Dunya Say Wafa Kr K Silaa Dhoondh Rahay Hain
Dunya se wafa kar ke silaa Dhoondh rahe hain
Ham log bhi nadan hain ye kya Dhoondh rahe hain
Kuch dair Thahar jaye banda-e-insaaf
Hum apne gunaahon main Khata Dhoondh rahe hain
Ye bhi to sazaa hai ki giraftar-e-wafa hoon
Kyun log mohabbat ki sazaa Dhoondh rahe hain
Dunya ki tamannaa thi kabhi hum ko bhi 'Faakir'
Ab zaKhm-e-tamannaa ki dava Dhondh rahe hain__!!
0 comments:
Post a Comment