Pur Shikaston Ki Na CcheRo Daastan Is Martabaa

Pur Shikaston Ki Na CcheRo Daastan  Is Martabaa

"Pur Shikaston Ki Na CcheRo Daastan  Is Martabaa
Baith Jaye Ga Yeh Khastaa Aasmaan Is Martabaa"

"Dha Chuki Mera Kharaabaa Lekin Ae Reg E Rawaan
Itna Gham Tu Le Ke Jaye Gi Kahaan Is Martabaa"

"Baat Karna Jurm Hai  Im-saal Mere Shahr Mein
Aur Zoron Par Meri Tab_E_Rawaan Is Martabaa"

"Kya Khabar Abke Bhanwar Se Hath Nikle Ya Nahi
Dekhiye Kya Gul Khilaye Badbaan Is Martabaa"

"Be Salaakh Ab Aik Bhi Khirki Nahi Rah Jayegi
Her Taraf Se Uth Rahi HaiN Aandhiyaan Is Martabaa"

"Wo Dareechaa Band Hai Pichhle Baras Aisa Na Tha
Door Kitni Ho Gyee Hai Kahkashaan Is Martabaa"

"Ae ‘Muzaffar’ Jama Hon Gaye Saari Basti Ke Chiraagh
Aag Se Bachnaa Nahi Koyi Makaan Is Martabaa"
       
             (¯`*•.¸?AhmaD?¸.•*´¯)