Mera Naam Hy Mohabbat
"Khoyi Khoyi Si Dheemi Dheemi Si
Thori An-kahi Thori Si Muskurati"
"Do Dilo’n ki Hy Ijazat
Mera Naam Hy Mohabbat"
"Bheege Sapne
Kachi Yaadei’n"
"Choti Choti Dil Ki Baatei’n
Kehti Hy Ye Zindagi
Kesi Hy Deewangi
Koi Rehta Hy
Aahato’n k Kinarey
Choo Loon Tou Sansanahat"
"Mera Naam Hy Mohabbat"
"Kuch Tehreerei’n
Likhte Rehna
Apne Ghar Main
Chalte Rehna
Anjani Baato’nMain Bhi
Hoti Hy Dil Ki Lagi
Sookhey Lamho’n Main
Baarisho’n k Kinarey
Honto’n Pe Hy Shararat"
"Mera Naam Hy Mohabbat"
________________________________
Wahi Takraar Lafzoon Ki
"Wahi Takraar Lafzoon Ki
Wahi Andeshey Furqat K"
"Wahi Gumnaam Si Kasak
Wahi Hr Baat Pr Ranjish"
"Wahi Hr Baat Pr Larna
Wahi Likhna Humaray Naam Ko Be_Reham Mojon Pr"
"Wahi Apni Kitabon Main Gulabi Titlian Rakhna
Wahi Be_Mayni Baton Main Humara Zikr Ley Aana"
"Humay Parday Say Cchup Kr Dekhna Aur Muskura Dena
Wahi Muskan Dheemi Si"
"Wahi Kuch Bolti Aankhein
Wahi Chup Chaap Sa Lehja"
"Wahi Bechain Si Halchal
Wahi Saye Say Ghabrana"
"Wahi Sakhiyon Say Katrana
Wahi Kehnay Say Kuch Darna"
"Sab Hi Aasaar Kehtay Hain
Usay Mujh Say Mohabbat Hai"
________________________________
Wo Kehti hai Suno Jana
"Wo Kehti hai Suno Jana
Mohabbat Moom Ka Ghar Hai
Tabish Bad Gumani Ki
Kahin Pighla Na De iss ko"
"Main Kehta Hoon
Jis Dil Main Zara B Badgumani Ho
Wahan Kuch Or Ho Tu Ho
Mohabbat Ho Nahi Sakti"
"Wo Kehti Hai Sada Aisay Hi
Kaya tum Muj Ko Chaho Gaye
Keh Main Ais Main Kami Koi Bhi
Gawara Ker Nahi Sakti"
"Main Kehta Hoon
Mohabbat Kaya Hai
Yeh Tum nay shikaya hai
Mujay Tum Say Mohabbat K Siwa
Kuch bhi Nahi Aata"
"Wo Kehti Hai
Judai Say Buht Darta Hai Mera Dil
Keh Khud ko Tum Say Hat Ker Dekhna
Mumkin Nahi Hai Ab"
"Main Kehta Hoon
Yahi Khadshay Bohat Muj Ko sattay Hain
Mager Sach Hai Mohabbat Main
Judai Saath Chalti Hai"
"Wo Kehti Hai
Batao Kaya Mere Bin Ji Sako Gaye Tum
Meri Baatien,Meri Yaadien,Meri Ankhien
Bhula Do Gaye"
"Main Kehta Hoon
Kabhi Iss Baat Pr Socha Nahi Main Nay
Ager Ik Pal Ko B Sochon To
Saansien Ruknay Lagti Hain"
"Wo Kehti Hai Tumhien Mujh Say
Mohabbat Iss Qader Kyun Hai
Keh Main Ik Aam Si Larki
Tumhien Kyun Khas Lagti Hoon"
"Main Kehta Hoon
Labhi Khud Ko Meri Ankhon Say Tum Dekho
Meri Dewangi Kyun Hai
Yeh Khud He Jaan Jao Gi"
"Wo Kehti hai
Mujay Waraftgi Say Dekhtay Kyun Ho
Keh Main Khud Ko Bohat
Qeemti Mehsoos Krti Hoon"
"Main Kehta Hoon
Mata-e-Jaan Bohat Anmool Hoti Hai
Tumhien Jab Dekhta Hoon Zindgi
Mehsoos Krta Hoon"
"Wo Kehti Hai Mujay Alfaz K Jugno Nahi Miltay
Keh Tumhien Bata Sakon
Keh Dil Main Mere
Kitni Muhabbat Hai"
"Main Kehta Hoon
Mohabbat To Niighaon Say Jhalkti Hai
Tumhari Khamosi Mujh Say
Tumhari Baat Kerti Hai"
"Wo Kehti Hai
Batao Na Kis Ko Khonay Say Dartey Ho
Batao Kon hai Wo Jisay
Yeh Musam Bulatay Hain"
"Main Kehta Hoon
Yeh Meri Shyayeri Hai Ayena Dil Ka
Zara Dekho Batao Kaya
Tumhien Is Main Nazar Aya"
"Wo Kehti Hai
Suno!! Bohat Baatien Banatay Ho
Mger Sach Hai Yeh Baatien
Bohat Hi Shaad Rakhti Hain"
"Main Kehta Hoon
Yeh Sab Baatien Yeh Fasaany Ik Bahana Hain
Keh Pal Kuch Zindagaani K
Tumharey Saath Kat Jayen
Phir Us K Baad Khamoshi Ka
Dilkash Raqs Hota Hai
Nigahein Bolti Hain Aur
Lab Khamosh Rehtay Hain"
________________________________
Muhabbat B Ajab Shay Hai Bari Takleef Deti Hai
"Muhabbat bhi ajab shay hai bari takleef deti hai
