Ek Pasheman Si Hasrat Say Mujhe Sochta Hai

Ek Pasheman Si Hasrat Say Mujhe Sochta Hai 

Ek pasheman si hasrat se mujhe sochta hai
Ab wohi shehar mohabbat se mujhe sochta hai

Mein to mehdud se lamhoon mein mِli thi uss se
Phir bhi woh kitni wazahat se mujhe sochta hai

Jiss ne socha he nah tha hijar ka mumkin hona
Dukh mein dubi hui herat se mujhe sochta hai

Mein to mar jaoon agar sochte lag jaoon ussay
Aur woh kitni sahulat se mujhe sochta hai

Garchah ab tark e marasim ko bohat der hui
Ab bhi woh meri ijazat se mujhe sochta hai

Kِtna khush feham hai woh shakhs kay har mausam mein
Ek naye rukh nai surat se mujhe sochta hai ___!!!