Dono Jahan Teri Mohabbat Mein Haar K

Dono Jahan Teri Mohabbat Mein Haar K

"Dono jahan teri mohabbat meiN haar ke
Wo ja raha hai koi shab-e-Gham guzaar ke"

"VeeraaN hai maikada Khum-o-saaGar udaas hai
Tum kya gaye ke rooTh gaye din bahaar ke"

"Ek fursat-e-gunaah mili, wo bhi chaar din
Dekhe haiN ham ne hausle parvar-digaar ke"

"Duniyaa ne teri yaad se begana kar diya
Tujh se bhi dil-fareb haiN Gham rozgaar ke"

"Bhoole se muskuraa jo diye the wo aaj ‘Faiz’
Mat pooch val-vale dil-e-naa-kardaakaar ke"