Isi meiN lutf haiN saare, yahi takleef deti hai"
"Yehi dastoor hai shaayad wafaadari kii duniya ka
Jise jee jaan se chaaho wahi takleef deti hai"
"Shikaayat kar rahaa tha aasmaaN se aik sehra kal
Mujhe khawaaboN meiN aksar ik naddi takleef deti hai"
"Palak bhar ka milan hota hai do anjaan chehroN meiN
Magar phir umr bhar ye ik ghaRi takleef deti hai"
"Kazaa ka khauf lekar jee rahe haiN sab zamaane meiN
Haqiiqat meiN sabhi ko zindagi takleef deti hai"
"Kabhi mauka-b-mauka ho to koii sabr bhi kar le
Magar aathoN pehar kii bekhudi takleef deti hai"
"Savaa neze pe jab aa jaayega sooraj to kya hoga
HumeN to garmiyoN kii loo baRi takleef deti hai"
"Zaraa kachche makaanoN kii taraf bhi tum nazar dalo
JahaaN baarish kii har teekhee jhaRi takleef deti hai"
"Adaavat ke jinhoNne har taraf parcham uRaaye the
UnheN ab dostoN kii berukhi takleef deti hai"
"Numu hote hi jiske baaghbaaN hasrat se taktaa hai
Kaii kaaNtoN ko wo taazaa kalii takleef deti hai"
"Bhulaane kii tago-dou meiN jalaa daale haiN khat mere
Magar usko usii kii diary takleef deti hai"
"Nazar aaye jahaaN se roshnii masloob aaNkhoN kii
Bayaaze-dil ko aisii shayri takleef deti hai"
________________________________
Mohabbat ki aseeri se rehayi mangtay rehna
"Mohabbat ki aseeri se rehayi mangtay rehna
Buhut asaan nahiin hota judai mangtay rehna"
"Zara sa ishq kar lena zara si aankh bhar lena
Phir us kay baab main saari khudai maangtay rehna"
"Kabhi mehroom honton per dua ka hurf rakh dena
Kabhi wehshat main uski narsai mangtay rehna"
"Wafaon kay tasalsal se mohabbat ruth jaati hai
Kahaani main zara si bewafai mangtay rehna"
"Ajab hai wehshat-e-jaan bhi kay adat ho gayi dil ki
Sukoot-e-sham-e-ghum se hum navai mangtay rehna"
"Kabhi bachay ka nanhe haath per titli kay per rakhna
Kabhi phir us kay rangon say rehai mangtay rehna"
________________________________
Mohabbat Na Rahe Tou Phir
"Mohabbat Na Rahe Tou Phir
Raha Kuch Bhi Nahi Kerta"
"K Itni Taiz Aandhi Main
Bachaa Kuch Bhi Nahi Kerta"
"Wo Mujh Ko yaad Rakhna
Ab Gawara Hi Nahi Kerta"
"Main Jis Ko Yaad Rakhne
K Siwa Kuch Bhi Nahi Kerta"
"Kaha Tha Tujh Se Nadaan
K Zulm Ki Taiz Baarish Main"
"Siwaye Kachy Makano’n k
Gira Kuch Bhi Nahi Kerta"
________________________________
Dono Jahan Teri Mohabbat Mein Haar K
"Dono jahan teri mohabbat meiN haar ke
Wo ja raha hai koi shab-e-Gham guzaar ke"
"VeeraaN hai maikada Khum-o-saaGar udaas hai
Tum kya gaye ke rooTh gaye din bahaar ke"
"Ek fursat-e-gunaah mili, wo bhi chaar din
Dekhe haiN ham ne hausle parvar-digaar ke"
"Duniyaa ne teri yaad se begana kar diya
Tujh se bhi dil-fareb haiN Gham rozgaar ke"
"Bhoole se muskuraa jo diye the wo aaj ‘Faiz’
Mat pooch val-vale dil-e-naa-kardaakaar ke"
________________________________
Mere Ishq Ko Nidhaal Kar
"Mere Ishq Ko Nidhaal Kar
Kabhi Hij'r Ko Bhi Wisaal Kar"
"Meri Aankh Ko Beenaai De
Mere Kalb Ko Ujaal Kar"
"Mujhe Dars De Tu Fana Ka
Mera Ishq Ma Bura Haal Kar"
"Mujhe De Saza Koi Sakht Si
Mujhe Is Jahaan Ma Misaal Kar"
"Meri Asal Soorat BigaR De
Kisi Ishq Ki Bhatti Ma Daal Kar"
"Mujhe Bhi Pila Koi Aisi Shay
Kabhi Meri Aankhein Bhi Laal Kar"
"Wo Jo Us Jahaan Ma Halaal Hai
Kabhi Is Jahaan Ma Halaal Kar"
"Teri Talab Ma Hoon Ma Dar'ba'dar
Kabhi Is Taraf Bhi Khayaal Kar"
0 comments:
Post a Comment