Barish E Sang E Malamat Main Sharaboor Rahey

Barish-E-Sang-E- Malamat Main Sharaboor Rahey

Barish-e-sang-e- malamat main sharaboor rahey
Harf aaye naa tujh par , tujh say door rahey

Aatish e qalb bhujaney say kahan bhujtee hay
Dil main khawabeedaa agar yaad kay shurur rahey

Natawaan jism o jaan, dunyaa say woh takar laynaa
Hum essee baat pay had darjaa maghroor rahey

Dard barh jaye to khud aap marham hotaa hay
Suna jo hum nay to phir hum bhee zakhm choor rahey

Hansatey rahtey hain sar e bazm, hay aadat apnee
Hum to woh hain kay dukh uthaa kay bhee masroor rahey

Barh gayee had say sharafat to kuchlay jao gay
Yaad har pal tumhain dunya kaa yeh dastoor rahey

Ghazal main haal jo hum apna bayaan kar baithey
Es dil kay hathon bohat majboor rahey__!!

Read More

Kisi Ki Yad Dil Mein Hai Koi Ehsas Baqi Hai

Kisi Ki Yad Dil Mein Hai Koi Ehsas Baqi Hai

Kisi ki yad dil me hai koi ehsas baqi hai
Badlte mosmon k darmiyan ik raz baqi hai

Abhi to me safar me hoon milengi manzilen mujh ko
Mgr in raston k darmiyan ak sath baqi hai

Kahin par sham dhalti hai kahin par rat hoti hai
Abhi to chandni hai chand ki rat baqi hai

Chale aao kisi din tum hamara hal bhi dekho
Hamara jism murda hai mgr ik sans baqi hai

Umeed hai phir milega wo hamen 1din
Khuda pr hy bhrosa abi,Khuda ki zat baqi hy__!!

Read More

Sambhala Hosh Hai Jab Se Muqaddar Sakht'Tar Nikla

Sambhala Hosh Hai Jab Se Muqaddar Sakht'Tar Nikla

Sambhala Hosh Hai Jab Se Muqaddar Sakht'Tar Nikla
Para Hai Waasta Jis Se Wohi Teer-O-Tabar Nikla

Sabaq Daita Raha Jo Umer Bhar Roshan Khyali Ka
Usey Jab Pas Se Daikha To Khud Bhi Tang Nazar Nikla

Samajh Kar Zindagi Jis Se Mohabat Kar Rahey Thay Hum
Usey Jab Chhu K Daikha To Faqat Khaki Bashar Nikla

Mohabat Ka Khumaar Utra To Tab Saabit Hua
Jisey Manzil Samajhte Thay Wo Be'Maqsad Safar Nikla.

Read More

Parho Ge Khat Kabhi Mery Kabhi Tasveer Dekho Ge

Parho Ge Khat Kabhi Mery Kabhi Tasveer Dekho Ge

Parho Ge Khat Kabhi Mery Kabhi Tasveer Dekho Ge
Kabhi Haathon Mein Jo Likhi Hai Wo Tehreer Dekho Ge

Likho Ge Kuch Hatheli Par Parho Ge Kuch Kitabon Mein
Nazar Aayen Ge Hum Tum Ko Sawalon Mein Jawabon Mein

Kabhi Aansu Bahao Ge Kabhi Tum Muskurao Ge
Kisi Se Kuch Kaho Ge Tum Kisi Sy Kuch Chupao Ge

Kabhi Khamosh Betho Ge Kabhi Kuch Gungnao Ge
Hum Utna Yaad Aayen Ge Humen Jitna Bhulao Ge__!!

Read More

Suno Logo Meri Ankhain Khareedo Gay

Suno Logo Meri Ankhain Khareedo Gay

Suno logo
Meri aankhain khareedo ge
Bohot majboor haalat mein
mujhe neelaam karni hain
Koi mujh se naqd le le
Main thoray daam kar doon ga
Jo pehli boli de de ga
Usi ke naam kar doon ga
Mujhay bazaar vaalay keh
Rahay hain kam aql taajir
Aray sunsaan logo nahin hoon main hirs ka khwahaan
Nafa nuqsaan ki shatranj
nahin main khelnay aaya
Koi mujh ko kahay na
manchala sa behunar taajir
Bata paaoon tumhain kesay kis tashveesh mein rakkhoon
Suno logo
Bari mehboob tar hain mujh
ko meri neem tar aankhain
Magar ab bechta hoon keh
Mujhay ik khaab ka taavaan bharna hai
Suno logo
Meri aankhain khareedo ge
Bohot majboor haalat mein
Mujhay neelaam karni hain__!!

