Labon Pay Naram Tabassum Rachaa K Dhul Jaayein
Labon pe narm tabassum rachaa ke dhul jaayeN
Khudaa kare mere aaNsuu kisii ke kaam aayeN
Jo ibtadaa-e-safar mein diye bujhaa baiThe
Wo bad_nasiib kisii kaa suraaG kyaa paayeN
Talaash-e-husn kahaaN le chalii Khudaa jaane
Umang thii ki faqat zindagii ko apanaayeN
Bulaa rahe hain ufaq par jo zard-ruu Tiile
Kaho to ham bhii fasaane ke raaz ho jaayeN
Na kar Khudaa ke liye baar-baar zikr-e-bahisht
Hum aasmaaN kaa mukarrar fareb kyun khaayeN
Tamaam maikadaa sun_saan maigusaar udaas
Labon ko khol kar kuchh sochatii hain miinaayeN____!!
_________________________
Love Land
O sufferers from intense nervous tension
Listen, there's a love land nearby
Here, thick smoke has screened all scenes
From there, the sky of immortality may
be seen most clearly
Here you can't catch your own speech
Even Divine breath is audible over there____!!
_________________________
Love Of Man
I swear
I've spent my whole life
in worship
Just look at my account sheet
I've always loved Mankind_______!!
_________________________
Mein Tujh Ko Bhool Chuka
Mein tujh ko bhool chuka, Lekin aik umar ke baad
Tera kheyal kya tha ke chott ubhar aayi________!!
_________________________
Mein Bhi Fani Hun Tou Bhi Fani Hai
Har musarat se sargarani hai
Kya yehi aalim jawani hai
Aa tujhe aik raaz batlaaon
Mein bhi fani hon, Tu bhi fani hai____!!
_________________________
Mujhe Kal Mera Ek Sathi Mila
Mujhe kal meraa ek saathii milaa
Jis ne ye raaz kholaa
K ab jazbaa-o-shauq kii vahashaton ke zamaane gaye
Phir vo aahistaa-aahistaa chaaron taraf dekhataa
Mujh se kahane lagaa
Ab bisaat-e-muhabbat lapeTo
Jahaan se bhii mil jaayen daulat - sameTo
Garz kuchh to tahaziib siikho_______!!
_________________________
Pressure
On blooming
The flower said
I cannot control my beauty now
For I've gone beyond
My own reach____!!
_________________________
Shaam Ko Subh-E-Chaman Yaad Aai
Shaam ko subah-e-chaman yaad aai
Kis kii Khushbuu-e-badan yaad aai
Jab Khayaalon mein koi morr aayaa
Tere gesuu kii shikan yaad aai
Yaad aaye tere paikar ke Khutuut
Apanii kotaahii-e-fan yaad aai
ChaaNd jab duur ufaq par Duubaa
Tere lahaje kii thakan yaad aai
Din shuaao.n se ulajhate guzaraa
Raat aai to kiran yaad aai____!!
_________________________
Tujhe Kho Kar Bhii Tujhey Paaon Jahaan Tak Dekhuun
Tujhe Kho kar bhii tujhe paauuN jahaaN tak dekhuuN
Husn-e-yazdaaN se tujhe husn-e-butaaN tak dekhuuN
Tuune yuuN dekhaa hai jaise kabhii dekhaa hii na thaa
MaiN to dil meN tere qadmoN ke nishaaN tak dekhuuN
Sirf is shauq meN puuchii haiN hazaaroN baateN
MaiN teraa husn, tere husn-e-bayaaN tak dekhuuN
Waqt ne zehn meN dhundhlaa diye tere khadd-o-Khaal
YouN to maiN TuuTte taaroN kaa dhuaaN tak dekhuuN
Dil gayaa thaa to ye aaNkhen bhii ko'ii le jaataa
Main faqat ek hii tasviir kahaan tak dekhuuN
Ek haqiiqat sahii firdaus meN huuroN kaa vajuud
Husn-e-insaan se nipat luuN to vahaan tak dekhuuN____!!
_________________________
Twists And Turns Of Body And Soul
How transparant is your body
As you passed by me yesterday
I saw your face
Showing lake-like peace
But, when my glance fell
Upon your heart
I saw a hellish turmoile
Seemingly resulting from
Some terrible earthquake_______!!
_________________________
Wo Koi Aur Na Thaa Chand Khushk Pattey Thet
Wo ko_ii aur na thaa chand Khushk patte the
Shajar se TuuT ke jo fasl-e-gul pe roye the
Abhii abhii tumhe.n sochaa to kuchh na yaad aayaa
Abhii abhii to ham ek-duusare se bichha.De the
Tumhaare baad chaman par jab ik nazar Daalii
Kalii kalii me.n Khizaa.N ke chiraaG jalate the
Tamaam umr vafaa ke gunaah_gaar rahe
Ye aur baat ki ham aadamii to achchhe the
Shab-e-Khaamosh ko tanhaa_ii ne zabaa.N de dii
Pahaa.D guu.Njate the dasht san_sanaate the
Wo ek baar mare jin ko thaa hayaat se pyaar
Jo zindagii se gurezaa.N the roz marate the
Naye Khayaal ab aate hai.n Dhal ke zahan me.n
Hamaare dil me.n kabhii khet lah_lahaate the
Ye iratiqaa kaa chalan hai ki har zamaane me.n
Puraane log naye aadamii se Darate the
'Nadeem' jo bhii mulaaqaat thii adhuurii thii
Ki ek chehare ke piichhe hazaar chehare the___!!
Read More..
No comments:
Post a Comment