Shaam Shayari

Udaas Shamon Ki Siskiyon Mein

Udaas Shamon Ki Siskiyon Mein
Kabhi Jo Meri Awaz Sun'n

To Beetay Lamhon Ko Yaad Ker Ke
Inhi Fizaon Mein Loat Aana_____!!

Tum Aaya Karte The Khuwab Ban Ker
Kabhi Mehaktay The Gulaab Ban Ker

Main Khushk Hoonton Se Jab Pukaroon
Inhi Adaoon Mein Loat Aana

Meri Wafaon Ka Paas Rakhna
Meri Duaon Ko Paas Rakhna

Main Khali Hathon Ko Jab Uthaon
Meri Duaon Mein Loat Aana______!!
_____________________________

Aey Sham Usay Batana

Aey Sham! Usay Batana!
Saraab Uss Ki Justajoo k
Nisaab Uss Ki Aarzoo k
Chaar Soo Bikhrey Hue Hain
Kasak Ruton Ki Daastanein
Har Lafz Mein Band Hain
Meri Aankhein Saye Ki Manind Chup Hain
Magar In Mein Basa Intezar
Ab b Zinda Hay
Aey Sham!Usay Batana!
Usay Apney Ander Zinda Rakhtey Rakhtey
Mery Saray Jazbey Jhulas Gaye Hain
Paas-e-Wafa k Bharam Mein
Mera Sakoon Jal Chuka Hay
Meri Aankhon Mein Bas Raakh Hi Raakh Hay
Jis Mein Har Lamha
Uss Ki Muhabbat Ki Chingari
Bharaktii Rehti Hay
Aey Sham!Usay Batana!
Pehlay b Paanion Mein Rehtay Thy
Ab b Samander Mein Ghar Banaya Hay
Doobtey Suraj Ki Zard Roshnee Se
Khud Ko Izterab k Singhar Se Sajaya Hay
Dhalti Sham Se Ley Kar
Dhalti Sham Tak
Lahoo Ne Usi Ka Riyaz Kiya Hay
Jis Se
Meri Khalvatein,Meri Jalvatein
Har Gharri Abad Hain
Aey Sham!Uss Se Poochna!
Kya Meri Sari Raatein
Firaq Ki Rut Mein Basar Hongi?
Aur Mujhay Batana k
Main Khud Ko Kaisy Samjhaon
k Adhoori Khuwahish
Honton Ko Khushk Aur
Aankhon Ko Num Rakhti Hay
Aey Sham!Usay Batana!
k Iss Barbaad,Geelay Nagar Mein
Main Hi Nahi
Vo b Rehta Hay
Uss Se Kehna
k Mery Ander Vo Iss Tarah Hay
Jis Tarah Isha Mein Vitr!
Mery Sath Sath b
Mujh Se Juda b
Aey Sham Usay Batana__!!

_____________________________

Jab Sham Sunehari Hoti Hai

Jab Sham Sunehari Hoti Hai

Jab Tanahi Mujpe Roti Hai

Jab Tri Yadden Hoti Hain

Mat Pooch Dil Ki Halat Kaisi Hoti Hai

Mera Sajan Mujse Rotha Hai

Bindhya,Kanghan Sub Chota Hai

Bin Barse Naina Roti Hain

Mat Pooch Dil Ki Halat Kaisi Hoti Hai

Khawab,Ishq,Muhabbat Sub Dhookha Hai

Aik Thandi Hawa Ka Jhonka Hai

Jab Barbad Dil Ki Basti Hoti Hai

Mat Pooch Dil Ki Halat Kaisi Hoti Hai

Muhabbat Main Kya Pana

Sub Tau Khona Hai

Dil Tau Bus Aik Khlona Hai

Jab Humsafar Ruswai Hoti Hai

Mat Pooch Dil Ki Halat Kaisi Hoti Hai__!!

_____________________________

Sham Ko Parindo Ki Tarha Laut Atey Hum

Sham ko parindo ki trah laut atey "HUM"

Muntazir koi ager hamara hota___________!!

Chand taro ki talb kise thi

Bs roshni k liye ek sitara hota____________!!

"HUM" mein shayd koi kami thi warna

Zaroor koi tarf daar hamara hota_________!!

Dunya k logo ki tamanna kise thi__________?

Hum ne chaha Bs Ek "WOH" hamara hota__!!

_____________________________

Har Haseen Shaam Ko Main Nay Tanha Reh K Dhaltay Dekha

Har haseen shaam ko maine tanha rehke dhalte dekha

Na aaye tum kabhi, maine bas waqt ko nikalte dekha

Kuch chiraag jalaaye the is ummeed me ki tum aaoge

Ummeed ke chiraagon ko maine har ghadi jalte dekha

Thaamaa tha kabhi mera haath, kuch kasme khaayi thi

Kasme toot gayi aur maine us haath ko fisalte dekha

Kehte ho ki maine chhoo ke tumhe kohinoor kar diyaa

Maine waqt ke saath heere ko mitti me badalte dekha

Mohabbat jaisa hasi inaam paake log bhul jaate hain

Tor Ke dil chaahat me kai logon ko maine chalte dekha

Kai baar farebi aansuon ko aankhon se nikalte dekha

Cchot khaake sakht paththaron ko maine pighalte dekha

Jab saath tha main tumhaare tumne meri qadar nahi ki

Maine har roz tumhaari mohabbat ko bas badalte dekha

Har haseen shaam ko maine tanha rehke dhalte dekha

Na aaye tum kabhi, maine bas waqt ko nikalte dekha__!!

Read More..