Read More

Tere Khayal Se Aankhain Milane Wali Hon

Tere Khayal Se Aankhain Milane Wali Hon

Tere Khayal Se Aankhain Milane Wali Hon
Naye Saroop Ka Jado Jagane Wali Hon

Main Seent Seent K Rakhe Howe Lihafon Se
Tumhari rooh Ki Garmi Churane Wali Hon

Kaho K Chaon Meri Khud Samait Le Aa Kar
Main Ab Ghata Ka Paranda Hilane Wali Hon

Jahan Pe Aam Ki Ghutli Dabi Thi Bhobhal Mein
Wahain Pe Apne Dukhon Ko, Tapane Wali Hon

Is Algani Pe Akele Larzte Qatre Ko,,,,,,,,,,,,,,,,,,,
Bana K NENAA Main Surma Lagane Wali Hon__!!

Read More

Tumhare Khuwab Sajane Mein Lutf Ata Hai

Tumhare Khuwab Sajane Mein Lutf Ata Hai

Tumhare Khuwab Sajane Mein Lutf Ata Hai
Apne ApKo Jalane Mein Lutf Ata Hai

Khuda Se Apne Liye Mangta Hu Jab Tum Ko
Mujhe Yeh Hath Uttane Mein Maza Ata Hai

Tumhari Yaad Mein Bus Jagta Rahu Shab Behr
Khud Apni Neend Churane Mein Lutf Ata Hai

Tumhari Zaat Se Hai Be_Panah Pyaar Mujhe
Tumhare Naaz Uttane Mein Lutf Ata Hai__!!

Read More

Tumhare Baad Sapne Bun Rahi Hai

Tumhare Baad Sapne Bun Rahi Hai

Tumhare baad sapne bun rahi hai
Udasi se kia rakh chun rahi hai

Zara ahista bol aae yad-e-yaran
Meri tanhai sab kuch sun rahi hai

Tumhare qurb ki pur kaif leh per
Meri dharkan abhi sir dun rahi hai__!!!

Read More

Is Dard K Baad Koi Dard Dard Nahin Lagta

Is Dard K Baad Koi Dard, Dard Nahin Lagta

Is dard kay baad koi dard, dard nahin lagta
Kay shidat-e-dard ki inteha hoti hai mohabbat
Nahi uthti woh aankhain phir kisi pai
Ke jin aankhon main yeh fanna hoti hai mohabbat
Umar bhar jin ka aazala na kar pai
Bas aik aisi hi khata hoti hai mohabbat
Jo mil jae tou bas phir kya kehna
Warna aik musalsal saza hoti hai mohabbat
Log mujh say har baar yeh hi poochtay hain
Tum nay us main daikha kya
Main har baar yehi kahta hoon
Bewaja hoti hai mohabat___!!

Read More

Kaise Sukoon Paun Tujhe Dekhne Ke Baad

Kaise Sukoon Paun Tujhe Dekhne Ke Baad

Kaise Sukoon Paun Tujhe Dekhne Ke Baad
Ab Kya Gazal Sunaun Tujhe Dekhne Ke Baad

Aawaz De Rahi Hai Meri Zindagi Mujhe
Jaun Main Ya Na Jaun Tujhe Dekhne Ke Baad

Kaabe Ka Ehtaraam Bhi Meri Nazar Mein Hai
Sar Kis Taraf Jhukaun Tujhe Dekhne Ke Baad

Teri Nigah-E-Mast Ne Deewana Kar Diya Hai
Kya Maikade Ko Jaun Tujhe Dekhne Ke Baad

Nazron Mein Taab-E-Deed Hi BaaQi Nahi Rahi
Kisse Nazar Milaun Tujhe Dekhne Ke Baad__!!

