere khal-o-khad
Mujhe apne rang main rang do mere sare zang utar do
Kisi aur ko mere haal se na garz ha koi na wasta
Main bikhr gya hon smait lo, main bigad gya hon sanwar do
Meri wehshton ko badha dya ha jodaion k azab ne
Mere dil pe haath rakho zara meri dadhknon ko qrar do
Tumhe subhu kaisi lagi, kaho, meri khawahshon k dyar ki
Jo bhali lagi to yahi raho, ise chahton se nikhar do
Wahan ghar main kon ha muntzar k ho fikar dair sawair ki
Badi mukhtsar si ye raat ha isi chandni main guzar do
Koi baat krni ha chand se kisi shakhsar ki oot main
Mujhe raste main yahin kahin kisi kunj gul main utar do__!!
_______________________________
Koi Sham Aati Hai Teri Yad Ley Kar
Koi Sham aati hai teri
YAD lekar
Koi Sham Jati hay teri
YAD dekar
Mujhe to intezaar hay us
Sham ka
Jo Aaye Tujhe Sath Lekar__!!
_______________________________
November Ki Ye Akhri Sham
November ki ye akhri Sham
Mere Doston k naam
Ulfat Bhara Salam
Mere Doston k naam
Kuch ko Me ne Manaya
Kuch ne Mujhe Manaya
Hm ne diye Ilzam
Ek Dusre k naam
Kuch Waday kiye Pure
Kuch reh gaey Adhure
Nibhayen ge her Rishta
Ehd-e-Wafa k naam
Chalti rahe Ye Dosti
Ta Dum-e-Ikhtitam
Mera hai Ye Pegham
Mere Doston k naam
Likha hai ye Kalam
Me ne Doston k naam
November ki akhri Sham
Mere Doston k naam__!!
_______________________________
Sakoot-E-Sham Main Goonji Sada Udasi Ki
Sakoot-e-Sham main goonji sada udasi ki
K hai mazeed udasi dawa udaasi ki
Amoor-e-Dil main, Kisi teesre ka dakhal nahi
Yahan faqat tere chalti hai ya udaasi ki
Bohat shareer tha main or hansta phirta tha
Phir ik faqeer ne de di dua udaasi ki
Chiragh-e-Dil ko zara ehtiyaat se rakhna
K aaj raat chale gi hawa udaasi ki
Bohat Dino se mulakaat hi nahi "Mohsin"
Kahin se kher khabar le k aa udassi ki__!!
_______________________________
Is Bheegi Sham Ke Saey Mein Chupke Se Ager Tum Aa Jao
Is Bheegi Sham Ke Saey Mein Chupke Se Ager Tum Aa Jao
Yeh Sham Suhani Ho Jai Rangeen Kahani Ho Jai
Woh Bat Jo Hum Keh Na Sake
Ankhon Ki Zubani Ho Jai
Koi Piyar Bat Tum Chherho
Koi Piyar Ki Bat Sunain Hum
Han Piyar Kren Youn Hum Dono
Yeh Rat Suhani Ho Jai
Mein Bethoun Tere Pehloo Men
Kuchh Dil Ki Baten Ho Jain
Tum Unglian Phero Mere Balo Men
Hum Meethi Niend So Jain
Is Bheegi Sham Suhani Men Chupke Se Ager Tum Aa Jao__!!
_______________________________
Phir Tere Na Ane Ki Khabar Sham Mein Aayi
Phir Tere Na Ane Ki Khabar Sham Mein Aayi
Phir tere na aane ki khabar sham mein aayi
Zohrab ki talkhi si mere jaam mein aayi
Aye kash na poora ho koi bhi mera arman
Yeh aur tamanna,dil-e-nakaam mein aayi
Kia kia na ghazal us ki judai mein kahi hai
Barbadi-e-jaan bhi to kisi kaam mein aayi
Kuch tera sarapa mere ashaar mein utra
Kuch shairi meri,tere inam mein aayi
Kab tak ghum-e-doran mujhe fitrak mein rakhta
Aakhir ko to duniya bhi mere daam mein aayi
Kal sham ke tha sheikh-e-haram,sahib-e-mehfil
Sehba ki pari jaama-e-ehraam mein aayi
Har chand Faraz aik faqeer-e-sar-e-reh hoon
Par mumlikat-e-harf mere naam to aayi__!!
_______________________________
Teri Meri Ankh Mein Ay Gul Fark Agar Hai To Itna Hai
Teri meri aaNkh meiN ay gul fark agar hai to itna hai
Tere maqabil sehar khadi hai, mera kissa sham ka manzar.
Gehri-gehri ek udasi damane-shab par chha jati hai
Ik dhuNdhla-sa aaNchal lekar baam se utra sham ka manzar.
Humko bhi maloom hai logoN hasile-hizraN kya hota hai
Kuchh talkhi kuchh gham milte haiN aur akela sham ka manzar.
Kuchh to hum khud chup rehte haiN kuchh mehfil se darte haiN
Apne ghar se dekh rahe haiN iska uska sham ka manzar.
Apni sooni aNgnaaii meiN kal kuchh baadal barse the
BooNdoN ke jadoo se muattar bheeg rahaa tha sham ka manzar__!!
_______________________________
Hui Hai Shaam Tau Aankhoon Mein Bus Gaya Phir Tu
Hui hai shaam tau aankhoon mein bus gaya phir tu
Hui Hai Shaam Tau Aankhoon Mein Bus Gaya Phir Tu
Hui hai shaam tau aankhoon mein bus gaya phir tu
Kahan gaya hai meray shehr ke musafir tu
Mein jaan ta hoon keh dunya tujhe badl de gi
Mein maan ta hoon keh aisa naheen bazahir tu
Bicharna hai tau hansi khushi se bichar ja
Yeh kya sochta hai hur muqaam peh aakhir tu
Faraz tu ne oose mushkiloon mein daal dya
Zamana sahib-e zar aur sirf shair tu__!!
_______________________________
Aisi Lagi Udaas Sar-E-Shaam Zindagi
Aisi Lagi Udaas Sar-E-Shaam Zindagi
Aisi lagi udaas sar-E-shaam zindagi
Jaisay kisi ki aankh ka ilzam zindagi
Apne jahan main daikha tere baad kuch nehi
Hum ne laga di aaj tere naam zindagi
Jis k bina ye saans mujhay doobti lagi
Ja k usay bhi dhoond kisi shaam zindagi
Ye pyar dard na ban sakay jis k nashay main
Mujh ko pila de aaj wohi jaam zindagi
Ab doston k haath mere haath main nahi
Girnay laga hoon aaj mujhay thaam ZINDAGi__!!
_______________________________
Sham Honay Ko Hai
Sham honay ko hai
_______________________________
Sham Honay Ko Hai
Sham honay ko hai
Laal sooraj samandar maiN khonay ko hai
Aur uske paray kuch parinday
QataraiN banaye huwe
Unhi jangloN ko chalay
Jin k pairoN ki shakhoN pe haiN ghonslay
Yeh parinday
WaheeN lot kar jayeN gay
Aur so jayeN gay
Hum hi hairan haiN
Is makanoN k jangal maiN
Apna kahiN bhi thikana nahiN
Sham honay ko hai
Hum kahaN jayeN gay?__!!
0 comments:
Post a Comment