Best Shayari Of Ahmad Fraz

Karoon Na Yaad Magar Kis Tarha Bhulaoon Usay

Karoon na yaad magar kistrah bhulaoon ussay
Ghazal bahana karoon aur gungunaoon ussay

Wo khaar khaar hay shakh-e-gulab ki manind
Main zakhm zakhm hon magar galay lagaoon ussay

Yeah loog tazkaray kartay hain apnay logon k
Main kaisay baat karon, Ab kahan say laoon ussay

Magar wo zood-faramoosh zood-runj bhi hay
K rooth jayay, Agur yaad kuch dilaoon ussay

Jo humsafar sar-e-manzil bichar raha hay faraz
Ajjab nahi hay, agur yaad bhi na aaon ussay____!!
_________________________________

Dukh Fasana Nahi K Tujh Say Kahain

Dukh fasana nahi k tujh se kahain
Dil bhi mana nahi k tujh se kahain

Ek tu harf aashna tha magar
Ab zamana nahi k tujh se kahain

Ae khuda dard e dil hai bakhshish e dost
Aab o daanaa nahi k tujh se kahain

Be tarah haal e dil hai aur tujh se
Dostana nahi k tujh se kahain

Qasidaa hum faqeer logon ka
Ek thikana nahi k tujh se kahain

Ab to barson se us gali men FaRAZ
Aana jaana nahi k tujh se kahain_____!!
_________________________________

Dard kia hota hai batayein Gay kisi roz

Dard kia hota hai batayein Gay kisi roz
Kamal ki Ghazal tum ko sunayein Gay kisi roz

Thi un ki zid k main jaaoun un ko manane
Mujh ko ye veham tha wo bulayein Gay kisi roz

kabi b maine to socha b nahi tha
Wo itna mere dil ko dukhayein Gay kisi roz

Har roz Sheshay se yehi poochta hoon main
Kia rukh pe tabassum sajayein Gay kisi roz

Urney do in parindon ko azaad fizaon mein
Tumhare hon agar to lout AAyein Gay kisi roz

Apne sitam ka dekh lena khud hi Saqi tum
Zakhum-e-jigar tamaam log dekhein Gay kisi roz____!!
_________________________________

Ranjish Hi Sahi Dil Hi Dukhany K Liye Aa

Ranjish hi sahi dil hi dukhany k liye aa
Aa phir Say mjhy chor k jany k liye aa

Pehly se marasim na sahi phir b kabi to
Rasm-o-rahy dunya hi nibhany k liye aa

Kis kis ko bataen ge judai ka sabab hum
Tu mujh se khafa hai to zamany k liye aa

Ab tak dil-e-khush fehem ko tujh se hain umeeden
Ye aakhri shammen b bujhany k liye aa____!!
_________________________________

Labon Pey Hansi Aankhon Main Sawal Rakhta Tha

Labon pe hansi ankhon main sawal rakhta tha
Is zarf main itna kamal rakhta tha

Kia khaber thi mujhy hi bhool jae ga
Jo meri ik ik cheez sanbhal rakhta tha

Suna hai log ab boht sataty hain usy
Main jis ka itna khyal rakhta tha_______!!
_________________________________

Main Logon Se Mulaqaton K Lamhy Yaad Rakhta Hoon

Main Logon Se Mulaqaton K
Lamhy Yaad Rakhta Hoon
Main Baatai?n Bhuul Bhi jao?n
Tou Lehjy Yaad Rakhta Hoon

Sar-e-Mehfil Nigahai?n Mujh Pe
Jin Logo?n Ki Parti Hyn
Nigaho?n k Hawaly Se
Wo Chehry Yaad Rakhta Hoon

Zara Sa Hut k Chalta Hoon
Zamany Ki Riwa?yat Se
K Jin Pe Bojh Main Daalo?n
Wo Kaandhy Yaad Rakhta Hoon_____!!
_________________________________

Qurbaton Mein Bhi Judayi K Zamaney Mangey

Qurbaton men bhi judai ke zamane maNge
Dil vo bemehar ki rone ke bahane maNge

Apana ye hal ke ji har chuke luT bhi chuke
Aur muhabbat vahi andaz purane maNge

Ham na hote to kisi aur ke charche hote
Khalqat-e-shahar to kahane ko fasane maNge

Dil kisi hal pe mane hi nahin jan-e-`Faraz`
Mil gaye tum bhi to kya aur na jane maNge______!!
_________________________________

Ab Aur Kaya Kisi Say Maraasim Barhayein Hum

Ab aur kya kisi se marasim burhaaein hum
Yeh bhi bohut hai, tujhe bhool jaein hum

Sehra-e zindagi mein koyee dosra na tha
Sunte rahe hein aap hi apni sadaein hum

Iss zindagi mein itni fraghat kise naseeb
Itna na yaad aa ke tujhe bhool ja?ein hum

Tou itni dil zada tau na thi ai shub-e firaq
Aa tere raaste mein sitare lota?ein hum

Woh log ab kahan hein jo kehte they kal faraz
Heh heh khuda na karta tujhe bhi rulaein hum____!!
_________________________________