Read More

Deti Hai Sukoon Rooh Ko Kaanton Ki Chubhan Bhi

Deti Hai Sukoon Rooh Ko Kaanton Ki Chubhan Bhi

Deti hai sukoon rooh ko kaanton ki chubhan bhi.
Khushbu se kabhi hoti hai seenay mein jaln bhi

Aansoo hi nahi haasil-e-izhar-e-gham-e-dil
Honton se larzti hai tabbassum ki kiran bhi

Ehsaas ke andaz badal jatey hein warna
Aanchal bhi usi taar se banta hai, kafan bhi__!!

Read More

Mere Liye Sogwar Rehna Udhas Rehna

Mere Liye Sogwar Rehna Udhas Rehna

Mere lye sogwar rehna, udhas rehna
Khushi millay nhi to derd sehna, udhas rehna

Sajjay ga tujh pr ye matmi perahin ghazab ka
Khud apne kajal k sath behna, udhas rehna

Tere tabasm ka sakht dushman hai ek zamana
Koi rollay to phr na kehna, udhas rehna

Nai dulhan ko wo jatay waqt keh gia tha
Yehi uddasi hai tera gehna, udhas rehna

Najanay kis jurm ki saza mill rahi hai natiq
Fazool din raat shear kehna udhas rehan__!!

Read More

Ansuon Shaam Ki Palkon Pe Larazty Rehna

Ansuoon  Shaam Ki Palkon Pe Larazty Rehna

Ansu’oon ! Shaam Ki Palkon Pe Larazty Rehna
Dob Jaye Jo Ye Manzar To Barastay Rehna

Us Ki Aadat Wohi Her Baat Adhori Karna
Or Phir Baat Ka Mafhom Badaltay Rehna

Aaj Se Seekh Lia Hai Ye Qareena Hum Ne
Bujh Bhi Jana To Bari Dair Tak Sulagtay Rehna

Jany Kis Umer Main Jaye Gi Ye Aadat Us Ki
Rothna Khud Se To Auron Se Ulajhtay Rehna_!!

Read More

Rehna Tha Mujh Ko Teri Nazar K Kamaal Mein

Rehna Tha Mujh Ko Teri Nazar K Kamaal Mein

Rehna tha mujh ko teri nazar k kamaal mein
Lekin main din guzaar rahi hoon zawaal mein

Ghaira hai is tarah mujhe wehshat k jaal ne
Sab khawab mere doob gaye is malaal mein

Mujh se nazar chura k guzarnay lagi hawa
Aanay lagi jo hijr ki khushbu wisaal mein

Hoon saa-at-e-azaab mein kiyun main abhi talak?
Ik umar se ghhiri hoon issi ik sawaal mein

Bay chainiyaan tamaam hi main uski orrh loon
Shamil mujhe karay tau kabhi apnay haal mein

Main sun rahi hoon phir se judaai ki aahatein
Jeena parray na phir se inhi maah-o-saal mein

Qismat se raah mein jo jazeeray humain milay
Tere gumaan mein thay,na mere khayyaal mein

Read More

Ghari Bhar K Liye Tujh Se Juda Rehna Bhi Mushkil Hai

Ghari Bhar K Liye Tujh Se Juda Rehna Bhi Mushkil Hai

"Ghari Bhar K Liye Tujh Se Juda Rehna Bhi Mushkil Hai
Magar Ye Bat Sub K Samnay Kehna Bhi Mushkil Hai"

"Har Ek Shay Tham Gai Hai, Sans Bhi Ankhon Ka Pani Bhi
K Ab To Ansoo Ka Ankh Se Behna Bhi Mushkil Hai"

"Baja Hai Zulum Hai Tera, Magar Ay Sheher Ke Hakim
Sitam Haad Se Guzar Jaye To Phir Sehna Bhi Mushkil Hai"

"Hai Dor e Maslehat Har Su , Gharz ka Dor Doura Hai
Galat Ko Is Zamany Main Galat Kehna Bhi Mushkil Hai"

"Lutairoooon K liye Aye Roshni Jannat Hai Ye Dharti
Yahan Hasas Insan K Liye Rehna Bhi Mushkil Hai"

Read More

Ghazlon Ka Hunar Apni Aankhon Ko Sikhayenge

Ghazlon Ka Hunar Apni Aankhon Ko Sikhayenge

"Ghazlon ka hunar apni aankhon ko sikhayenge
 Royenge bahut lekin aansu nahin ayenge"

"Kah dena samandar se ham os key moti hain
 Darya ki tarah tujh se milne nahin ayenge"

"Wo dhoop key chhappar hon ya chhaon ki deewaren
 Ab jobhi uthayenge mil jul key uthayenge"

 Jab saath na de koi aawaz hamein dena
Ham phool sahi lekin patthar bhi uthayenge"

Read More

Phir Taaron Bhari Raatian Hain

Phir Taaron Bhari Raatian Hain

"Phir taaron bhari raatian hain"
 Phir khushboo ki baratein hain"

"Phir raat ka thanda anchal hai
 Aur aik bhatakta badal hai"

"Phir sawan toot k barsa hai
 Aur phir dil itna tarsa hai"

"Phir duniya k jhamelon mai
 Phir zindagi k mailon main"

 "Ap ki yaad ki shehnai hai"
 Bus mai aur meri tanhai hai"

 "Bus mai aur meri tanhai hai"

Read More

Khwab Marte Nahi

Khwab Marte Nahi

"Khwab Marte Nahin
Khwab Dil Hain Na Ankhen Na Sansein K Jo
Reza-Reza Hue To Bikhar Jayenge
Jism Ki Maut Se Ye Bhi Mar Jayenge"

"Khwab Marte Nahin"

"Khwab To Roshni Hain, Nava Hain, Hava Hain
Jo Kale Paharron Se Rukte Nahin
Zulm K Dozakhon Se Bhi Phukte Nahin
Roshni Aur Nava Aur Hava K Alam
Maqtalon Main Pohanch Kar Bhi Jhukte Nahin"

"Khwab To Harf Hain"

"Khwab To Noor Hain"

"Khwab Suqraat Hain"

"Khwab Mansoor Hain"

Read More

Tumhain bhi ishq karnay ke hunar aanay lagay hain

Tumhain Bhi Ishq Karnay K Hunar Aanay Lagay Hain

"Tumhain bhi ishq karnay ke hunar aanay lagay hain
To kya ab khwab din main bhi nazar aanay lagay hain?"

"Na aankhain dekh sakti hain na hathon ki pohanch hai
Ye kaisay ab k pairon per samar aanay lagay hain"

"Tumhain kehta nahin tha khaak main taseer bhi hai
Udhar dekho musaafir lout kar aanay lagay hain"

"Bisaat_e_assmaaN se ab m'ri jaanib sitaary
Saf e sayyargaaN ko toR kar aanay lagay hain"

"BayabaaN paaoN se lipty huwye hain gard ho kar
Hamain dar'paish ye kaisay safar aanay lagay hain"

"Abhi to koi aabaadi ki soorat bhi nahin hai
Abhi se bastiyoN main nauha'gar aanay lagay hain"

"Abhi to milnay ki sa'at Saleem aai nahin hai
Abhi se dil main kaisay kaisay dar aanay lagay hain"

Read More

A Be Thikana DiL Meray

A Be Thikana DiL Meray

A Be Thikana DiL Meray__
Yeh Jo Khurdra Sa Lehja,,
Tera In Dinon Hua Ha,,
Youn He Be Sabab Nahi Hai__!!
Yeh Jo Be _Niaziyan Hain,,
Youn He Be Waja Nahi Hain_!!

Kisi Aur Aastaan Par,
Deira Jama Liya Kaya??
Dhooni Numa Kaheen Par,,
Jangal Basa Liya Kaya??
Kisi Aur Ajnabi Say,,
Kaheen Aashna hue Ho??
Apna Bna Liya Kaya??

Mera Dosh to Btao?
Mujhay Chor Kr Youn Tanha,
Meray Dil Kaheen Na Jao__!!

Meri Tum Say Aashnaayi,
Meri Tum Say Dosti Hai__!!

Meray Saath Tum Ho Jab Tak,,
Her Shay Mein Zindagi Hai__!!

Tera Sath Na Raha To,,
Armaan Kahan Basain gay??
Meray Dukh Kahan Rahain Gay??
Meray Meherbaan K Bakhshay,
Voh Sitam Kahan Rahain Gay??
Jinhain Tootynay Diya Na,,
Voh Bharam Kahan Rahain Gay??
Meray Dil Meray Musaafir,,
Mujhay Chor Kr Na Jana__!!
Bhala Meray Bin Kaheen Bhi,
Tera Hai Koi Thikana??

Read More