Kiyon Tabiaat Kahin Theharti Nahi

Kiyon Tabiaat Kahin Theharti Nahi
Dosti Tau Udaas Karti Nahi

Hum Hamesha Ke Ser Chashm Sahi
Tujh Ko Dekhain Tau Aankh Bharti Nahi

Shab-e-Hijraan Bhi Roz-e-Bad Ki Tarah
Kutt Tau Jaati Hai Par Guzarti Nahi

Sher Bhi Aayton Se Kiya Kum Hein
Hum Pe Mana Wahi Utarti Nahi

Yeh Mohabbat Hai, Sun Zamany Sun
Itni Aasanion Se Marti Nahi

Jiss Tarah Tum Guzaarty Ho Faraz
Zindagi Iss Tarah Guzarti Nahi_____!!
_________________________________

Bay Niyaz E Gham E Paymaan E Wafa Ho Jana 

Bay nayaz-e-gham-e-paymaan-e- wafa hojaana
Tum bhi oroun ki tarah mujh say judaa hojaana

Main bhi palkoun pay saja loonga lahoo ki boondain
Tum bhi paabasta-e-zanjeer-e-hina hojana

Gar chay ab qurb ka imkaan hai bohat kam phr bhi
Kahin mil jain to tasveer numa hojana

Sirf manzil ki talab ho to kahan mumkin hai
Dosroon k liye khud aabla paa hojana

Khalq ki sangzani meri khata'aoun ka silaa
Tum to masoom hou tum door zara hojaana

Ab meray waastey taryaaq hay ilhaad ka zehar
Tum kisi or pujaari k khuda hojana____!!
_________________________________

Ab K Tajded E Wafa Ka Nahi Imkan Jana

Ab ke tajdid-e-vafa ka nahin imkan jana
Yad kya tujh ko dilayain tera paiman jana

Youn hi mausam ki ada dekh ke yad aya hai
Kis qadar jald badal jate hain insan jana

Zindagi teri ata thi so tere nam ki hai
Ham ne jaise bhi basar ki tera ehsan jana

Dil ye kahata hai ki shayad ho fasurda tu bhi
Dil ki kya bat karain dil to hai nadan jana

Awal-awal ki muhabbat ke nashe yad to kar
Be_piye bhi tera chehara tha gulistan jana_____!!

Akhir akhir to ye alam hai ki ab hosh nahin
Rag-e-mina sulag uthi ki rag-e-jan jana

Muddaton se ye alam na tavaqqo na ummid
Dil pukare hi chala jata hai jana jana

Ham bhi kya sada the ham ne bhi samajh rakha tha
Gam-e-dauran se juda hai gam-e-jana jana

Ab ki kuch aisi saji mahafil-e-yaran jana
Sar-ba-zanu hai koi sar-ba-gireban jana

Har koi apani hi avaz se kanp uthata hai
Har koi apane hi saye se hirasan jana_______!!
_________________________________

Jis Ko Dekho Wohi Zanjir E Ba Pa Lagata Hai

Jis ko dekho vahi zanjir-ba-pa lagata hai
Shahar ka shahar hua dakhil-e-zindan jana

Ab tera zikr bhi shayad hi gazal main aye
Aur se aur hua dard ka unvan jana

Ham ki ruthi hui rut ko bhi mana lete the
Ham ne dekha hi na tha mausam-e-hijran jana

Hosh aya to sabhi khvab the reza-reza
Jaise urate huye auraq-e-pareshan jana_____!!
_________________________________

Sun To Sahi Jahaan Main Hai Teraa Fasaana Kaya

Sun to sahi jahaan main hai teraa fasaanaa kyaa
Kehti hai tujh se Khalq-e-Khudaa Gaibanaa kya

Zina saba kaa Dhundati hai apni musht-e-Khaak
Baam-e-baland yaar ka hai astana kya

Ati hai kis tarah se meri kabz-e-ruuh ko
Dekhun to maut dhund rahe hai bahana kya

Betab hai kamal hamara dil-e-aziim
Mehmaan saray-e-jism ka hoga ravana kya_____!!
_________________________________

Qareb Mot Khari Hai Zaraa Thehar Jaao

Qariib maut kha.Dii hai zaraa Thahar jaao
Qazaa se aa.Nkh la.Dii hai zaraa Thahar jaao

Thakii thakii sii fazaaye.N bujhe bujhe taare
Bari udaas gha.Dii hai zaraa Thahar jaao

Nahii.n ummiid ki ham aaj kii sahar dekhe.n
Ye raat ham pe ka.Dii hai zaraa Thahar jaao

Abhii na jaao ki taaro.n kaa dil dha.Dakataa hai
Tamaam raat pa.Dii hai zaraa Thahar jaao

Phir is ke baad kabhii ham na tum ko roke.nge
Labo.n pe saa.Ns a.Dii hai zaraa Thahar jaao

Dam-e-firaaq me.n jii bhar ke tum ko dekh to luu.N
Ye faisale kii gha.Dii hai zaraa Thahar jaao________!!

Read More..